水上樂園音樂會泳兒帶定水槍傍身等睇師弟爆衫show肌

娛圈事

水上樂園音樂會泳兒帶定水槍傍身等睇師弟爆衫show肌

2024年07月11日 22:00 最後更新：22:35

Vincy表示將除衫重任交給三位師弟！

香港海洋公園水上樂園跟耀榮文化合作，於全新音樂會場地「Aqualand」舉行一年一度的「New Bomb音樂會」，繼去年找來樂隊Kolor及Revery，rock爆全場，今年由泳兒（Vincy）領軍，帶住同門師弟洪助昇（Aiden）、黃明德（Dark）及黎展峯（Andy）接棒。

對於今次的表演場地是室外，向來皮膚白淨的Vincy表示不擔心熱及曬黑，「我出名怕凍，所以熱我係絕對唔驚，而且我曬極都唔黑，加上今次係傍晚開show，好似話場地一邊唱一邊可以睇到日落，應該好好feel。」她又謂，可以近距離同觀眾互動，「之前同阿Dark喺澳門都做咗個戶外show，氣氛好正。今次呢個場地，歌手同觀眾感覺更加close，更加感受到佢哋嘅熱情。」她笑言到時可能會帶定水槍上台跟觀眾「互動」一番，「水上樂園吖嘛，有支水槍喺身係好合理嘅。」提到戶外show必定被歌迷大嗌除衫，Vincy表示將重任交給三位師弟，「我冇本錢呀，呢啲梗係交俾啲小鮮肉啦，我都好期待。」

雖然師姐落order，不過三個師弟惜肉如金，Dark表示自己仍然是學生，「一睇就知我係『賣藝派』啦。」向來有做開gym的Andy笑說如果除衫，怕觀眾會分心，未能專心聽歌，「我唔想搶鏡，哈哈。」至於Aiden則醒目戴定頭盔「執雞」，「就算除都冇話唔打底㗎，哈哈。」

「NewBomb 音樂會」
活動日期 ✧ 2024 年 8 月 3 日（星期六）6:30 PM
演出歌手 ✧泳兒ㅣ洪助昇ㅣ黃明德ㅣ黎展峯 ㅣ
活動地點 ✧ Aqualand @香港海洋公園水上樂園（售票處側海邊空間）
活動票價 ✧ HKD 488 （全企位）
票務平台 ✧ Klook
公開發售 ✧ 7 月 12 日（五） 11 AM

往下看更多文章

「新城廣播劇团」第三部台慶劇《共創未來》陳柏宇泳兒譜出情緣

2024年07月25日 20:30 最後更新：21:00

《共創未來》由陳柏宇、泳兒、陳健安、黃妍、力臻及Van齊任主角聲演。

新城廣播將迎來33周年台慶，除了連串慶祝活動，「新城廣播劇团」今天（7月25日）特別於長沙灣「TOWNPLACE本舍」舉行發布會宣佈推出第三部台慶廣播劇《共創未來》，邀請了6位歌手聲音演出擔任劇中主角：陳柏宇、泳兒、陳健安、黃妍、力臻、Van@Nowhere Boys，范振鋒（阿范）擔任司儀，「新城廣播劇团」团長程凱欣、副团長葉碧梅、製作總監 Terry Wu都有出席。

6位主角在發布會上，解構其角色，陳柏宇飾演程式設計員，由於經濟不景氣被公司裁員，每天租用共享空間做辦公室接生意，同時認識也在共享空間工作的設計師的泳兒，二人譜出一段情緣，但情花是否能結果，兩人笑言到時記得收聽；而陳健安則在劇中因陷害陳柏宇令他失掉工作而遭到割蓆，後來二人也冰釋前嫌；黃妍演時裝達人、范振鋒演落魄老闆、Van演范振鋒手下最得力的員工，但成日駁咀；力臻則演經紀，今日一身畢挺西裝出席，大家都讚他好靚仔。

《共創未來》廣播劇由李思臻、梁詩然編劇，故事圍繞在共享空間發生，發佈會上阿范要求大家寫上如果去到一個共享空間，希望跟大家共享的事情？泳兒表示希望在共享空間內畫畫；陳柏宇則會食嘢，食是大家的共通點；力臻會玩咭 Game「狼人殺」，笑言平時冇朋友，在共享空間透過遊戲可以識多啲朋友；黃妍就希望煮食；Van則謂蒸燒賣，與大家共享香噴噴熱辣辣燒賣；陳健安就希望瞓覺，香港人壓力大，點著香薰冇壓力地一齊瞓覺。