曱甴屋被是用來捉「小強」，沒想到誤捉10條檐蛇，事主用油及水營救，最後9死1生。
FACEBOOK圖片
事主在facebook群組發帖，指在家放置曱甴屋，但到頭來發現家中沒什麼小強，「諗住睇吓有冇曱甴，點知吸咗10隻簷蛇（檐蛇），我都唔想㗎」。照片所見，曱甴屋內部的綠色黏劑上有10隻細小檐蛇，另外還有2、3隻小昆蟲。
影片引起熱議，網民認為檐蛇是益蟲，一直在屋內吃昆蟲才會無蟑螂，「恭喜，你之後就如願地有小強了」、「而家你屋企會有曱甴了」、「滅門慘案」、「佢哋好鍾意食曱甴屋啲藥」。但也有網民認為檐蛇可怕，「有辦法消滅屋裏恐怖的鹽蛇（檐蛇）！」。
影片截圖
有熱心網民教事主如何救檐蛇，「可以用油幫佢哋脫困，請樓主高抬貴手」、「浸開啲膠又要畀佢呼吸到，救出後用噴水壺噴走佢身上啲油同膠，啲膠黐到佢皮都甩㗎」。事主再上傳影片，她用飲管將油滴在檐蛇身上，其中1條檐蛇仍有反應，她之後再倒多點油，檐蛇馬上搖搖頭，「終於救咗一條，仲有生命」。她澄清家中一直有檐蛇，習以為常，平日會讓牠們自由走動，不會傷害牠們，「應該累積了一定數量，只是不為意原來曱甴屋會令牠們受罪」。
影片截圖
事主最後只救起其中1條，其餘都已乾死，而該條救起的檐蛇，「隨牠自由在屋內走動」，這次事件後不會再用曱甴屋，寧願當自然生態讓檐蛇吃小昆蟲。
影片截圖
點擊觀看
不少人可能都試過在巴士上睡着了以致過站都懵然不知，日前就有港男因在車上睡得太沉，直至巴士到了總站，全部乘客都已下車了才醒來，卻發現自己被鎖在車廂內！
影片截圖
醒返時車內空無一人車門被鎖
有港男早前在社交平台發文及影片，寫到「點解返工遲到？」由影片中所見，他人身處巴士的下層，車門已鎖，而車內空無一人連司機也不見，只有樓主無奈地坐在空車內。
港男表示因為在巴士上層睡得太熟，到了總站都不知，而司機也沒察覺直接鎖車走人，所以也成為了他當日返工遲到的原因。
影片截圖
網友同情：睇嚟你真係好眼瞓
不少網友睇帖文後留言「司機落車前要巡車架！！！」、「好慘，睇嚟你真係好眼瞓」、「呢鑊嘢你好可能一世都記得」。亦有網友則教樓主下次遇到類似情況應如何甩身「自己撳掣（太平門掣）離開巴士車廂」，「前門望下門框有個黃色邊紅色開門掣，開門在安全情況下離開，記得撳返車外面嘅綠色閂門掣閂門」。
網民分享類似經歷 竟然睡到巴士已改了路線
不過帖文亦引來不少網民分享類似的經歷「試過坐巴士，去到總站唔知醒，好在巴士司機叫我」、「我試過半夜飲醉咗瞓咗喺架巴士，但個司機收車冇鎖，直接行返出去」、「我試過瞓到，巴士已經返到車廠入油，落到下層時嚇死個司機」。
影片截圖
有網民甚至試過睡到巴士已改了路線，「我嗰次要搭269C返工，一上車肯定係瞓覺，醒嗰陣發現以下嘅事情，車長換咗人；架車轉咗牌變68X；行車方向係入新界方向（仲要已經行到青衣就到汀九橋）」。
城巴fb圖片
有人在車上睡了幾程車超誇張
最誇張的是竟然有網民在車上瞓了幾程車「之前坐89D返學，瞓覺瞓到藍田站嘅時候有少少醒，但係唔知點解繼續又瞓返，跟住返返去馬鞍山又係有少少半睡半醒但係唔知做乜嘢，我選擇繼續瞓（可能諗住瞓到返屋企落車唔返學掛），但係最後醒返已經差唔多準備又上公路出九龍，跟住第二次同樣又係瞓到去藍田站，但係又係半睡半醒之間唔知點解選擇繼續瞓，跟住期間又半睡半醒望到架車行緊觀塘道，但係架車好似冇着燈，後尾架車唔知做乜嘢去咗樂富之後俾個司機叫醒咗」。
