《妳不是她》羅蘭胡楓甜蜜遲暮戀最吸睛 林景程反傳統演窒口窒舌保險經紀

《妳不是她》12月25日聖誕夜首播，6條主要愛情線各有各精彩！

由徐正康夥拍新鮮人陳萍 April 擔任監製、麥世龍擔任編審的《妳不是她》，於聖誕夜（25日）起、逢周一至五晚八點半翡翠台播映，主要演員包括丁子朗（丁丁）、馮盈盈（Fyy）、黃庭鋒、張頴康、車婉婉、姚嘉妮、馬貫東、郭柏妍（Rosita）、林景程、彭慧中及黃婧靈（波波）等。

胡楓和羅蘭真係好襯呀！

羅蘭姐喺劇入面仲有一個好重要嘅「任務」。

林景程同車婉婉會談一場「女尊男卑」嘅辦公室戀愛。

車婉婉個角色成日都一輪嘴鬧人。

仲要手指指兼眼睥睥。

以「聖誕驚喜限定，爆發戀愛共鳴」作宣傳招徠的《妳不是她》，以 50%奇幻懸疑＋100%貼地角度探討「何謂真愛」，是百分百純港式現代愛情小品。話明愛情小品，除了 Fyy及丁丁的超浪漫愛情主線，還有羅蘭+胡楓、車婉婉+林景程、張頴康+姚嘉妮、黃婧靈+李紹堅、馬貫東+彭慧中五大愛情主線，將會探討的愛情類型涵括「女尊男卑」、「糖纏豆之戀」、「愛在心裏口難開」及「物質型」等不同範疇，辦公室戀愛、兩小無猜、顧忌之戀及一見鍾情應有盡有。

不過佢都好擅長Face off。

口齒不清、緊張到頭又抬唔起、面部肌肉都繃緊晒嘅林景程係咪好少見呢？

睇嚟車婉婉嘅角色都唔係好頂得住林景程喎。

呢一幕勁經典，密切期待！

張頴康對於姚嘉妮係夾雜住迷戀同崇拜。

五大愛情線中，以由「最年長螢幕CP」羅蘭＋胡楓擔正的「遲暮戀」最為吸睛
！飾演阿信（丁子朗飾）嫲嫲月英的羅蘭姐，在劇中將排除世俗眼光、對老人院院友琛伯（胡楓飾）展開追求，過程中二人不時甜蜜互動，值得期待。「車程CP」及「康妮CP」則會上演「女尊男卑」型辦公室戀愛，近期憑《新聞女王》華姐一角贏盡焦點的婉婉，在《妳不是她》中飾演阿信姐姐林善，繼續霸氣外露之餘，更會升呢「鐵嘴雞」一輪嘴「掃射」各界人士，相當搶戲。而以往演開口齡伶俐經紀角色的景程，這次雖然繼續演經紀，但會一改固有形象飾演窒口窒舌保險經紀，並與上司婉婉併發不少火花！

姚嘉妮個角色又真係幾吸引嘅，又靚又有能力又自信！

張頴康呢吓梳眉毛笑咗。

馬貫東同彭慧中嘅感情線相當特別。

張頴康姿整梳眉毛搶焦
出名好戲的張頴康，這次飾演對女強人上司Miranda（姚嘉妮飾）有傾幕之情的營銷組組長Louis；Miranda雖然看似鐵面無私，但其實管理手段相當高明，經常對下屬軟硬兼施，更試過為顧全Louis面子為其溫柔塗抹遮瑕膏，令Louis神魂顛倒…張頴康今次飾演的Louis表面格衰但實際心靈脆弱，為了凸顯角色著重包裝一面，Louis一出場便以「姿整梳眉毛」奇招搶焦，相當特別！波波與李紹堅則會上演一段「糖纏豆之戀」，二人愛得相當甜蜜但又恰到好處，更會為夏莉（馮盈盈飾）及阿信帶來不少啟發及反思。至於飾演阿信好友阿木的馬貫東，則會與飾演敏兒的彭慧中有一段「3人行」感情線，雖然阿木與敏兒感情要好，不過風平浪靜背後二人卻要面對極大暗湧…

波波同紹堅愛得黐纏，成日好似糖黐豆咁。

飾演暖男嘅紹堅，對波波照顧周到，仲會成日特登買外賣畀波波食。

當然仲有丁丁同盈盈嘅愛情線啦！

胡楓與羅蘭分享老友記對食物的要求。

大家樂集團（股份編號：0341）昨日（11月15日）舉行「大家開飯2024‧食得樂」啟動禮，公布連續第三年推出旗艦社區關愛項目「大家開飯」食物援助計劃，並推出全新品牌「食得樂」輕嚥料理，為咀嚼及吞嚥障礙人士提供美味又安全的食物選擇。活動邀得資深藝人胡楓及羅蘭雙雙出席，分享老友記對食物的要求，以及「食得樂」為老友記於飲食及社交上提供的幫助。

羅蘭及胡楓於活動上分享老友記對食物的要求，以及「食得樂」為老友記於飲食及社交上提供的幫助。

修哥在活動中分享保健心得。

剛於5月在澳門完成演唱會，92歲的「修哥」胡楓是活力老友記。修哥於活動中分享保健心得：「除咗成日去運動，飲食都好緊要，食得均衡先可以吸收到足夠營養。有啲老友記其實好為食，不過人大咗，始終喺咀嚼同吞嚥都會有啲問題，搞到食唔到嘢，就愈來愈瘦。今次大家樂推出『食得樂』輕嚥料理，就啱哂一班咀嚼同吞嚥有困難嘅朋友。我同羅蘭都試過佢哋個豉油雞脾同京都骨，味道同埋外形都同原本差唔多，同我一樣又有形又有味道。」

羅蘭欣賞大家樂照顧到老友記的社交需求。

元祖級螢幕CP胡楓、羅蘭出席大家樂集團「大家開飯2024‧食得樂」啟動禮。

另一位活力老友記，90歲的羅蘭亦對「食得樂」的產品讚譽有加。除了味道之外，羅蘭姐非常欣賞大家樂照顧到老友記的社交需求。羅蘭姐：「我一直有返工就知道，見吓人、同人交流對我哋老友記保持心境開朗同埋頭腦清晰係好緊要。我做義工時曾經有老友記同我講，因為要食軟餐，少咗好多同朋友家人一齊出街食飯嘅機會。我知道喺38間指定大家樂快餐同埋一粥麵分店都有得賣『食得樂』嘅嘢食，仲可以堂食。咁老友記就可以同朋友屋企人坐埋一齊食飯，傾吓偈，大家樂諗得非常周全，抵讚。」

羅蘭姐、修哥與一眾主禮嘉賓主持「大家開飯2024‧食得樂」啟動禮。