鄭希怡帶著8歲女兒到海邊度假 「梁浸浸」著吊帶裙十足星味

鄭希怡趁著學校假期帶著女兒到海邊度假，並曝光「梁浸浸」的泳裝！

42歲鄭希怡（Yumiko）2014年下嫁化妝師男友梁學儲（Andy），並育有一女「梁浸浸」梁子柔（Avery）。「梁浸浸」因擁有可愛樣貌且活潑的性格獲得網民關注，而鄭希怡更為「梁浸浸」開設個人社交賬號，已經8歲的「梁浸浸」旋風式長大，盡得媽咪手長腳長的優良基因，趁著學校假期鄭希怡帶著女兒到海邊度假，並曝光「梁浸浸」的泳裝！

42歲鄭希怡（Yumiko）2014年下嫁化妝師男友梁學儲（Andy），並育有一女「梁浸浸」

經常分享與女兒的合照

梁浸浸在社交平台宣佈放假喇！

鄭希怡近日在社交平台曬出帶著女兒一起到沙灘玩「抛彩球」的影片並留言：「學藝未精，再練習下⋯」，影片中「梁浸浸」一頭濃密鬈髮身穿橙色吊帶裙，聚精會神地玩「抛彩球」，突然掟中了左腳，即刻轉身向媽咪鄭希怡撒嬌。

一起到沙灘玩「抛彩球」

超認真

掟中了左腳

受傷樣！

好可愛

即刻轉身向媽咪鄭希怡撒嬌。

即刻轉身向媽咪鄭希怡撒嬌。

Yumiko以廣東話、普通話、上海話表達成長過程。

鄭希怡（Yumiko）接受新城《QK玉瑛室》節目主持譚玉瑛（阿譚）、何基佑及麥皓兒錄音訪問，訪問將於9月10日播放。久未在港公開露面的Yumiko，來到電台十分開心，並在電台走了一圈跟大家打招呼，新城知訊台台長程凱欣更親自歡迎Yumiko及合照。

鄭希怡（Yumiko）現身新城《QK玉瑛室》節目宣傳新歌。

Yumiko在《QK玉瑛室》節目上大談近況，並宣傳下周推出的新歌《Lady King》，原名「鄭列瓊」的Yumiko表示：「首歌係講我自己『瓊姐』，因為我細個喺慈雲山讀書，所以有個名叫『慈雲山瓊姐』；今次亦都首次挑戰唱rap，用咗廣東話、國語同上海話擺喺入面，3個語言都代表我成長嘅一部份。」

Yumiko在疫情期間與老公梁學儲（Andy）及女兒「梁浸浸」舉家移居上海，至最近正式回流返港，她表示：「我哋喺上海住咗3年，因為疫情期間咁啱喺內地拍綜藝節目《乘風破浪的姐姐》，之後有其他工作同拍戲，返香港又要隔離，我父母一直住喺上海，佢哋就話不如留喺上海，我同老公傾咗之後，佢就帶埋阿女過嚟，一家人一定要一齊。」

Yumiko久未在港公開露面。

女兒梁浸浸今年9歲，近日已正式開學，問囡囡返港讀書是否要重新適應？Yumiko表示：「佢喺上海讀書可以揀繁體定簡體字，我幫佢揀繁體字，所以返咗香港讀書唔使咁辛苦。」Yumiko又言十分享受做媽媽及照顧女兒，同時希望陪伴女兒經歷不同階段，問梁浸浸是否像其他少女般貪靚？Yumiko表示：「佢好唔鍾意扮靚，買裙畀佢都唔著，寧願著T恤短褲，佢對靚未有概念，不過佢好獨立，好有自己諗法，幾似我同老公。」

Yumiko又提到當初和老公並沒想過結婚，卻在2012年接受Andy求婚，「嗰年我哋去咗泰國畀個生日驚喜朋友，嗰個朋友係應采兒，我同佢企喺泳池邊影相，兩個一齊向後跌咗落後面嘅樹林，應采兒掛咗喺樹，我就喺3樓跌落兩嚿大石中間，康復期間仲戴住頸箍，行路又唔方便，喺我最醜樣時，佢就同我求婚，當刻我覺得呢個男人唔錯，其實我有咩事或傷殘佢可以走，但佢選擇婚姻，咁既然佢願意試，我都願意試。」

Yumiko新歌爆讀書時期霸氣叫「慈雲山瓊姐」！

Yumiko首次挑戰Rap以廣東話、普通話、上海話表達成長過程。

詳細節目內容，請留意9月10日，3-4時，新城知訊台《QK玉瑛室》節目，網址：https://www.metroradio.com.hk/MetroInfo/