《EDAN LUI “IN MY SIGHT OF E” SOLO CONCERT 2023》舉行在即,忙於排練的呂爵安(Edan),仍抽空製作了兩首全新歌曲,並先後在今明兩日22、23日推出。
![《EDAN LUI “IN MY SIGHT OF E” SOLO CONCERT 2023》舉行在即,忙於排練的呂爵安(Edan),仍抽空製作了兩首全新歌曲,並先後在今明兩日推出。](https://image.bastillepost.com/1200x/wp-content/uploads/hongkong/2023/08/IMG_6122-e1692710253478.jpg.webp)
《EDAN LUI “IN MY SIGHT OF E” SOLO CONCERT 2023》舉行在即,忙於排練的呂爵安(Edan),仍抽空製作了兩首全新歌曲,並先後在今明兩日推出。
![打頭陣的〈Again!〉就找來膠戰好友岑珈其、徐浩昌(肥腸)及黃正宜(阿正)一同拍攝MV,實行演唱會未開,先送上驚喜與笑彈!](https://image.bastillepost.com/1200x/wp-content/uploads/hongkong/2023/08/IMG_6120-e1692710307353.jpg.webp)
打頭陣的〈Again!〉就找來膠戰好友岑珈其、徐浩昌(肥腸)及黃正宜(阿正)一同拍攝MV,實行演唱會未開,先送上驚喜與笑彈!
Edan這次新歌〈Again!〉由Edwin作曲,周耀輝填詞,Edward Chan監製,是一首好溫暖的歌,Edan說:「做人開心唔係咁簡單,但呢個世界好多人都陪住你,好多嘢可以重新嚟過,一齊去努力令到件事變得更加好,所以想用呢首歌帶啲正能量鼓勵大家,話俾大家知,好多人陪住你哋㗎!」每個人人生裡面總有不如意的事,但Edan相信只要有信念,知道身邊有人陪伴在側,就有力量一同邁步跨過去,他很希望借助〈Again!〉,能感染大家,傳達正面的思想。
![Edan相信只要有信念,知道身邊有人陪伴在側,就有力量一同邁步跨過難關,重新出發。他很希望借助〈Again!〉,能感染大家,傳達正面的思想。](https://image.bastillepost.com/1200x/wp-content/uploads/hongkong/2023/08/IMG_6185-e1692710409889.jpg.webp)
Edan相信只要有信念,知道身邊有人陪伴在側,就有力量一同邁步跨過難關,重新出發。他很希望借助〈Again!〉,能感染大家,傳達正面的思想。
歌曲雖然看似沉重又帶點深奧,但MV卻是截然不同的風格,而且更突出了Edan的搞笑形象!Edan說:「MV想用一種輕鬆少少嘅方式表達,所以同導演講不如玩啲搞笑啲嘅嘢啦,因為一直以嚟嘅MV,都冇乜邊隻MV可以好搞笑好瘋狂,所以今次度咗呢個MV故仔我好鍾意!」要拍出瘋狂搞笑Mode,當然要搵合適的演員加盟,而且未演就要先令大家發笑,那麼,除了6膠,應該都沒有別的人選了!
![歌曲雖然看似沉重又帶點深奧,但MV卻是截然不同的風格,而且更突出了Edan的搞笑形象!](https://image.bastillepost.com/1200x/wp-content/uploads/hongkong/2023/08/IMG00228-e1692710456981.jpg.webp)
歌曲雖然看似沉重又帶點深奧,但MV卻是截然不同的風格,而且更突出了Edan的搞笑形象!
Edan也說:「一諗就好啱膠戰嘅朋友,特別啱肥腸、珈其同阿正,Hilary同Jeffrey就唔係好啱嘅角色,所以我同佢哋講,唔好意思,你哋太靚,下次先!」Edan坦言,能有《膠戰》的隊友一同演出,特別開心,他說:「因為拍《膠戰》以外,都冇乜機會同佢哋合作,可以搵佢哋一齊玩,所以好正!同埋咁啱今次準備緊演唱會,我可以掉晒俾佢哋做下,我對佢哋嘅演出都好有信心,咁我就輕鬆啲,令到今次係我拍攝時間最短嘅一次嘅MV。」
![Edan坦言,能有《膠戰》的隊友一同演出,特別開心。他說:「因為拍《膠戰》以外,都冇乜機會同佢哋合作,可以搵佢哋一齊玩,所以好正!同埋咁啱今次準備緊演唱 會,我可以掉晒俾佢哋做下。」](https://image.bastillepost.com/802x/wp-content/uploads/hongkong/2023/08/IMG_6094-e1692710530800.jpg.webp)
Edan坦言,能有《膠戰》的隊友一同演出,特別開心。他說:「因為拍《膠戰》以外,都冇乜機會同佢哋合作,可以搵佢哋一齊玩,所以好正!同埋咁啱今次準備緊演唱 會,我可以掉晒俾佢哋做下。」
既然要拍攝一個瘋狂嘅MV故事,造型上當然不能隨便,結果珈其、阿正同肥腸的造型都為大家帶來驚喜,Edan表示這要歸功於一眾幕後人員。Edan道:「我哋花咗好多心思喺佢哋嘅造型,特別係一諗起阿正做奸角,就覺得要俾粒墨佢,結果成個造型都好襯佢,係PerfectMatch。其實佢間唔中出show都可以試下咁做,好啱佢Punk Rock嘅形象。肥腸直情突顯佢嘅優點出嚟,好吸睛,一定會望住佢。珈其整埋個頭,好啱佢MK年代,將佢哋3個嘅優點放大,所以我相信佢哋都好滿意!」
![阿正做奸角,粒墨好有feel。珈其整埋個頭,好啱佢MK年代。](https://image.bastillepost.com/1200x/wp-content/uploads/hongkong/2023/08/DSC00819-e1692710642724.jpg.webp)
阿正做奸角,粒墨好有feel。珈其整埋個頭,好啱佢MK年代。
![肥腸直情突顯佢嘅優點出嚟,好吸睛](https://image.bastillepost.com/644x/wp-content/uploads/hongkong/2023/08/IMG_6183.jpg.webp)
肥腸直情突顯佢嘅優點出嚟,好吸睛
好友們都有突出造型,Edan當然也不能例外,這次他扮演精靈,早前他在社交平台Share時已引起廣泛討論,他自己都感激幕後製作團隊為他精心設計造型,Edan說:「我個角色係一個精靈,守護個女仔,所以就有精靈Look嘅諗法」
![Edan這次扮演精靈](https://image.bastillepost.com/1200x/wp-content/uploads/hongkong/2023/08/DSC00918-e1692710757412.jpg.webp)
Edan這次扮演精靈
![守護小女孩](https://image.bastillepost.com/1200x/wp-content/uploads/hongkong/2023/08/DSC00940-e1692710796108.jpg.webp)
守護小女孩
呂爵安開Show前化身精靈拍〈Again!〉MV 用咗兩個幾鐘,黐上去嘅假耳仔都整咗6個鐘,成件事好有心思,仲有其他瘋狂玩嘢造型。雖然拍攝鐘數唔算好長,喺MV出現時間亦唔算好長,但佢話都好多得意嘢發生。
![呂爵安開Show前化身精靈拍〈Again!〉MV 用咗兩個幾鐘,黐上去嘅假耳仔都整咗6個鐘,成件事好有心思](https://image.bastillepost.com/1200x/wp-content/uploads/hongkong/2023/08/IMG_6093-e1692710829372.jpg.webp)
呂爵安開Show前化身精靈拍〈Again!〉MV 用咗兩個幾鐘,黐上去嘅假耳仔都整咗6個鐘,成件事好有心思