有港媽用手機八達通支付22元買麵包,首次拍卡時未能扣錢,再拍卡成功扣錢,但店員稱收銀機無法列印收據,因此不獲放行。
該港媽於Facebook群組「西貢將軍澳討論區」大呻其買麵包的不快經歷。她指日前下午3時多,到坑口東港城某麵包店購買價值22港元的麵包,並以手機八達通支付。由於「本身推住BB車,又擔心小朋友將盒牛奶整到成身都係」,手忙腳亂中以為第一次拍卡時未成功扣錢,於是拍了第二次。
事後,樓主向店員及負責人展示手機八達通交易紀錄,其中顯示兩筆交易,第一筆為「已讀取卡、沒有收費」,第二筆為「消費、HK$22」,但店方表示因收銀機未能列印收據,不確定該22元是否到帳。樓主於是讓她們查閱手機,但她們只咬著「沒有收費」一行。樓主解釋第二行顯示已付費,同時指出自己的八達通本來結餘為394.1元,現在剩下372.1元,可見已扣了22元。
之後,女負責人致電給公司核實交易,樓主聽到其對話內容「話係我堅持話自己扣咗錢,但係佢哋又冇收到之類嘅說話」,這令她心感難受「附近啲人聽到唔知以為我係偷嘢斷正等警察拉」。
女負責人隨後指示店員索取樓主的姓名及電話號碼「話唔使我企喺度等,話查完有問題嘅話先至再聯絡返我」。樓主對此做法更感不滿,要求報警處理,但女負責人拒絕,再要求樓主留下個人資料,樓主反駁「我買個麵包俾埋錢冇偷嘢,做咩要留電話號碼同埋名呢?係你個收銀機個系統有問題,出唔到張單據,點解要我企喺度等?」。樓主表示已相當有耐性地配合調查,堅持拒絕提供個人資料,並建議報警處理。
女負責人怕事情鬧大,最終「講咗三四次『由佢』」後,便同意讓樓主拿走購買的麵包離開。樓主非常生氣「我真金白銀俾錢買麵包扣咗錢,俾晒證據佢睇、電話任佢撳、企咗喺度成10幾分鐘等佢查,最後都冇同我道歉,仲要當我乞兒咁話由佢」,最終決定發文公開事件。
帖文引網民熱議,不少網民對樓主的經歷表示同情「我係你就以後都唔幫襯!消費時間同價錢已代表你俾咗錢啦!」、「使乜同佢講咁多,佢要麻煩你,你咪麻煩返佢,直接報警唔使理佢」、「$22都搞咁耐,叫佢執7咗佢算啦!」、「同情你的遭遇」。
亦有網民撐店方「西客。俾你做職員會點, 冇單就放佢走?」、「其實個八達通收銀機有時會係咁㗎,你嘟咗但係舖頭其實係過唔到數,佢會一個禮拜後退返嗰筆錢落你個八達通戶口」、「其實周不時八達通同收銀機連線有問題係經常發生,最慘係個店員未遇過,傻吓傻吓又驚要自己貼錢返工,所以先咁樣」、「人家只是個打工的,機器沒出單,判斷不出有沒有收到錢,是哪邊系統出錯她們哪裡懂,職責所在,留個電話,互相方便,很合理。不然帳有問題,她們有責任的。沒必要為難打工仔啦」。
帖文來源:Facebook群組「西貢將軍澳討論區」