廣州活動分享理想家居生活三千fans逼爆商場 黃宗澤最愛三五知己家中下廚品酒

黃宗澤在廣州出席活動，超多fans撐場，相當熱鬧！

黃宗澤Bosco日前在廣州出席家居品牌活動，現場分享了理想家居要求，覺得大三房單位最理想，因可與狗狗同住有足夠空間，也方便媽媽隨時可以留宿。而出名愛煮食的Bosco還即場沖奶茶，製作月餅與Fans提前過中秋。活動期間，商場塞滿三千人圍觀，非常熱鬧，但離開時就因Fans過於熱情，場面混亂。

黃宗澤Bosco日前在廣州出席家居品牌活動

活動期間，商場塞滿三千人圍觀

離開時就因Fans過於熱情，場面混亂。

超級多人！

人氣高企

對於理想家居，Bosco要求簡單，屋企裝修偏向時代簡約風，客廳需要有足夠空間給愛犬活動，一張舒適梳化方便煲劇； 廚房方面，愛廚食的Bosco喜歡三五知己邊飲紅酒邊嘆美食，說：「宜家好少出去夜生活，唔使開工，最鍾意叫朋友返屋企，自己煮，睇住朋友開心食，大家飲紅酒，傾吓偈。」

Bosco分享自己的理想家居

Bosco一齊整月餅

帥氣依舊

過去幾年，不是因為疫情就因為拍劇、拍戲，參與綜藝拍攝，Bosco已有幾年沒到廣州出席活動，所以今次近距離出席商場活動，不少Fans一早到場守侯，到Bosco離開時更夾道歡送，有熱情Fans亦一度擁前想握手送禮物，就算現場有保安，場面一樣混亂，事後還有Fans投訴Bosco態度不友善，Bosco說：「可能太耐冇到廣州，見到大家好熱情，好開心好多謝大家。離開時，係有啲混亂，見到有啲推撞，所以為免意外，未有停步同大家握手收禮物，好抱歉！」

Bosco已有幾年沒到廣州出席活動，所以今次近距離出席商場活動，不少Fans一早到場守侯

大合照

另外，Bosco在疫情結束前，將尖沙咀西餐廳重新裝修，感恩餐廳生意明顯好轉，雖然還沒回復疫前生意額，但一班舊顧客及Fans都好撐場，說：「自己都感受到大環境經濟差咗，所以會搞啲活動、新菜式幫餐廳宣傳下，希望俾舊客希新鮮感，又有新客留意到，最近仲有唔少客戶包場做活動，好開心。」

Bosco在疫情結束前，將尖沙咀西餐廳重新裝修，感恩餐廳生意明顯好轉

Bosco被傳緋聞傳到怕。

大灣區視帝黃宗澤近日曝光率極高，忙於四圍宣傳新戲《紮職3》。日前，他與周勵淇（Niki）到網上節目《絲打圍爐》做嘉賓，仲大談多個緋聞。

Bosco近日忙於宣傳新電影

黃宗澤（Bosco）與周勵淇（Niki）相識多年，二人首次合作為TVB劇集《天幕下的戀人》，Bosco被問到有否追求過Niki，Niki即否認，並指自己不是Bosco杯茶，二人更沒有傳過緋聞，所以能夠成為好朋友。

二人於2006年首次合作

節目中主持人娟姐抽出多個關於黃宗澤緋聞的問題，黃宗澤不諱嫌地逐個擊破，包括與蔡潔的緋聞，他馬上否認：「梗係冇啦！我同佢係好friend。」不過聽到與蔡一傑的緋聞，Bosco聽到拗晒頭，毫無頭緒二人有傳過緋聞。另一位主持人唐詩詠聽後即指，很多緋聞是無中生有，然後Bosco即自爆曾經有記者問他是否給富豪包養，他直言：「我心諗如果係就好啦！唔使咁辛苦，所以係假嘅，我都唔識佢。」

堅稱與蔡潔只是很好的朋友

Bosco更講到明自己是不婚族，對生小朋友更有少少抗拒，所以喜歡Bosco的女孩子要有心理準備。

講到明係不婚族