土瓜灣業主遇租霸 執達主任助收樓 開門見一物揭係慣犯籲街坊小心

土瓜灣業主遇「租霸」欠租，幾經波折終收回單位，入屋驚見一地垃圾糞便，揭對方是慣犯，公開資料籲街坊小心。

土瓜灣有業主遇「租霸」，自稱商人姓杜的女士一筆過交了半年租後，便再沒有交租。（FB圖片）

該業主於Facebook群組「To Kwa Wan 土瓜灣之友」發文，表示去年底，將位於土瓜灣一單位放租，很快有一名自稱商人姓杜的女士表示有興趣。當時對方看起來非常可靠，更指「價減一千可先交半年租」，而且「帶住兩個細路講嘢有文有路又出手闊綽」，令樓主「不虞有詐」遂將單位租予該女士。

樓主求助土地審裁處，經執達主任完成了收樓程序。（FB圖片）

然而租期屆滿後，租客竟突然失蹤，不僅沒有支付租金，還斷絕聯絡。最後樓主只好求助土地審裁處，經過長達四個月的煎熬，終於等到執達主任完成了收樓程序。豈料當她入屋後，單位情況令她大吃一驚「間屋慘況係成屋棄置傢俬、雜物、垃圾、腐爛食物、寵物糞便，多處人為損壞包括門柄、天花燈、牆壁、圍欄等」。

入屋後，單位情況令樓主大吃一驚。（FB圖片）

雪櫃內充滿變壞的食物。（FB圖片）

樓主更意外發現一封信，疑似是女租霸上手業主所寫「俾我發現封佢上手業主俾佢嘅信，原來係慣犯，上手喺定安大廈俾人追租再走嚟租我呢度，原來係有錢都唔交租俾人，而家又再去唔知邊度做租霸」。

（FB圖片）

（FB圖片）

樓主相信女租霸是慣犯，又從大廈保安口中得知她可能已經找到下一個居所「聽我樓下看更講話時不時見佢推車仔返嚟攞嘢走，但都唔見佢有車，應該係喺附近住」。她怕再有街坊受害，於是公開該女資料並表示「土瓜灣區邊位業主唔好彩租咗俾佢，見字可以PM我，定安嘅舊業主都可以搵我，大家過下料」。

樓主發現一封疑似是女租霸上手業主所寫的信，相信女租霸是慣犯。（FB圖片）

此帖引網民熱議，網民替樓主感不值，指罵女租霸過份「似住自己帶住小朋友週圍呃人， 佢肯定唔係冇錢， 如果冇錢佢早就拎左公屋」、「唔畀租仲整爛人啲嘢，真係好X街！有冇聲討租霸群組，最好喺嗰啲群組發埋帖」、「好慘，間屋損毀要復修有無得向對方追討？」、「呢個post應該要長期置頂，比大家長期關注！」、「真係好XX，全心帶住個仔偷呃拐騙過日子」。

帖文來源：Facebook群組「To Kwa Wan 土瓜灣之友」

近日網上瘋傳一段影片，有九巴司機見中年女乘客濫用輪椅的安全帶綁行李，直言不把行李拿走就不開車，網民力撐司機做法正確。

車長要求挪開行李 女子拒絕

有網民在fb群組「香港突發事故報料」上載影片。從影片可見，有九巴乘客將自己的行李放到輪椅位上，更將安全帶扣上行李上。車長要求挪開行李，但女乘客不肯。

FB截圖

車長請車內其他乘客下車

影片開始時巴士已停至路邊，車長上前與車內一名男乘客溝通，稱有人違規需要停下處理，請其下車。

FB截圖

雙方發生口角 車長：正常態度

女子直言，「我依家行李扣帶都唔得，冇輪椅都唔得，你咩嘢態度？」。車長不甘示弱，態度強硬答：「正常態度，我話唔得就唔得」，女子再次追問「你乜態度先？」，車長仍舊答道「正常態度」，並指向車窗外圍觀的市民和下車的乘客說「全世界都望住你」。

FB截圖

女子辯解輪椅位並沒有輪椅

女子辯解，現時輪椅位並沒有輪椅。然而，車長表示「冇輪椅唔係你話事」，惟女子不願退讓，直言「我宜家企喺度」。司機亦強硬回擊「企喺度還企喺度，唔畀你扣就唔畀你扣，兩回事」，並指女子不用舉機拍攝，不把行李拿走就不開車。

之後女子將鏡頭掃過輪椅位，再次表示「宜家呢度係冇乘客嘅」，司機亦企硬「冇乘客咪冇乘客，唔係畀你咁用，明唔明？」。最後，女子表示會將影片上傳至Facebook，影片到此結束。

FB截圖

網民一面倒支持司機

片段被放上社交平台後，網民一面倒支持司機，表示車長就應該要求乘客守規矩，「車長好嘢」、「比你放係人情，唔比你放係道理」、「車長正確，呢到係擺輪椅既位，呢一刻無人用唔代表下一刻無人用」、「支持車長，車長答得好好，撐車長做法」、「好多市民乘坐交通工具時橫行無忌，對乘坐交通工具嘅知識好弱」、「正常態度，啲人真係以為拍片大晒！」。