何廣沛透露收到劇本後遭監製落命令，三個星期內要練好腹肌，所以他狂食雞胸，結果因為劇集延遲開拍，令他最終食了三個月雞胸。
何廣沛今日（12月4日）與一眾《新聞女王》的演員到商場出席宣傳活動，對於劇集獲熱棒，何廣沛直言從收到劇本、得知演員陣容後便知道《新聞女王》會是觀眾相當期待的劇集，更估計《新聞女王》的收視會是TVB今年的No. 1！
點擊看圖輯
本網記者攝
本網記者攝
本網記者攝
成功操出腹肌！
何廣沛與「Man姐」佘詩曼有床戲。
本網記者攝
何廣沛微博圖片
本網記者攝
本網記者攝
何廣沛在劇中飾演「Man姐」佘詩曼「背後的男人」之一，他表示收到劇本時感到緊張，因為當時他有肚腩仔，「嗰刻監製落咗命令，要我係三個禮拜內練好腹肌，咁嗰個時候咁啱我又適逢過咗新年啦，咁就食咗好多蘿蔔糕、年糕，乜糕乜糕都食得幾圓潤嘅嗰陣時，嗰陣時係好大壓力：『三個禮拜點減得切肥啊！』」他又指當時狂迫自己食雞胸，但卻因為劇集延遲開拍，導致他食了三個月雞胸，「出嚟嘅效果無話特別好，但我覺得係對得住自己，亦都監製係收貨，阿佘係都收貨，咁出嚟，特別係今晚嘅劇情，其實都見到正面嘅腹肌，其實都唔錯㗎啦。」
本網記者攝
成功操出腹肌！
提到與佘詩曼的床戲，何廣沛坦言：「點都緊張嘅！因為第一次接觸呢類型嘅劇本，唔知道拍攝嘅時候係點樣拍啦，咁但係佳哥（鍾澍佳）好好，佳哥係拍攝嘅時候嗰個指令係非常之清晰，佢講完一次，基本上我同阿佘都：『哦！明白！』咁就即刻做，完全係無話緊張嘅，我諗係拍咗一、兩個Take就拍完嘅，好快就收工，嗰場戲我諗唔洗一個鐘就拍完。」除了監製指示清晰，何廣沛亦讚佘詩曼配合度高，雖然電視上的Man姐相當有霸氣，但私下對同事們非常有愛！
何廣沛與「Man姐」佘詩曼有床戲。
本網記者攝
問到從佘詩曼身上學到什麼，何廣沛指非常佩服「Man姐」一早將對白背好，明明每天都有很多對白要說，但卻可以不帶戲本現身排戲，「原來Man姐收工嘅時候返到屋企係唔落妝，係第一時間睇劇本，睇完晒啲劇本，背啦，咁佢就會先去沖涼，利用沖澡嗰三個字，甚至半個鐘，甚至吹頭嗰少少時間再繼續背埋啲劇本先瞓覺，呢一點係我忽略咗！因為通常我返到屋企第一時間係沖涼，然後先睇劇本，就蝕咗沖涼嗰三個字，呢一方面係阿佘教嘢畀大家嘅！」
何廣沛微博圖片
