TVB台慶｜與Baby Face台慶中「有情人終成眷屬」 梁敏巧大讚王祖藍造型「神還原」

梁敏巧多謝「Baby Face事件」令她多了很多工作，又多了很多認識她。

一年一度盛事《萬千星輝賀台慶》圓滿結束，「東張女神」梁敏巧（Maggie）在「福祿壽年度娛樂風雲人物」環節中與王祖藍扮演的Baby Face「有情人終成眷屬」，她笑言表演順利，又幾成功！

王祖藍扮演的Baby Face。（本網記者攝）

與梁敏巧在台慶中「有情人終成眷屬」。（本網記者攝）

梁敏巧大讚王祖藍的「Baby Face」造型非常逼真，「第一日佢試個造型出嚟，我地全部，服裝間、梳化姐姐，全部都笑到碌地，佢係『神還原』！」她又指二人在街上拍攝片段時，王祖藍都被途人誤認做真．Baby Face，「真係完全一模一樣，佢連身嗰撻水都『神還原』！好犀利！真係好犀利！」

梁敏巧讚王祖藍神還原「Baby Face」造型。（本網記者攝）

問到有否想過「Baby Face事件」會發酵到上台慶？梁敏巧笑言：「真係無諗過，本身都以為只係一個普通嘅苦主，但估唔到原來觀眾都幾留意，同埋個效果都幾好，啱啱啲反應都幾好，好開心！同埋祖藍真係，佢啲表情、講嘢真係好好笑！」

本網記者攝

本網記者攝

提到被拍到被Baby Face求婚，梁敏巧表示：「其實嗰日就係我落去諗住call車，咁之後，我專心㩒緊電話嘅時候，咁就有人嗌我啦，之後原來係佢，有少少嚇親，咁都追咗一陣嘅，但我見佢都善意啦，所以就接受咗佢嘅花束，同佢寫嘅卡。」她又解釋之後將花和卡丟掉，是因為接下來要出席活動，不想帶太多東西，而水晶戒指則因為來不及還給對方，所以最後都被她「放到」垃圾桶。被指做得絲，梁敏巧就直言：「唔好比假希望人地嘛！」

本網記者攝

雖然被拒絕，但Baby Face依然堅持對梁敏巧的追求，梁敏巧亦讚賞對方的堅持，「佢仲好有自信添，都係好事嚟，我希望佢追求第二個嘅時候都咁有自信，啲人會接受佢啦。」梁敏巧又指如果對方之後舉動令她感到是善意，她都會和對方接觸，但如果是突然抱她或選吻她就不行，並透露今次不是第一次遇到如此瘋狂的追求者，「日日係我公司門口等我放工、一日打成百幾個電話比我，我都試過（遇到）啲好crazy嘅人。」

本網記者攝

梁敏巧表示某程度上都要多謝Baby Face，因為這件「Baby Face事件」令她多了很多工作，工作更已排到來年1月，「因為呢件事，街上真係多咗好多人識我，尋日已話，有人笑我，叫我做『Baby嫂』，今日係街度啲人都已經叫我做『Baby嫂』，其實都真係幾多人關注呢件事！」她又指就算被叫「Baby嫂」，她都會輕鬆面對，還會笑說「夠30日就拍拖」，就好像和所有人都是朋友，是件有趣好玩的事！

本網記者攝

本網記者攝

Tracy表示會選擇去投資或者儲起，最重要是係做善事

一年一度盛事《萬千星輝賀台慶》於今晚（11月19日）假將軍澳電視廣播城隆重舉行，節目尾聲是所有人都非常期待的「台慶大抽獎」環節，最後的終極大獎：上海商業銀行送出理財存款43萬及其他豐富獎品，總值超過50萬，則由今屆落選港姐鍾翠詩（Tracy）奪得！鍾翠詩在接受本網採訪時表示相當興奮同開心，覺得自己好似發緊夢咁：「因為平時自己都冇咩抽獎運，所以今次可以中到獎真係好開心！」

今屆落選港姐鍾翠詩奪得終極大獎（本網記者攝）

相當興奮同開心（本網記者攝）

Tracy表示會請屋企人與一班港姐朋友食飯慶祝，表示啱啱有見到之前塞班島小分隊，佢哋都有送上祝福。她更誠實表示台慶中獎勁過贏港姐：「因為現金最實際！」歷年台慶大獎得獎者都會工作順利，人氣急升，Tracy都表示希望可以「承你貴言」，並透露希望可以多方面發展：「主持演戲或者KOL工作。」

Tracy表示會請屋企人與一班港姐朋友食飯慶祝（本網記者攝）

誠實表示台慶中獎勁過贏港姐（本網記者攝）

而Tracy對於今次的表演都感到相當滿意，透露自己除了去跳舞堂都有去學習瑜伽，非常認真。對於今次的獎金，她表示她會選擇去投資或者儲起，最重要是係做善事：「突然獲得一大筆錢，我覺得都需要做善事回饋社會！」

她會選擇去投資或者儲起，最重要是係做善事（本網記者攝）

Tracy表示已經簽約TVB，並感謝公司有幫助一班港姐繼續發光發亮：「咁我想做主持，公司都有俾我一啲機會，咁都要再睇下之後的發展如何。當然演戲我都好有興趣，就逐樣逐樣嚟啦！」