陳淑蘭（蘭子）回應當年掌摑莫可欣一事，似乎有所避諱。
現年54歲的陳淑蘭（蘭子）近日接受伍仲衡YouTube Channel邀請，與昔日拍檔周國豐三人行一齊傾偈。向來大情大性的蘭子幾乎對所有問題有問必答，但對於她最為人熟知的一段與方中信的4年情，則有所忌諱。當年有指二人因莫可欣介入而分手，更有傳火爆的蘭子當年掌摑了莫可欣一巴。蘭子面對這條問題時雖沒有完全正面回應，但她指「我有，唔止一巴，不過講完就算喇，Skip呢條，但至少算答咗啦係咪？」而周國豐問到該次是否她人生最激行動？她說：「我好嬲，係因為我好嬲個男人呃我！」
點擊看圖輯
方中信與莫可欣1996年開始拍拖，2008年結婚，二人育有一女
方中信與莫可欣1996年開始拍拖，2008年結婚，二人育有一女
有網友寫﹕「蘭子打過莫可欣一巴」
現年60歲的方中信keep得好好
陳淑蘭為1998年香港小姐亞軍，過往有多段感情，不過現時就沒有拍拖，她直指「我五年冇拍拖喇！」，坦言現時一個人都好開心，「我屋企有4狗3貓2雀，真係好熱鬧！我一啲都冇Lonely。我而家係隨遇而安，feel到唔得唔好嘥時間，而家生活好開心，好多朋友冇結婚，大家出嚟吃喝玩樂好開心！」至於網友問多任前度之中最愛是誰，蘭子表示自己拍拖次數十隻手指數得晒，「我覺得當同一個男人一齊，我當時一定最愛佢，但過咗之後，感覺就冇咗，變成親人。」
蘭子直指「我五年冇拍拖喇！」
周國豐大讚蘭子與前度「再見亦是朋友」，其中一個前男友而變成親人的就是漫畫家祈文傑。蘭子說：「祁生老婆係我介紹呀！我哋而家成日三人行，祁生好錫我，大家已經變咗屋企人，William都係（工程師舊愛），屋企如果食鮑魚會叫埋我。」
陳淑蘭亦有在節目大展歌喉，除了搞笑地唱《金絲雀》外，更有唱《月亮代表我的心》。她亦因此曲而想起亡母更激動落淚，她表示雖然媽媽不是有血緣關係，但仍希望下輩子再做母女。
憶起亡母落淚
新秀Re-Union！
《香港李衆勝堂保濟丸呈獻：中年好聲音3》由車婉婉擔任主持，評審團有肥媽、張佳添、周國豐、伍仲衡和海兒，逢周日晚上8時30分翡翠台播映。
高正洋
海兒同周國豐同步撳高正洋盞燈！
香港區賽區百強正式登場，唱將一季比一季厲害，昨晚（27日）首集（香港賽區）已經誕生五位5燈選手，直接晉級，除了經歷愛妻意外身亡兼生意失敗的「中年好司機」劉建偉、獻唱《李香蘭》的英國人Dan James之外，還有幾位唱得之人表現極為亮眼，包括「中3王菀之」陳芷盈、「豬農」胡家健、「顏志恒師弟」張家豪、來自雲南的劉洋。
同樣參加新秀歌唱比賽嘅車婉婉，嗌高正洋做「正洋師兄」。
陳芷盈無論聲線同容貌都好有王菀之影子！
被車婉婉封為「中3王菀之」的38歲陳芷盈，報稱音樂機構執行主任，昨晚以輕鬆愉快旋律獻唱《有了你》，無論聲線、容貌均跟王菀之確有幾分相似，難怪毫無懸念集齊5燈成為首位直接晉級的選手！評審們對陳芷盈表現有讚無彈，唱畢改用厚底聲線自我介紹的她，相當百變，張佳添大讚她是眾選手中「喉嚨最鬆的一人」：「好有王菀之影子，唔單止有佢嘅聲線，仲有佢嘅音樂感喺裡面，呢個好難得。呢種音樂節奏冇音樂感會唱到好平淡，聽咗咁多個，你暫時係喉嚨最鬆嘅一個。」周國豐高舉姆指大讚：「表情同聲音帶到好快樂感覺，始終陳百強版本太經典，鋼琴聲種唯美好難取替，你同音樂總監諗到咁樣打破框架係一件好高明嘅事。」
胡家健係一名豬農。
胡家健係一名豬農。
拭眼淚呢吓動作，肥媽加晒分！
周國豐讚豬農胡家健「溫柔殺手」：啲豬死得好甘心！
53歲胡家健繼承父母衣缽打理養豬場，從小在養豬場成長，以「不可分割」來形容與豬的關係，並分享面對母豬難產的感受：「有時母豬難產痛到流眼淚，見到會心痛。」他每早風雨不改5時起床工作，更因人手關係已長達4年沒有放假休息，平日靠唱歌紓壓，並笑言一群豬就是他的特別聽眾。這位「有笑有淚養豬人」胡家健選唱《眼淚為你流》作賽，周國豐評語時笑謂：「你係一個好溫柔嘅殺手，如果你對住啲豬唱呢首歌，啲豬都會死得好甘心！」相當爆笑。
張家豪係《中年2》顏志恒嘅中學師弟，同樣都係做西餐廚師。
海兒激讚張家豪唱功Bravo，仲話係暫時最鍾意嘅表演。
劉洋來自雲南，係一名火鍋店老闆。
來自加拿大嘅梁楚琪，獲讚台風十足。
38歲張家豪不但是《中年》首季第五名顏志恒的中學師弟，還與顏志恒一樣任職西餐廚師，選歌《怎麼捨得你》作賽的張家豪，一開聲即成功冧倒肥媽：「你一開聲我就好鍾意，好舒服。」美女女高音海兒激讚：「Bravo！暫時我最鍾意嘅一個表演，各方面做得非常之好。」伍仲衡貫徹「搞笑擔當」角色謂：「點解你同顏志恒都係廚師，身形爭咁遠？我覺得你身形係幫到你，有氣！」來自雲南的火鍋店老闆42歲劉洋，獻唱《默》獲周國豐大讚懂得透過歌聲說故事：「我認識那英的版本、張惠妹的版本，本來是一首很暗黑的歌，就是說世界沒有你，變得沒有顏色、聲音，我覺得你的感覺抓得非常的好。」
此外，還有兩位4燈唱將值得關注，分別是55歲直播博主高正洋和來自加拿大的36歲地產經紀梁楚琪。獻唱《愛是永恆》的高正洋，曾參加第十屆新秀歌唱比賽，獲新秀出身的車婉婉稱呼做「正洋師兄」之餘，更與同屆參加新秀的周國豐「相認」，周國豐說：「因為呢個節目，有網民摷番我同高正洋合唱嘅《沒有你之後》片段。」至於獻唱《七級半地震》的梁楚琪，則獲海兒和張佳添大讚台風、肢體動作及力量感十足，並有完美運用舞台。
張佳添
周國豐
伍仲衡
