【TVB台慶】給一眾藝員同事100分 曾志偉：佢哋每一個人眼裏面都充滿火

TVB總經理（節目內容營運）曾志偉非常滿意一眾藝員在台慶夜的表現，雖然表演未必是最好，但每個人都值100分。

《萬千星輝賀台慶》於11月19日晚圓滿結束，總經理（節目內容營運）曾志偉給一眾藝員100分，「因為每個人都盡心盡力係為TVB今日（19日）嘅生日，好似自己屋企擺酒咁樣，去為咗來賓做好自己！」並大讚一眾藝員好有團隊精神，就算忙拍劇未能出席綵排，都會爭取時間在片場、在家中練習，務求做好自己。

本網記者攝

本網記者攝

志偉透露每一part表演他都有去關心同事、會去後台鼓勵同事，「同我地以前做主持一樣啦，每一part都要大家擊掌啊，『good show! good show! good show!』咁。咁我覺得呢樣好重要嘅，今朝排嗰陣時已經同大家講咗，我話呢，我哋做節目有一樣嘢最重要，就係一定要擺咗個誠意畀觀眾睇，觀眾個個都係叻人嚟，你有心做同hea住做呢，大家係知嘅。今日（19日）我覺得啲觀眾係完全接受到，係覺得佢地每一個同事都係用心去做好自己每一個part，咁所以得返嚟嘅反應係咁好。」

本網記者攝

問到最喜歡哪一part，志偉就表示每一part都喜歡，因為他幾乎每一part都有參與討論及觀看綵排，「其實由初初唔係幾好睇，近乎有啲難睇，到到OK，到到尋晚（18日）排到深夜4點幾，再開會，到到今朝（19日）中午再返嚟切燒豬、排，然後都未係去到（最好），但係去到同我哋所有嘅同事傾計嗰陣時就話畀佢哋聽，我見到佢哋每一個人眼裏面都充滿火，咁我知道今晚（19日）得啦！起碼大家真係好用心、好有信心去做好今晚（19日），咁所以做完之後見到大家嗰種情緒，我已經知道今日（19日）唔淨止我哋滿意，佢哋自己都好滿意！」

本網記者攝

問到來年TVB的計劃，志偉表示每年TVB都會有一個主旨，前年是「追夢」、去年是「傳承」、今年是「初心」，讓監製、編戲打造出合乎主旨的節目，並透露來年的主旨與「突破」、「變」相關。

TVB主席許濤、曾志偉（本網記者攝）

提到節目後話郭珮文未瞓醒，志偉笑說：「佢個人就係咁，我同佢排嘢都係咁，佢成日都係錯咗又唔知錯咗咩，做得好又唔知咩做得好，咁所以有啲我Artists係要鞭策，攞獎都要鞭策，咁攞獎其實應該係好開心嘅事，40幾萬喎係咪，佢都仲可以（發夢咁），我諗佢以為係做show嘅因間會收返嘅係唔係，包括攞車嗰個小朋友都係，正想話畀大家聽，我哋無內定囉。」

郭珮文（本網記者攝）

趙紫諾（本網記者攝）

陳宛蔚好感動！

錢國偉執導的電影《熱血燃燒》因疫情問題，上映日期數度延遲，終於拍板於1月9日正式上映！昨日（1月6日）電影《熱血燃燒》假銅鑼灣影藝戲院Cine Art JP率先舉行好友聚會場，主演的林曉峰（阿Lo）及影壇新貴張文傑特意到場分享拍攝趣事。錢國偉太太陳宛蔚及囡囡Abby、曾志偉、錢嘉樂、石修及兒子陳宇琛、黎諾懿及太太、林盛斌、周家蔚、「美味天使」林芊妤、孫慧雪、劉俐及陳蕊蕊等多位圈中好友到場支持。

錢國偉遺作《熱血燃燒》 辦好友場獲群星力撐。

陳宛蔚帶囡囡捧場。

林曉峰夥拍張文傑現身分享。

曾志偉

黎諾懿及太太

陳宛蔚感動地表示電影終於上映，特別感謝香港著名電影剪接黃海：「多謝佢將呢啲片段剪得好流暢，因為佢（錢國偉）喺外地拍嗰陣遇到好多波折，最後未拍晒就要返嚟先，跟住佢就病咗。我自己都有睇過部戲，佢都有份客串㗎，呢個係黃海嘅心思，我睇到都好感動。佢都拍咗啲網絡大電影，但係如果上院線嘅，呢套《熱血燃燒》就係最後一部。」兩人的愛囡Abby亦打扮得靚靚到場，現時就讀小學的她很可愛，不時拉住契爺林曉峰，又自己走到backdrop前簽名及拍照。

石修及兒子陳宇琛

林盛斌

孫慧雪

阿Lo及張文傑受訪時，提到與錢導的相處點滴，張文傑說：「佢好好人，對我哋好好。」身旁的阿Lo即鬼馬地笑稱：「係咩？我哋日日嗌交㗎喎。」隨後，他表示錢國偉當時還未完成拍攝已離世，幸得黃海協助完成電影，他們為電影終於上映感高興，又指今日能與眾多好友聚頭，因為大家都期待欣賞錢國偉的作品。

一眾「美味天使」。

周家蔚

電影由陳小春、謝天華、林曉峰及朱永棠這個經典的「古惑仔」演出，更是跳唱組合風火海「重現」大銀幕之作。早已轉戰中國發展的朱永棠，於《古惑仔》電影系列的角色深入民心，雖然風火海近年亦不時合體登台，但這次於電影《熱血燃燒》中歸隊，更特別與電影《古惑仔2》的主題曲同名，滿滿昔日情懷！戲中，四位好兄弟飾演緝毒組隊員，為捉拿毒販身犯險境，當中不少打鬥及飛車場面，一眾演員都親自上陣，尤其是張文傑，由天台飛落二樓的場口，令人看得熱血沸騰。

林曉峰夥拍張文傑現身分享。