巴士迷「自備軚盤」坐上層揸巴士自得其樂 網笑：快樂其實好簡單

巴士迷「自備軚盤」坐巴士上層最前位置模仿揸巴士，雖然嘲笑聲不斷，但有人認為「無騷擾到人，開心就好了」。

有巴士迷「自備軚盤」，坐巴士上層最前位置模仿揸巴士。(FB影片截圖）

有網民於Facebook群組「好fashion呀你」分享一影片，影片中一名身型略胖、戴眼鏡的「巴士迷」坐在巴士上層最前位置，以「自備軚盤」模仿車長揸巴士。他以卡紙自製「自備軚盤」，全神貫注地模擬駕駛動作。不僅在轉彎和回轉時動作熟練，還細心觀察左右路況，每個動作都一氣呵成，猶如真正的巴士司機。

巴士迷以卡紙自製「軚盤」，非常投入自得其樂。（ FB影片截圖）

影片引網民熱議，不少人嘲笑該巴士迷「正巴膠」、「巴膠弱智唔係扮」、「X幾多歲呀?！智將」、「岸久舞若衣」、「好多哩啲走火入魔嘅人」、「千祈唔好渣車，會死」、「巴粉有幾多係正常」、「白卡佬揸白車」。

不過亦有人認為事主沒有騷擾到其他乘客，其實無傷大雅「每人都有自己喜歡做的事情，不打擾其他人就ok，何必下下戴智障眼鏡睇人標籤人哋係唔正常呢？」、「佢冇影響人，又可以娛人娛己自得其樂，個呔盤做得好靚！」、「其實佢自己開心，又搞唔到其他人，做咩笑人地」。

雖然有很多嘲笑聲，但亦有網民以正面的角度看待。（FB截圖)

很多網民感到正能量「快樂其實可以好簡單」、「其實我學車時都有坐這個位幻想過，不過只係用腦想像轉軚，沒有真正行動，呢位仁兄，其實唔介意別人目光，不時坐車都實習，如果成功考到牌，比人笑又有乜所謂。」、「做自己喜愛的事，能享受當中，是為最有福氣」、「支持圓夢，好欣賞佢既學習態度」。

帖文來源：Facebook群組「好fashion呀你」

近日網上瘋傳一段影片，有九巴司機見中年女乘客濫用輪椅的安全帶綁行李，直言不把行李拿走就不開車，網民力撐司機做法正確。

車長要求挪開行李 女子拒絕

有網民在fb群組「香港突發事故報料」上載影片。從影片可見，有九巴乘客將自己的行李放到輪椅位上，更將安全帶扣上行李上。車長要求挪開行李，但女乘客不肯。

FB截圖

車長請車內其他乘客下車

影片開始時巴士已停至路邊，車長上前與車內一名男乘客溝通，稱有人違規需要停下處理，請其下車。

FB截圖

雙方發生口角 車長：正常態度

女子直言，「我依家行李扣帶都唔得，冇輪椅都唔得，你咩嘢態度？」。車長不甘示弱，態度強硬答：「正常態度，我話唔得就唔得」，女子再次追問「你乜態度先？」，車長仍舊答道「正常態度」，並指向車窗外圍觀的市民和下車的乘客說「全世界都望住你」。

FB截圖

女子辯解輪椅位並沒有輪椅

女子辯解，現時輪椅位並沒有輪椅。然而，車長表示「冇輪椅唔係你話事」，惟女子不願退讓，直言「我宜家企喺度」。司機亦強硬回擊「企喺度還企喺度，唔畀你扣就唔畀你扣，兩回事」，並指女子不用舉機拍攝，不把行李拿走就不開車。

之後女子將鏡頭掃過輪椅位，再次表示「宜家呢度係冇乘客嘅」，司機亦企硬「冇乘客咪冇乘客，唔係畀你咁用，明唔明？」。最後，女子表示會將影片上傳至Facebook，影片到此結束。

FB截圖

網民一面倒支持司機

片段被放上社交平台後，網民一面倒支持司機，表示車長就應該要求乘客守規矩，「車長好嘢」、「比你放係人情，唔比你放係道理」、「車長正確，呢到係擺輪椅既位，呢一刻無人用唔代表下一刻無人用」、「支持車長，車長答得好好，撐車長做法」、「好多市民乘坐交通工具時橫行無忌，對乘坐交通工具嘅知識好弱」、「正常態度，啲人真係以為拍片大晒！」。