大方「認愛」89歲羅蘭？！胡楓：冇得解釋

Video Player is loading.

Current TimeÂ 0:00

DurationÂ -:-

Loaded: 0%

Stream TypeÂ LIVE

Remaining TimeÂ 0:00

娛圈事

大方「認愛」89歲羅蘭？！胡楓：冇得解釋

2024年09月07日 10:00 最後更新：09月08日 12:22

係咪真大家都好替修哥高興！

92歲的胡楓（修哥）與89歲的羅蘭一向好老友，又經常合作孖住現身，近年二人就突然傳出緋聞，隨得更一度傳出婚訊，不少網民都好睇好這段「暮年戀」，雖然修哥事後曾澄清純屬「美麗的謠言」，但近日他竟然大方「認愛」！

點擊看圖輯

修哥和羅蘭多年來合作無間。

近年突然傳出緋聞，但不少網民都好睇好這段「暮年戀」！

影片截圖

觀看相關影片按連結：https://youtu.be/p04b9IHovp0

修哥近日在YouTube頻道《修哥萬花筒》開設全新談心節目，邀請圈中朋友一起談天說地，最新一集就請來Twins的蔡卓妍（阿Sa）和鍾欣潼（阿嬌），除了大談入行談到爆紅，期間阿Sa和阿嬌感歎20多年前拍《明愛戀補習社》MV一事好像不久前才發生，修哥表示認同：「好似我做咗70年，回頭望吓，好似前幾年嘅事發生一樣，一樣㗎咋......又有啲唏噓，咁快就70年。」阿Sa和阿嬌隨即賣口乖修哥老而彌堅！修哥並直指Twins，「你哋有排做呀！」

說到工作到老，修哥直指Twins，「你哋有排做呀！如果你地有興趣嘅話，真係可以一路繼續做落去。」阿Sa就認為：「有陣時都好被動㗎嘛，都要有人鍾意睇，你先至可以繼續做。」修哥就表示反對：「我就唔係嘅，啲人唔鍾意我，我都會繼續做。」阿Sa和阿嬌即否認，指很多人都很喜歡修哥，阿Sa又重提他與羅蘭的緋聞，笑言：「你早嗰排先上咗頭條，你嘅緋聞呀！」阿嬌又說：「恭喜你呀！」三人聞言即時大笑。

修哥笑說：「真係，點解修哥成日冇新聞，伉家90歲先至有新聞，我自己都好開心！」阿Sa亦亦修哥的聞令大家都好高興，修哥就再度強調是「美麗的誤會」，但因為難以逐個解釋，所以只能「認愛」，「喺大陸好多人見到我，『恭喜、恭喜！』我只有話：『謝謝、謝謝！』（Twins：即係唔澄清？）點樣解釋呢？冇得解釋㗎嘛！只有話『謝謝』。」最後，修哥舉杯笑道：「替我高興飲杯！」

Tags:

胡楓

往下看更多文章

江欣燕爆胡楓拍戲有櫈都唔願坐修哥自揭21歲起養成「步行養生大法」

因無綫節目《歡樂今宵》結緣眨眼40載的阮兆祥、梅小惠、江欣燕，早前合作拍攝節目《友乜唔講得》，明晚（23日）播出的第七集嘉賓是胡楓，胡楓更刻意在衣著上與三位主持襯晒色，相當暖心；節目中還曝光了不少胡楓昔日在EYT的精彩演出。

修哥被爆私下佻皮又幽默

出名是「開心果」及「好好先生」的胡楓（修哥），被相識多年的小惠及欣欣踢爆私下其實相當佻皮、幽默，小惠說：「佢好犀利嘅，佢永遠搞笑唔笑，引佢又唔笑，永遠搞到我哋自己笑，佢就唔笑，教識咗我哋點樣笑與唔笑之間。」而節目期間，小惠果真遭佻皮的修哥氣至大叫：「你唔好耍我哋得唔得？」到底所為何事？

談到修哥，欣欣憶述入行首部電影即與修哥合作，並謂因而發現修哥原來有櫈都唔願坐：「套戲我同君如係演舞女，咁ending好多困獸鬥嘅戲，我同君如都好眼瞓，一見到櫈就坐，但修哥唔坐架喎，不停喺度行行行。到我諗住畀番張櫈佢坐，修哥就話：『我唔坐嘅，你哋後生坐啦』。」修哥事後笑言其實自21歲開始已有「行路養生」習慣：「我1953/54年開始行，行到依家喇，求其有地方就行。」祥仔聞言即大搞爛gag：「咁咪讀萬卷書不如行萬里路？」修哥即發揮幽默本色回應：「啱喇，我冇乜學問吖嘛！」

修哥曾因拍《四個小生》與謝賢曾江吵架？

欣欣又爆出修哥十分著急面上的「長壽癦」，完全「唔畀掂」，不過修哥聞言卻搞笑摸面澄清謂：「我希望啲靚女掂我，但阮兆祥嗰啲就唔好掂喇！」他續指長壽癦上的長壽毛十分吉利，更笑言謝賢十分羨慕他有長壽癦，更曾經按捺不住監生掹了一條私人珍藏：「有次四個小生去旅行，大家喺度講緊嘢，佢就喺度摸摸摸然後掹咗一條，仲要珍而重之咁收埋。」修哥席間還大談拍攝《四個小生去旅行》的趣事，並直認曾於謝賢及曾江嗌交！詳情敬請留意節目。

爆吳君麗「批踭」搞笑習慣

21歲入行已馬上坐正做男主角的修哥，被三位主持夾攻要求講出「心目中最靚嘅係邊位女明星」，並在祥仔引導下，大爆昔日其中一位好拍檔吳君麗的怪習慣。祥仔：「我見吳君麗同你擁抱時起晒槓」，胡楓：「唔單止咁，仲批踭添！」說畢更搞笑地還原昔日遭吳君麗推開的畫面，修哥又笑指當時被推後的回應是：「麗姐，我要睇跌打喇！」笑爆肚皮。

另今集三位主持，還會輪流感激圈中的前輩恩師，其中祥仔談到當年憑《溏心風暴》、撼贏好戲之人秦沛及許紹雄等勇奪最佳男配角，他坦言劇中其他前輩均有功勞，當中最令他獲益良多的是司棋姐：「嗰套係我第一套正戲，壓力都大。司棋姐教我講對白其中一樣嘢好緊要，就係個呼吸，呼吸可以帶動到個戲。有時我哋新人好多時驚自己NG，會想一口氣hur晒出嚟，但司棋姐話唔需要急，佢話要用適當速度講，同埋適當嘅停頓透氣位可以令觀眾更加入戲。所以嗰年我攞到最佳男配角，其實好多前輩演員佢哋都有功勞。」