娛圈事
相中Edan與林明禎邊品嚐美食邊享受二人世界。
MIRROR的人氣成員呂爵安（Edan），早前被爆秘戀「大馬女神」林明禎，並於歐洲蜜會，惹起全城哄動。Edan前日（8月2日）出席活動笑言收到大量祝賀，覺得自己猶如「為港爭光」，但卻澄清沒跟林明禎拍拖，但就承認跟女方在歐洲約會，還揚言「拍拖隨緣，得咗話畀大家知」。
MIRROR成員呂爵安（Edan）早前傳出暗撻大馬女神林明禎。
兩人更被指秘密歐遊同飛去台灣慶生。
時隔一日，網上即流傳出一張兩人疑在歐洲撐枱腳的相片。相中Edan戴上cap帽刻意低調，但露出麒麟臂相當養眼，而坐在對面的林明禎則似乎不太在意，全程只顧吃東西。據知，當時同枱並沒有其朋友，兩人相當享受二人世界！
前日（2日）Edan現身尖沙咀公開活動，承認是有去過歐洲，而行程純粹工作，曾與林明禎於當地相約食飯。
網上留傳疑似二人在荷蘭的撐枱腳照片。
陳慧嫻暌違9年再踏紅館！
歌手陳慧嫻（Priscilla）今日（11月12日）舉行記者會，宣布將於明年1月21日至22日﹑24日至25日，假紅館舉行合共4場《The Fabulous 40 Priscilla LIVE IN HONG KONG 陳慧嫻演唱會》，慶祝入行40周年。
陳慧嫻將於明年1月在紅館舉行合共4場演唱會。（本網記者攝）
《The Fabulous 40 Priscilla LIVE IN HONG KONG 陳慧嫻演唱會》海報
今次演唱會以「花」作為主題，花由萌芽到盛放，展現她在不同階段歌唱事業上的轉變，當中有高有低。慧嫻表示：「今次我無咩壓力，因為當係新嘅演唱會去做，40週年只係一個名目，當然係慶祝，但唔會由1983年出道講起，唔想係懷舊同懷緬嘅感覺，想做modern啲嘅嘢。」
慧嫻透露簽約英皇時，已有計劃開演唱會。（本網記者攝）
相隔9年再踏紅館，慧嫻透露今次會是四面台的舞台設計，希望能與觀眾拉近距離，她還率先預告當中一段Dance Medley會加入戲劇元素，在台上與舞者做戲。而完成今天記者會後，她便會閉關養聲同Keep Fit：「我依家120多磅，希望瘦多20磅。（有性感造型？）今次會有七個造型，都係以花做主題，但我係唔會着性感衫，因為我冇咁樣嘅身材，不過我都有『奀皮』嘅一面，Dance Medley可能會『奀皮』啲。」
希望與多些年輕一輩合作。（本網記者攝）
慧嫻大讚Jeffrey好靚仔。
又欣賞Edan夠努力。
問到演唱會嘉賓，慧嫻表示希望與多些年輕一輩合作，包括張敬軒﹑Twins同AGA（江海迦）：「我同軒仔未合作過，但佢成日話細嗰聽我啲歌，佢最近喺澳門開演唱會，聽聞好畀面場場都介紹我。」她又笑言希望請「小鮮肉」自肥，最鍾意靚仔「小鮮肉」魏浚笙（Jeffrey）：「喺電視第一次見到佢，覺得佢真係好靚仔！（佢知唔知你鍾意佢？）佢梗係唔知啦，我又唔會話俾佢知，我唔識佢，睇吓之後會唔會見到佢真人。另外Edan（呂爵安）我都幾鍾意，欣賞佢夠努力、識講嘢，又搞笑！」
慧嫻早前推出新歌《給親愛的親愛》。
