史上第一位公開徵收自己門票的歌手！張敬軒深夜IG跪求自己演唱會飛畀阿媽

張敬軒為歌迷會受取門票，卻忘記了為預留門票給自己母親，他直言：「如果冇會斷六親！」

張敬軒將於澳門倫敦人綜藝館與行13場《The Prime Classics》演唱會，門票雖然一票難求，但出多愛錫歌迷的軒仔早前就成功為歌迷會爭取過萬張門票，確保每一個會員都買到，但卻忘記了自己的母親。軒仔隨即深夜發文，公開跪求自己演唱會門票，成為「史上第一位公開徵收自己門票的歌手」！

張敬軒將於12月15日開始於澳門倫敦人綜藝館與行13場《The Prime Classics》演唱會。

軒仔今日（12月13日）凌晨在IG出PO跪求自己澳門演唱會門票，「我聽日去澳門彩排, 今晚呢個鐘數排完舞仲做緊分飛燕，又想照顧好啲朋友，又覺得自己應該落手去處理，點知自己金魚記憶轉個頭就唔記得咗幫人落少咗飛😔實在走投無路出此下策，跪求12月16號$1680門票10張、12月31號$1680門票四張😞如果冇會斷六親，但只限正價另加手續費購買😞有冇人可以幫幫我。#AlexFung已經幫唔到我#有門票邊個想做咖哩」，並透露其中一張門票是為母親預留的。

軒仔忘記為媽媽預留門票！

不少網民和歌迷看過帖文都留言嘲笑他，又笑指：「你都有今日！」不過，亦都有很多歌迷願意原價割愛，不斷問軒仔要唔要自己手上日子的門票，但歌迷似乎就未能親身與軒公本人面交，因為軒仔已身處澳門為演唱會進行排練，所以將由秘書負責交收。

網民留言

網民留言

網民留言

網民留言

網民留言

著名堪輿學家李居明向《巴士的報》進行運程預測，他指2025年踏入蛇年，透過生肖分析，屬狗與屬猴人士在蛇年中運勢最旺。

李居明大師稱屬狗與屬猴人士，在蛇年當中運勢最旺。（本網記者攝）

李居明預告2025年即將踏入蛇年，而與之相沖的正是屬豬，李居明表示：「豬係咩呢？係『亥』，指我哋隻腳，所以2025年我哋每個人隻腳都會受沖，即係話如果你係經常運動呢，你要小心仆親，亦即係話好多人都會坐輪椅，或者佢本身隻腳有腳痛。」

同時，他又指：「蛇代表著四大驛馬，係代表我哋每個人都會轉工、搬屋同去旅遊。講到蛇年裡面，呢個字係可以打開一個叫『丑』嘅金庫，係代表會打開呢個庫，就係冇咁悶局，以前我哋行咗入去個墳墓，而家我哋喺個墳墓行返出嚟，呢個就係香港嘅運，所以香港明年係由個墳墓度返出嚟，咁咪幾好呢！」

（本網記者攝）

屬猴藝人：張敬軒

屬狗藝人：姚焯菲（Chantel）

李居明表示：「2025年係屬狗同屬猴排第一同排第二之外，咁多生肖裡面，其他一啲唔好嘅生肖，我哋比較低調啲講，先唔好影響咗你嘅潛意識。大家要明白喺2025年由於網絡流行，網絡世界裏面浮現好多預言，但係你永遠記住一樣嘢，就係預言始終一講咗出嚟，通常就唔係好靈驗，因為大家都記得嗰樣嘢，嗰樣嘢變成咗另外一個層次嘅一種念力，係會令到嗰樣嘢反而唔靈，所以我話俾大家聽，唔好恐懼，恐懼先至係喺2025年最大嘅瘟疫！」

他強調：「不驚不懼係2025年我哋要面對，儘管2025年可能有七星逆轉，有不幸嘅事發生，我話俾你聽殺到嚟你先食！」

要小心腳傷。

李居明最後再補充面對恐懼時，千萬不要驚慌:「唔好事前驚餐懵，如果你要逃避亦逃避唔到嘅，既然係咁，不如就喺香港呢個少少嘅地方，呢個少少嘅安樂裡應外面好好活着。你走出世界任何一個地方，戰爭、地震同海嘯，分分鐘本來你無事，你都走咗一個好危險嘅地方，咁咪仲衰，所以人呢唔好咁驚，最緊要記住一樣嘢殺到先食，千祈唔好自己呃自己，香港人而家最大嘅毛病，就係『神經衰弱症』！」

增加了轉工、搬屋同旅遊的機會。