泳兒推出新歌《一了百了》,在MV中她要做孕婦、要結婚、結完婚,跟住鬧交、車禍現場、又要瞓入棺材裏面,仿如跟着她走完她的一生。
泳兒(Vincy)於8月23日推出今年「祝福三部曲」的第二部歌曲《一了百了》。關於歌曲名稱的這四個字,Vincy透露靈感是來自日本傳奇歌姬中島美嘉的一首歌,「佢有一首歌叫《曾經我也想過一了百了》,講嘅係佢嘅一段經歷,當時她有耳疾,冇辦法好好唱歌,係人生一個黑暗期。」Vincy很有共鳴,因為她也試過好幾年身體出現狀況,十分擔心,也想過甚麼都不理。但收到歌詞後,Vincy對這四個字有了新體會。
點擊看圖輯
Vincy坦言這幾年的歌令她有種解脫,透過這些音樂或MV,得到抒發。
觀看相關影片按連結:https://youtu.be/IYRy7EpC82Q
Vincy表示:「大家一貫有嘅概念,就係覺得呢啲都係一啲負面嘅詞語,但我哋將佢扭轉,變成可以喺呢啲負面詞語上面去搵到一啲正能量。」Vincy將歌曲名稱娓娓道來,「可能平時大家都會覺得『一了百了』係嗰種『本pair』或者放棄,但係我哋將佢拆開就係一個了結,一了就可以帶嚟一百個更好嘅結果,其實最主要想講嘅意念就係學習去放低。」
《一了百了》最主要想講嘅係學習去放低。
Vincy又指做這首歌的時候,剛遇上跟歌曲想帶出的訊息的狀況,她分享道:「遇過幾次一啲可能覺得好不安對於自己嘅將來、或者係工作上可能驚自己未達到自己想要嘅預期。點解我會不安、擔憂緊張?因為我唔可以放低我嘅失敗。其實『失敗』係每個人都會有嘅恐懼,我哋唔係要去詛咒自己失敗,但當你可以放低一啲嘢,你可以接受,唔緊要嘅,就算我做得唔好,就算件事我flop咗,我都可以重新再建立、重新再嚟過嘅話,其實有乜嘢需要恐懼呢?」就如拍攝MV當日,向來十分緊張的Vincy,突然「開竅」,「就算真係拍得唔好都唔緊要,可以剪輯㗎嘛,哈哈,又或者可以重take㗎嘛,所以我今日狀態係輕鬆嘅,我覺得越輕鬆更容易投入MV裏面嘅角色。」
Vincy認為「失敗」唔需要恐懼。
跟MV導演Sheng合作已踏入第四個年頭,這次是導演對Vincy演技的磨練,「可能佢覺得我上一個MV太舒服,因為我唔駛拍,哈哈。」這次MV以大量的CG效果來呈現了一個超現實的世界,是以往未嘗試過。Vincy謂看着MV,仿如跟着她走完她的一生,「裏面有好多唔同嘅情景,我要做孕婦、要結婚、結完婚下一個shot就係離婚、跟住鬧交、車禍現場、又要瞓入棺材裏面,對於我嚟講點樣去拿捏呢個情緒都係好大嘅挑戰。因為今年嘅課題,其中一個都係講生死,呢個係一個好大嘅topic。」
Vincy在MV中走完她的一生。
結完
大肚
生BB
車禍
Vincy坦言這幾年的歌令她有種解脫,因為以前從未做過一些deep message的歌,因此從未正視自己的情緒,但透過這些音樂或MV,得到抒發後,膽量及能量變大,處事及人生觀都改變,「我做《溝渠暢泳》嘅時候,都係處於一個比較低谷少少嘅狀態,當你聽番呢啲歌嘅時候,會記番起以前曾經經歷過嗰啲嘢,我覺得佢哋係我嘅寶藏!」
Vincy坦言這幾年的歌令她有種解脫,透過這些音樂或MV,得到抒發。
泳兒(Vincy)、黃明德(Dark)、黎展峯(Andy)及洪助昇(Aiden)日前出席於海洋公園水上樂園「Aqualand」舉行的「New Bomb音樂會」。四人預備了多首歌曲,炒熱氣氛,Andy及Aiden更唱到除衫,將氣氛推上頂點。
Andy、Dark、Vincy及Aiden日前出席於海洋公園水上樂園舉行的「New Bomb音樂會」。
最近經常出席「濕身音樂會」的Vincy當日帶隊三位師弟開唱,Vincy坦言愈來愈喜歡唱戶外live show,「覺得自己開始有少少個人比較『E』咗,入面有好多Energy需要放出嚟,所以今年都做咗兩隻歌係特別tailor made for live show,可以同觀眾多啲互動。」
Vincy坦言愈來愈喜歡唱戶外live show!
事先張揚會以泳衣打底的Vincy當日表示「冇泳衣打底」,「襯唔到呀,不過我黐咗好多膠紙打底,哈哈。因為驚出汗,怕件衫會跣落嚟。」除咗服裝,Vincy在化妝及髮型上都早有準備,「化妝師幫我化咗個防水妝;髮型師就幫我整咗個wet wet look,流汗都唔會好覺眼,流汗都唔會塌呀。」Vincy亦預先收到風Andy跟Aiden會除衫,所以特別預備了兩套衫出擊,「見Andy同Aiden佢哋除衫,咁我冇得除,所以為咗贏取觀眾嘅尖叫聲,我決定換衫,我都唔執輸!哈哈。」
Vincy原本打算以泳衣打底,但因為襯唔到,所以改為狂黐膠紙打底。
而原本穿長袖衫的Andy跟Aiden唱得興起時,都脫去外套,Andy背心上陣,露出結實的手臂,問他是否乘機展示頻頻操肌的成果,他直言「係吖」,「難得氣溫同埋氣氛適合,展現下少少操肌成果,亦都偷偷俾自己唞一下涼。」不過原來他開show前兩個星期前弄傷頸,所以未能將最完美的一面展現,「所以做gym都唔敢做得太重,最理想當然係練到上身夠大同靚比例,特別係練多啲腹肌。」Aiden則以窄身短袖tee示人,話要吊一吊fans胃口,「若隱若現,吊住fans啲胃口先,哈哈。下一次show自己健身的成果。」
Andy和Aiden唱得興起時都脫去外套。
Andy和Aiden唱得興起時都脫去外套。
Andy以背心上陣。
Aiden則以窄身短袖tee示人。
相反,近日減肥成功的Dark則十分密實,以牛仔褸造型出現,「減肥成功係我嘅第一步,之後應該會操吓啲肌肉,因為我之前已經得知Andy會除衫,所以喺佢隔離係有啲蝕,所以我就唔除啦。」
Dark雖然減肥成功,但依然十分密實。