一港男不滿很多人都望打風多日假,於討論區發文狠批兩類人是「廢物」、「垃圾」,帖文引來大量負評。
超強颱風蘇拉襲港,天文台一度發出十級風球,不少打工仔如願放假一天。但有港男卻不滿很多人為放假而盼望颱風到來。該港男於連登討論區以「其實要有幾失敗既人先會希望打風放假?」為題發文,狠批以下兩類人是「廢物」、「垃圾」,他認為一類人是「低層」,即收入低,甚至達不到每月1.5萬元的人,他將他們形容為「廢物」。另一類人被他批評為「天生失敗」,認為他們對社會毫無貢獻,被列為「垃圾」。
樓主的言論立即引來網民的不滿及反擊。許多人認為樓主的看法苛刻,沒必要貶低別人「X放風假又話人失敗,打風照返工又話人低賤」、「你有你成功,我有我失敗,影響到你d咩?」、「佢個世界得低賤同失敗揀」。
有人則反諷樓主「要幾失敗先要懶係眾人皆醉咁上連登搵存在感」、「賺一日人工,有咩唔好」、「其實你可以照返工」、「幾成功嘅人先唔想打風?」、「因為樓主搵15k 所以淨係有資格笑15k以下既人」。
有不少人指自己薪金高過1.5萬元但仍想放風假「我係51k嘅垃圾,打風放假唔止我,我搵120~150k以上嘅上司都好開心」、「我成公司都好興奮,包括100k以上既PM」、「我45k人工,而家好x興奮等緊收工」、「我100k+我都想放假,想放假有咩問題?」、「我呢邊搵緊十幾萬啲測量師都好開心喎」。
有網民表示並非想放假而盼打風,而是因為天氣惡劣所以應該放假「我唔算希罕放風假,如果可以我會願意安全咁返工」、「橫風橫雨又冇車邊個想返工,梗係想唔想返」、「我唔恨打風有假放,但打風我想放假」、「我想打風(即係掛8號)係唔想各位橫風橫雨冒住危險去返工」。
帖文來源:連登討論區