克勤除了不停拍照，還大讚自己，「嘩！今日好靚！」
男團競賽真人show《披荊斬棘》第四季第一輪公演結束，二輪公演則展開全新組隊模式。李克勤作為哥哥組代表之一，選擇了符龍飛、高卿塵及慶憐三位實力強勁的弟弟加入哥哥陣營，同時個人與秦昊、黑澤良平成功組隊為第二輪公演競賽準備。
點擊看圖輯
克勤選擇了《蘭亭序》作為第二輪公開競賽的演出曲目。
克勤與黑澤良平要挑戰在舞台上反串飾演旦角「虞姬」。
李克勤是哥哥組代表之一。
第二輪公演，李克勤與秦昊、黑澤良平成功組隊。
第二輪公開競賽演出曲目克勤選擇了《蘭亭序》，並融入了京劇元素豐富舞台概念，克勤跟黑澤良平挑戰在舞台上反串飾演旦角「虞姬」。為了避免克勤跟黑澤良平的「虞姬妝」提前曝光，秦昊用黑色垃圾袋和傘自製了超大頭罩，將二人的臉遮得密不透風，從練習室到廁所一路小心翼翼，秦昊甚至提前探路避免和其他哥哥偶遇，行動鬼祟，十分搞笑。
克勤選擇了《蘭亭序》作為第二輪公開競賽的演出曲目。
克勤與黑澤良平要挑戰在舞台上反串飾演旦角「虞姬」。
《蘭亭序》與京劇的融合，是一次經典與創新的聯乘，首次挑戰京劇扮相的克勤也讓人眼前一亮，完成京劇妝容他十分滿意，他坦言自己從來都不是一個愛看鏡子的人，覺得只有美男子才會到哪裏都要看鏡子，但是這次他一直看着鏡子，還不停拍照，「嘩！今日好靚！我即刻send個message俾我太太，『你睇吓』，我太太第一次見到，然後話：『你搞咩呀？』哈哈。」
克勤對自己的「虞姬」妝好滿意。
還拍照給太太看。
二人是由20歲就相識的好朋友！
陳慧嫻40週年演唱會《The Fabulous 40 Priscilla live in Hong Kong》來到第三場，邀請了好朋友李克勤任嘉賓，慧嫻台上跳到甩褲，叫克勤幫手搞，又吩咐克勤，唔好咁辛苦為兒子賺錢，等佢地白手興家！
陳慧嫻第三場演唱會。
邀請了好朋友李克勤任嘉賓。
休息一日之後，慧嫻昨晚（1月24日）再返紅館，依舊狀態大勇，氣氛比前兩晚更熱烈，整晚都全場大合唱歌聲震館，令她十分開心，不知是否觀眾反應熱烈，慧嫻亦被帶動忘我，跳舞環節興奮跳到甩褲，當她與克勤完成《跳舞街》之後，立即大叫：「克勤呀！我唔知係咪瘦咗呀...我條褲甩左落嚟，我入面個條打底褲呀.....你幫我搞搞得唔得....」李克勤就尷尷尬尬笑住話：「我有家室㗎啦喎....」慧嫻：「唔緊要啦，當睇唔到啦今晚....」克勤：「搵個女dancer過嚟啦，過年流流.... 」引得觀眾大笑。
二人合作唱跳《跳舞街》。
掀起全場高潮！
慧嫻更興奮跳到甩褲。
兩個由20歲就相識的好朋友，從寶麗金年代已經同一間唱片公司，兜兜轉轉又再於新公司英皇娛樂中做回同事，慧嫻表示：「佢係李克勤！佢藉得啟德個館咁大掌聲呀！」克勤笑道：「咁客氣呀，識咗幾十年...」慧嫻即說：「就係識咗幾十年，我哋好少係台講真心話，通常真心話都係我哋係電話講，佢真係一個天才嚟㗎！我做咩都問佢意見，今次演唱會佢都特登第一場就嚟睇，又俾咗好多意見我，好多我諗唔到嘅嘢，佢都諗到。咁多年，我做咩節目，接咩工作，佢都俾好多意見我，我乜都問佢，不過近半年我見你不停咁巡迴演出，飛去呢度飛去個度，我都唔敢打咁多電話俾你，有時見到都覺得有啲心痛，做咩咁辛苦啊？」
二人由20歲就相識。
克勤回話：「嘩，我有少少眼眨淚光添，我家庭負擔重嘛。」慧嫻訓話道：「你唔好咁辛苦！等佢哋好似你咁白手興家！自己賺錢！」觀眾即掌聲雷動，克勤笑道：「我都要洗㗎，男人需要安全感嘛，我咪努力搵錢囉。」慧嫻：「係啦，你重係一個細路，你重要砌嗰啲咩go嘛。第日我冇得食，唔該你救濟下我啦，as my best friend ，我知你一定會，我依家落去換衫，你同我唱半個鐘啦。」
從寶麗金年代已經同一間唱片公司，兜兜轉轉又再於新公司英皇娛樂中做回同事。
之後克勤獨唱時謂自己為了這個好朋友，第一晚刻意就來捧場，「我都未試過做人嘉賓要跳舞嘅，誠意十足㗎啦，睇咗一次先，有定心理準備。今晚揀左一首慧嫻冇係演唱會揀嘅歌比大家，如果大家鐘意，一陣熱烈啲一齊唱。」接著唱出慧嫻的經典名曲《去吧》，「行走CD」果然名不噓傳，令觀眾聽出耳油，熱血沸騰。
克勤第一晚已來捧場。
今場又唱出慧嫻的經典名曲《去吧》。
