方力申於日本福岡參加先進組世界游泳錦標賽,他大呻泳賽成績得個「渣」字,還放負想以後不再參加比賽。
方力申剛於社交平台貼長文,指自己於日本福岡參加先進組世界游泳錦標賽,比賽後他上載數張參賽時所拍的照片,他寫道:「從前,做運動員教識我做事沒有不勞而獲,甚至付出咗其實都未必一定有同樣嘅回報,但更重要嘅係學識,唔付出努力就肯定冇回報。今日我呢個運動完,總結今次福崗World Masters Swimming之旅,雖然我真係預咗會咁,但都係呢一個字:『渣』,『渣』到一個點我想以後都唔再比賽喇!」
![方力申呻泳賽成績得個「渣」字 。](https://image.bastillepost.com/1200x/wp-content/uploads/hongkong/2023/08/20230811_EN_方力申_source-web_01.jpg.webp)
方力申呻泳賽成績得個「渣」字 。
![方力申於比賽後上載數張參賽照。](https://image.bastillepost.com/1200x/wp-content/uploads/hongkong/2023/08/20230811_EN_方力申_source-web_02.jpg.webp)
方力申於比賽後上載數張參賽照。
接著他又說游泳場上,成績冇僥倖,然後繼續放負:「游泳場上,成績冇僥倖,過去兩個月,我冇一次練習係滿意嘅,唔知係咪因為拍戲減肥,定係唔夠休息,還是啲泳池水太熱,總之我成日都好攰,游快啲都好快冇氣冇力,曾經我仲懷疑自己係咪有啲咩病,唔通我心臟有事?不過,我放負都係一下㗎啫,今日開始Day one 而唔係 One day 訓練,放眼下個世錦。」
![方力申說游泳場上,成績冇僥倖。](https://image.bastillepost.com/1200x/wp-content/uploads/hongkong/2023/08/20230811_EN_方力申_source-web_03.jpg.webp)
方力申說游泳場上,成績冇僥倖。
![方力申曾經懷疑自己心臟有事。](https://image.bastillepost.com/1200x/wp-content/uploads/hongkong/2023/08/20230811_EN_方力申_source-web_04.jpg.webp)
方力申曾經懷疑自己心臟有事。
一輪放負後,方力申再公布比賽結果。雖然對今次成績不滿意,但去愛游泳的方力申,結尾還是說自己會練好啲,明年見:「講返個比賽,有相為證,成班隊友出去比賽,友誼第一,比賽都係第一,起碼大家都有盡力。我喺400米四式得第四名(心痛,鬼叫自己練得唔好咩),200米背泳第六(有一半係拉車),200米四式嗰一朝起身起親退賽(感覺更唔好受),休息一日,4 x 50米自由式接力得第五名並打破香港嘅分齡紀錄(最開心but最慢又係我),但整體嚟講真心係開心嘅,可以同咁多外國選手比賽,有返當年啲回憶,400米四式喎,我諗我20年冇游過㗎喇已經 講多無謂,搵出原因,練好啲!明年見 (唔係講笑,我可能先要做個身體檢查)」。