Skip to Content Facebook Feature Image

逾期還款通知都有假!港人收信憑「3大疑點」斷定偽造

HotTV

逾期還款通知都有假!港人收信憑「3大疑點」斷定偽造
HotTV

HotTV

逾期還款通知都有假!港人收信憑「3大疑點」斷定偽造

2023年08月29日 11:30 最後更新:08月30日 17:44

港人收到逾期還款通知信,發現3大疑點確定偽造,網民亦指信件可信性低。

GETTY圖片

GETTY圖片

該名網民於facebook群組發文,指日前收到疑似銀行信件,內容指他「尚未清還本月份之分期供款」,要求他盡快安排還款,否則或會影響信貸紀錄及評分。信件又提及如他已經還款,則可於辦公時間上午10時至下午7時致電指定電話,與職員趙先生聯絡,以便核實還款及避免不必要誤會和追收費用。

樓主看過信件感到疑惑,認為自己理應沒有拖欠應繳款項,再仔細察看信件,便發現信中根本沒有註明發信銀行或機構,署名僅為「信貸風險管理部」,而且信件亦無列明收信人名稱及帳戶詳情,令他不禁直呼:「無公司名得個電話!唔知逾期乜X嘢!」

FACEBOOK圖片

FACEBOOK圖片

網民看過相關「信件」亦直指可信性低,認為信件欠缺發信機構和帳戶持有人的名稱已屬罕見,加上信中沒有提及逾期還款的供款詳情和金額,資料極不清晰,「信紙冇公司logo(標誌)、地址,肯定假,要提醒家中長者小心」、「最基本逾期金額係幾多都懶得打上去,連詐騙都無儀式感」。

GETTY圖片

GETTY圖片

另外,網民認為要求致電核實還款的方式並非銀行一般做法,因此認定信件為「白撞」,是釣魚騙案的一種,「真嘅話咪等佢寄律師信囉,冇律師信睬佢啦,加上連電腦簽名都冇,呢封嘢九成九係假」、「銀行名,邊間機構,邊個負責人簽名都冇唔洗理,話影響TU(信貸評分)先好笑,個行文字眼唔似爭日常費用」。為了安心,樓主事後亦致電其常用的銀行查詢還款紀錄,並留言更新稱「Check咗銀行有扣數,唔鬼理佢,感謝大家」,同時提醒網民留意類似情況。

GETTY圖片

GETTY圖片

帖文來源:facebook群組「大埔 Tai Po

往下看更多文章

港男搭巴士瞓過龍醒返竟被鎖車內 網民教一方法可以自行甩身

2024年09月19日 12:30 最後更新:16:37

不少人可能都試過在巴士上睡着了以致過站都懵然不知,日前就有港男因在車上睡得太沉,直至巴士到了總站,全部乘客都已下車了才醒來,卻發現自己被鎖在車廂內!

影片截圖

影片截圖

醒返時車內空無一人車門被鎖

有港男早前在社交平台發文及影片,寫到「點解返工遲到?」由影片中所見,他人身處巴士的下層,車門已鎖,而車內空無一人連司機也不見,只有樓主無奈地坐在空車內。

港男表示因為在巴士上層睡得太熟,到了總站都不知,而司機也沒察覺直接鎖車走人,所以也成為了他當日返工遲到的原因。

影片截圖

影片截圖

網友同情:睇嚟你真係好眼瞓

不少網友睇帖文後留言「司機落車前要巡車架!!!」、「好慘,睇嚟你真係好眼瞓」、「呢鑊嘢你好可能一世都記得」。亦有網友則教樓主下次遇到類似情況應如何甩身「自己撳掣(太平門掣)離開巴士車廂」,「前門望下門框有個黃色邊紅色開門掣,開門在安全情況下離開,記得撳返車外面嘅綠色閂門掣閂門」。

網民分享類似經歷 竟然睡到巴士已改了路線

不過帖文亦引來不少網民分享類似的經歷「試過坐巴士,去到總站唔知醒,好在巴士司機叫我」、「我試過半夜飲醉咗瞓咗喺架巴士,但個司機收車冇鎖,直接行返出去」、「我試過瞓到,巴士已經返到車廠入油,落到下層時嚇死個司機」。

影片截圖

影片截圖

有網民甚至試過睡到巴士已改了路線,「我嗰次要搭269C返工,一上車肯定係瞓覺,醒嗰陣發現以下嘅事情,車長換咗人;架車轉咗牌變68X;行車方向係入新界方向(仲要已經行到青衣就到汀九橋)」。

城巴fb圖片

城巴fb圖片

有人在車上睡了幾程車超誇張

最誇張的是竟然有網民在車上瞓了幾程車「之前坐89D返學,瞓覺瞓到藍田站嘅時候有少少醒,但係唔知點解繼續又瞓返,跟住返返去馬鞍山又係有少少半睡半醒但係唔知做乜嘢,我選擇繼續瞓(可能諗住瞓到返屋企落車唔返學掛),但係最後醒返已經差唔多準備又上公路出九龍,跟住第二次同樣又係瞓到去藍田站,但係又係半睡半醒之間唔知點解選擇繼續瞓,跟住期間又半睡半醒望到架車行緊觀塘道,但係架車好似冇着燈,後尾架車唔知做乜嘢去咗樂富之後俾個司機叫醒咗」。

你 或 有 興 趣 的 文 章