落舖打卡 Fans求「方中SIR」簽名 方中信：「好難寫呀！」

方中信、周家怡及李靖筠（Gladys）突襲concept store，引來近百人上前簽名及合照，迫爆舖頭。

英皇娛樂期間限定概念店「0 e:ffect Concept Store」自上月中開幕以來，不少旗下藝人都落舖撐場，日前繼阿Sa蔡卓妍、Gin Lee李幸倪、關智斌（Kenny）、伍詠薇、石修、歐陽震華、沈震軒等，昨日（6日）方中信、周家怡及李靖筠（Gladys）突襲concept store，引來近百人上前簽名及合照，迫爆舖頭。

引來近百人上前簽名及合照，迫爆舖頭。

方中信、周家怡及李靖筠（Gladys）突襲concept store

三人於店內四處遊走，又拍攝四格相、抽扭蛋及閃卡，抽閃卡期間，家怡一擊即中抽到方中信閃卡，興奮得向着方中信大叫：「哎吔！我抽到你呀！我贏咗啦！」又即時向方中信索簽名，十分搞笑。除此之外，三人又自掏腰包買了t-shirt支持公司，大讚t-shirt設計，「件『冤枉tee』同埋件『ABCDEEG』好靚喎，堅係着得出街。」

三人於店內四處遊走

三人於店內四處遊走

又拍攝四格相

又拍攝四格相

同fans合照

隨後，三人到「EEG FAM」打卡牆簽名，當方中信簽完名後，家怡靈機一觸，提議方中信在自己的Q版小卡上簽「方中SIR」，更立即上網找「SIR」的「中文寫法」，方中信便望着相片照抄，於打卡牆上的小卡親筆簽了「SIR」字。圍觀fans見到，便一擁而上要求方中信簽「方中SIR」，他亦有求必應，逐一簽名。事後方中信表示自己都是第一次寫「SIR」的「中文」，又笑說：「好難寫呀，不過見到大家咁開心，徇眾要求，同大家開心吓啦。筆劃有啲多同複雜，簽頭嗰幾個都要望住張相，之後簽熟咗都ok嘅，哈哈。」

三人到「EEG FAM」打卡牆簽名

《恨駕女團》衝出亞洲「恨駕到德國」！

由周家怡、李靖筠（Gladys）主理的網上平台《恨駕女團》繼早前衝出香港「恨駕到大阪」，日前更衝出亞洲「恨駕到德國」，而為了慶祝這次出征，家怡更誠邀周國賢，為《恨駕女團》節目創作主題曲《恨嫁恨嫁恨恨駕》，家怡及Gladys更於德國拍MV，認真有heart。

家怡及Gladys在德國拍攝《恨駕女團》，以及主題曲《恨嫁恨嫁恨恨駕》MV。

家怡表示這次機遇，緣於她之前跟周國賢合作拍劇，二人合唱《無人之境》，之後又邀請了周國賢為《恨駕女團》任一集嘉賓，「拍緊嘅時候我哋嘅枉阿姐就話不如寫隻歌俾我哋《恨駕女團》做主題曲啦，又估唔到周國賢好好咁應承咗。我哋有common friend就係小克，周生就即刻話搵不如搵小克填詞，小克又好好，又好了解我同Gladys，所以就寫咗呢隻歌，搵咗高佬監製，因為之前《無人之境》都係高佬監製，成件事好順利完成咗，好多謝佢哋。」

觀看相關影片按連結：https://youtu.be/Y5Yql406QAg

問到唱歌錄音經驗豐富的Gladys有否「指導」一下演員出身的家怡，Gladys即大讚家怡唱歌叻，「家怡唱歌好叻㗎，同埋我哋分開錄，所以冇乜機會交流唱歌方面嘅嘢。」家怡亦謂唱歌「經驗豐富」，「之前《導火新聞線》插曲有唱過，之後有套微電影《母親和我的小事》又錄過一隻歌，啱啱又有一隻係同周國賢合唱，冇記錯今次應該係第四次。」

演員出身的家怡今次是第四次唱歌。

Gladys大讚家怡唱歌叻。

家怡自言喜歡唱歌，又謂入錄音室錄歌的感覺很好玩，而為了這次錄音，她特別找了唱歌老師上堂，「教吓我點樣用聲，費事出嚟效果唔好吖嘛。」她謂最難是用聲音表達情感，「其實同演戲有啲似，因為演戲都係情感嘢，但係點樣再運用多少少把聲去表現到個情緒，而又可以融匯埋一齊，呢個我覺得係好好玩。」

家怡自言喜歡唱歌，並覺得入錄音室錄歌好玩。

為了這次錄音，家怡還特別找了唱歌老師上堂。

家怡覺得唱歌最難是用聲音表達情感。

至於MV中，家怡坦言最喜歡Gladys拋花球的一幕，「佢拋花球俾我接住，我覺得個畫面好靚個構圖，同埋顏色好鮮艷。」

家怡坦言MV中最喜歡Gladys拋花球的一幕。