高Ling不擇手段另有內情？
由無綫與優酷聯合製作，謝穎、鍾澍佳總監製、關文深監製的台慶劇《康業信貸快遞呈獻：新聞女王》，逢周一至五晚八點半翡翠台播映，主要演員包括佘詩曼、馬國明、李施嬅、高海寧、王敏奕、何依婷、鄧智堅、譚俊彥、龔慈恩、吳業坤、車婉婉、何廣沛及林正峰等。
點擊看圖輯
許詩晴搶疆報死訊呢幕。
啲對白真係勁有型勁搶。
詩晴今次流嘅係真眼淚，而唔係靠眼藥水。
呢個勝利笑容係咪得戚先。
佢仲趁Man姐讚佢時乘機送「大禮」投誠喎，到底係咩嚟？下星期揭曉。
許詩晴被指又危險又迷人。
呢個眼神，殺晒！
激到曉薇紮紮跳。
曉薇做手腳報仇，搞到詩晴喺主播枱上出醜，嗰一吓，高Ling真係演繹到嗰種慌亂。
今次輪到詩晴搵曉薇算帳。
呢兩位主播小花惡鬥，無日無之得嚟又幾精彩。
曉薇尋晚揭發咗佐治背住自己見家妍。
高ling某啲時刻仲會展現深邃眼神，難怪被指眼神好有戲。
下周曉薇暴走。
搞到佐治一身蟻。
Man姐梗係咬住佢唔放啦。
飛爺都愛莫能助。
許詩晴搶疆報死訊呢幕。
啲對白真係勁有型勁搶。
詩晴今次流嘅係真眼淚，而唔係靠眼藥水。
呢個勝利笑容係咪得戚先。
佢仲趁Man姐讚佢時乘機送「大禮」投誠喎，到底係咩嚟？下星期揭曉。
昨（1日）晚焦點落在詩晴Cathy（高海寧飾）及曉薇（何依婷飾）。Man姐（佘詩曼飾）、佐治（馬國明飾）及飛爺（鄧智堅飾）同時收到富商鄭松柏離世消息，三方循律師、家庭醫生及茶客等不同方向追尋線索，縱有九成把握鄭伯死訊屬實，有人卻因不想負上錯誤報道的嚴重後果玩「推波」；進擊的Cathy於危急關頭「搶疆自薦」：「冇人敢報等我嚟吖！萬一touchwood報錯咪賴落我度咯，I have nothing to lose。我宗旨好簡單，the show must go on。我報，萬一報錯，對公司嘅損失先至係最細。」由於甚有guts，贏得一致好評，高Ling因而獲封「野心美女」：「不在意別人怎麼說，內心強大堅定！」、「好喜歡壞女人，就喜歡這種有野心的」、「實在太酷了，把野心和欲望寫在面上的女人！高海寧演的也太好，眼神高傲、挑釁、將野心表現得淋漓盡致」。
許詩晴被指又危險又迷人。
呢個眼神，殺晒！
激到曉薇紮紮跳。
曉薇做手腳報仇，搞到詩晴喺主播枱上出醜，嗰一吓，高Ling真係演繹到嗰種慌亂。
今次輪到詩晴搵曉薇算帳。
呢兩位主播小花惡鬥，無日無之得嚟又幾精彩。
對於角色贏好評，高Ling謙虛歸功編審：「佢哋寫咗呢個好有血有肉，令人覺得壞得嚟好真誠嘅角色。好感恩好多網民都好欣賞詩晴，話佢又危險又迷人。」高Ling坦言自己也被詩晴吸引：「佢好孝順，你哋慢慢就會睇到，佢不擇手段坐主播位亦係有原因。佢表面上雖然好識得利用自己外在條件，例如拉拉鏈、送底褲，但佢有分寸之餘亦好有實力，就算要去應酬，佢朝早都係好早返office準備晨早新聞，呢個女仔係一心一意搞事業。」談到早前與曉薇VS的反枱戲引發熱話，高Ling透露於拍攝現場有被依婷感動：「我有戥佢慘，因為佢喊得好悽涼，佢喊戲做得好，而且喊極都有，我覺得佢呢方面好叻。」
曉薇尋晚揭發咗佐治背住自己見家妍。
高ling某啲時刻仲會展現深邃眼神，難怪被指眼神好有戲。
Man姐語錄：
「你知唔知上山虎同下山虎分別，上山虎代表食飽歸巢，下山虎代表肚餓獵食，你估邊隻好啲？下山虎有饑餓感有火。」
下周曉薇暴走。
搞到佐治一身蟻。
Man姐梗係咬住佢唔放啦。
飛爺都愛莫能助。
