今晚(2日)播出香港篇。
港姐特備節目《2024香港小姐 女.遊記》逢周一至五晚10時35分翡翠台播映。上周五(8月30日)、今晚(8月2日)播出香港篇,兩位港姐師姐高海寧(高Ling)、謝嘉怡(Lisa),聯同賴慰玲帶領三位來自不同地方的參賽佳麗包括:來自河北的9號陳甜甜、來自加拿大的11號梁嘉莹和來自荷蘭的14號楊梓瑤,遊覽香港。
點擊看圖輯
11號梁嘉莹話9號陳甜甜睇「粵劇」學廣東話,但其實佢係講緊粵語劇集。
另邊廂, 9號陳甜甜同埋14號楊梓瑤都好認真「耍花槍」。
9號陳甜甜
11號梁嘉莹
14號楊梓瑤
高Ling(左2)帶隊遊大澳。
見到海豚呀!
見到海豚呀!
上周五一集,高Ling帶一班師妹去到大澳親親大自然,她們先是大開食戒品嚐大澳名物「大大粒魚蛋」,之後再坐船出海睇中華白海豚,一眾佳麗看到海豚即時興奮得拿出手機拍照留念。及後高Ling和三位師妹親手製作貝殼紀念品,大家閒談期間講到最怕問答環節,高Ling大表認同:「當時最驚就呢個環節,個腦係一片空白,但咩都好最緊要記得笑!」來港不久的9號陳甜甜其實只用了兩個星期學習廣東話,廣東話水平已經明顯進步不少,11號梁嘉莹大爆9號陳甜甜非常用功練習:「佢睇粵劇睇到凌晨2點。」高Ling聞言即好奇9號陳甜甜是看「大戲」練廣東話,但其實11號梁嘉莹所指的「粵劇」其實是粵語劇集,鬧出一場笑話。
齊齊整貝殼紀念品。
11號梁嘉莹話9號陳甜甜睇「粵劇」學廣東話,但其實佢係講緊粵語劇集。
9號陳甜甜好努力學廣東話。
跟女特技人慧慧學拍動作場口。
11號梁嘉莹好驚高。
9號陳甜甜都係。
14號楊梓瑤最叻女,仲喺空中chok甫士。
學埋揸槍。
另一師姐Lisa帶三位佳麗到訪電視特技班體驗拍動作戲,找來女特技人慧慧和星二代龐景峰教導佳麗們吊威吔和揸槍動作。當中14號楊梓瑤最為大膽,吊威吔從高處跳下毫無懼色,更在空中自己Chok甫士,非常叻女,9號陳甜甜和11號梁嘉莹則比較細膽,跳下來前嗌到七彩,幸好最後都能完成任務。最後Lisa帶佳麗們去到地道茶記食蛋撻飲奶茶,期間眾人提到網上看到不少Haters留言,14號楊梓瑤坦言曾被指鬥雞眼感到不開心,Lisa向一班師妹傳授高EQ應該方法:「咁你照鏡覺得有冇?你覺得冇,咁點解你要care人哋,嗰個人唔識你,得你先知道你係咩人!」
去茶記歎蛋撻奶茶。
14號楊梓瑤介意被指鬥雞眼。
謝嘉怡教佢高EQ方法應對。
齊齊化大戲妝體驗粵劇文化。
11號梁嘉莹好認真咁耍槍。
另邊廂, 9號陳甜甜同埋14號楊梓瑤都好認真「耍花槍」。
今晚播出一集,三位佳麗齊齊化大戲妝體驗粵劇文化,當中11號梁嘉莹化了花旦妝並學習耍槍,她說:「啲衫同頭飾好重,好難郁,唔夠半個鐘個頭已經開始痛。」話雖如此,但11號梁嘉莹仍然非常落力練習,賴慰玲大讚:「睇到你好熱愛呢個造型,你好認真咁做到最好,好欣賞你。」至於14號楊梓瑤則反串做小生,其英姿獲高Ling大讚:「佢好做到嗰種英氣,無論聲線、眼神,成個動作都有男子嗰種氣質。」
14號楊梓瑤獲讚英姿颯颯。
大玩真心話大冒險。
9號陳甜甜最想同黃宗澤合作愛情劇。
製作組準備了香港製造的Gin酒送給三位佳麗,她們順道大玩香港流行的酒Game真心話大冒險,問到會選擇哪位男演員合作愛情劇?9號陳甜甜含羞答答說:「黃宗澤,鍾意佢靚仔!」期間14號楊梓瑤透露家中比較傳統,有重男輕女的情況,不禁失聲痛哭。賴慰玲還帶三位佳麗去到廟街體驗靈雀算命,9號陳甜甜、11號梁嘉莹和14號楊梓瑤齊齊問到決賽時會否獲得名次,她們獲得的籤文分別是「岳飛被害」、「花木蘭從軍」和「蘇武還鄉」,想知道到底是甚麼意思?密切留意今晚播出的《2024香港小姐 女.遊記》。
14號楊梓瑤指屋企比較傳統,有重男輕女情況發生。
三位佳麗去到廟街算命。
全城矚目選美盛事《2024香港小姐競選》已進入倒數階段,今屆港姐除了有學霸、專業人士、創業女強人及語言達人外,還有不少才藝代表、動靜皆宜。
當中1號陳紫佟(Jessie)及3號王汛文(Candice)均有不為人知的潛藏實力;而兩位大熱佳麗2號倪樂琳(Ellyn)、12號鍾翠詩(Tracy)除同時擁有廣告拍攝及選美經驗,還與8號盧凱怡(Kerry)一樣熱愛跳舞,當中Kerry更是國標舞世界排名前3位選手,相當厲害!
15位候選佳麗(本網記者攝)
1號陳紫佟(Jessie)(本網記者攝)
2號倪樂琳(Ellyn)(本網記者攝)
3號王汛文(Candice)(本網記者攝)
8號盧凱怡(Kerry)(本網記者攝)
12號鍾翠詩(Tracy)(本網記者攝)
1號陳紫佟Jessie丨升讀HKU Space媒體文化及創意學系
自揭鏡頭生硬 首次拍攝狂NG
現年18歲的1號Jessie首輪面試時剛完成DSE公開考試,現升讀HKU Space媒體文化及創意學系,直言對幕前幕後均大感興趣,並希望將來有機會修讀編劇並向相關方面發展。對於自己為最年輕佳麗,Jessie認為人生閱歷雖未必比得上其他佳麗,但自覺仍有優勢:「我覺得自己都幾有活力同衝勁。」
1號Jessie對幕前幕後大感興趣,希望大學修讀編劇課程。
1號Jessie對幕前幕後大感興趣,希望大學修讀編劇課程。
Jessie媽媽曾參選港姐,她透露這次參選亦半帶有為母圓夢的想法,並大方公開媽媽親授的選美心得,就是面對鏡頭要大方,輸人不輸陣:「之前對鏡頭有啲生硬,第一次shooting不停NG,依家面對鏡頭多咗就自然咗。」她表示自己熱愛唱歌和攝影,近來更勤力練歌為才藝表演作最好準備。
鍾意拍攝,尤其有情緒風格嘅照片。
鍾意拍攝,尤其有情緒風格嘅照片。
鍾意拍攝,尤其有情緒風格嘅照片。
2號倪樂琳Ellyn丨熱愛跳唱+擁廣告拍攝經驗
「希望成為實力派演員」
有「翻版李嘉欣」之稱的2號Ellyn樣貌身材兼備,熱愛唱歌、跳舞的她曾與TVB小花區明妙等人自組女團MORII GIRLS拍片跳唱,青春活力指數爆燈!曾有廣告拍攝經驗的Ellyn,在過程中培養出對演戲興趣,並有意在幕前有更多元發展。
2號Ellyn曾自組女團MORII GIRLS拍片跳唱,青春活力指數爆燈!
有「翻版李嘉欣」之稱。
Ellyn表示最想跟同樣港姐出身的佘詩曼,及演技日漸備受認同的高海寧合作,並視二人為奮鬥目標:「佢哋唔單止TVB、香港發展得好,仲靠住自己嘅實力去到內地,令到內地市場都好鍾意佢哋,真係覺得好勁。如果自己真係入到行,我都想靠住自己嘅努力,喺TVB發展之餘,有一日仲可以變成實力派演員進軍內地。」除了演藝經驗豐富,Ellyn自小更已學習彈琴、溜冰、芭蕾舞等,令人更期待她在決賽當晚的才藝演出。
從小已學習芭蕾舞及溜冰,由細靚到大呀!
從小已學習芭蕾舞及溜冰,由細靚到大呀!
從小已學習芭蕾舞及溜冰,由細靚到大呀!
3號王汛文Candice丨動靜皆宜 興趣多多 仲要入得廚房
澱粉質Lover 減肥都要食飯!
「友誼小姐」3號Candice性格開朗、談吐得體,曾於港姐特備節目《2024香港小姐 女.遊記》中獲黎芷珊點名力讚有主持及司儀潛質。於加拿大University of Alberta經濟系畢業的Candice,閒時喜歡游泳、睇書、打機、及看名人演講等,可謂動靜皆宜。Candice又指當年在加國讀書,由於零用錢有限,因而培養出下廚興趣並練成一手好廚藝。
3號Candice熱愛游水、睇名人演講同煮嘢食,動靜皆宜。
3號Candice熱愛游水、睇名人演講同煮嘢食,動靜皆宜。
而為了在決賽當晚以最佳狀態亮相,愛吃澱粉質類的Candice也自律忍口,將平日兩碗飯的份量激減至半碗,配以大量蔬菜,半個月前已成功由首輪參選時的51kg(112.2磅)減至49kg(107.8磅),令人相當期待其決賽當晚狀態。
Candice不但動靜皆宜,仲入得廚房,居家look勁有鄰女孩feel,好girlfriendable呀!
Candice仲係貓奴添!
8號盧凱怡Kerry丨感恩堅持「舞」放棄
8號Kerry自小習「舞」,從10歲起便接受專業訓練,除了是國標舞表演者及教師,根據《2024香港小姐競選 誰是入圍者》,Kerry入圍港姐後當刻的國標舞世界排名仍是前3位;能夠得到如此亮麗成績,除了花了無限努力,還需要很多的堅持。
8號Kerry不單止係國標舞世界排名前3位選手。
8號Kerry不單止係國標舞世界排名前3位選手。
Kerry坦言過去十多年在跳舞之路遇過不少挫折:「可能有時會兜路,但係只要堅持都可以成功」,並憶述2016年首度打入世界排名,當時信心滿滿以為翌屆能摘冠,可惜去到第四回已止步;之後2017年至2022年也全數落空而回,直到2023年才終再獲名次:「好多人好可能喺數度落空失望後已經放棄咗,但我從來冇諗過放棄,坦白講有時會抱怨同好痛苦,見到自己付出嘅同收穫唔成正比,都會問究竟值唔值得。最後我會覺得成件事係人生好特別嘅經歷,最重要唔係一晚半晚嘅成績,而係點樣可以令到自己識得堅持同明白成功嘅真理。」
仲係國標舞舞者及教師。
仲係國標舞舞者及教師。
仲係國標舞舞者及教師。
12號鍾翠詩Tracy丨體重高峰曾達109磅
靠一招減肥+保持體態減至96.8磅
12號Tracy去年參加《2023年度溫哥華華裔小姐競選》並奪得亞軍及最上鏡小姐獎項,事隔不夠一年即再度參加港姐挑戰自己,勁有選美熱誠。問到擁有選美經驗會否覺得是優勢,Tracy坦言有選美經歷的確較易上手,無論是面對評判時的言談舉止,或是穿泳裝都不會怯場,並自揭參加華姐前自己很怕穿泳裝:「我之前唔敢著bikini,後尾因為比賽時成日著,慢慢信心就增加番。」
12號Tracy參加《2023年度溫哥華華裔小姐競選》並奪得亞軍及最上鏡小姐獎項。
12號Tracy參加《2023年度溫哥華華裔小姐競選》並奪得亞軍及最上鏡小姐獎項。
Tracy自覺身形健碩,並謂之前因掛住健身又沒有控制食量,體重曾高達109磅;其後幾經努力減至100磅,但依然未有停步,繼續積極做瑜伽減肥及修練線條,結果成功減至目前的96.8磅,毅力與意志力同樣不容忽視。Tracy的「舞」功亦相當厲害,懂得中國舞、芭蕾舞及Jazz。
Tracy從小已有「舞」功底子,懂得中國舞、jazz及芭蕾舞。
Tracy從小已有「舞」功底子,懂得中國舞、jazz及芭蕾舞。
Tracy從小已有「舞」功底子,懂得中國舞、jazz及芭蕾舞。