張致恒夫婦疑交唔到租被迫遷 雯雯IG「求幫」

張致恒和雯雯都曾經在IG叫人幫手。

有「離婚界KOL」之稱的張致恒（Steven）和老婆區燕雯（雯雯）長期陷經濟困難，張致恒曾於數日前（12月18日）於IG Story呻窮賣慘，表示無錢交租，「唔想再搬屋」，又話自己「就嚟頂唔住」，而雯雯昨日（12月21日)亦於IG Story發了四個黑底白字帖文，令人十分擔心他們的去向。

Steven 早幾日先話無錢交租

雯雯先出「求幫」二字，之後貼出「雙手合十」Emoji，然後再出一個PO：「兩日可以去邊？」不過之後刪去此Po。及後又再發文，指：「咁凍可以同佢哋去邊？原來去到絕路嘅時候，真係會冇人幫。」外界猜測二人因未能交租而被趕走。

雯雯IG截圖

雯雯IG截圖

雯雯IG截圖

雯雯IG截圖

到今朝（12月22日），雯雯又在IG Story寫︰「既然努力過也解決不到，只有認命，既然絕路到盡頭，身心也累了，不如靜靜合埋眼休息，一切就放下，要怎樣就怎樣，一切也完結。累。」同時感激曾幫助過她一家的人。此PO令不少網民擔心雯雯會做「傻事」，但至今，雯雯和張致恒都沒有更新社交平台。

雯雯IG截圖

雯雯又出PO控訴張致恒。

有「離婚界KOL」之稱的張致恒（Steven）與太太區燕雯（雯雯）四年抱四，一家六口長期經濟困難，經常要向網民借錢解決，兩公婆的關係更是時好時壞，雯雯不時爆公開鬧爆張致恒「廢、好食懶做」，又曾撕破對方好爸爸形象，怒轟他冷漠對待生病的囝囝，但又會在網民嘲笑老公時公開護夫，但近日她又連出兩個PO控訴張致恒！

一家六口長期經濟困難。

兩公婆的關係時好時壞。

雯雯曾撕破張致恒好爸爸形象，怒轟他冷漠對待生病的囝囝。

但又會出PO護夫。

不過，近日雯雯又連出兩個PO向張致恒「開拖」！

近日一道廣闊雲雨帶正覆蓋華南沿岸，導致雨落唔停，對雯雯來說可謂雪上加霜，她在IG Story出PO：「今日最特別嘅經歷，接放學，冇錢搭車，你一句冇，電話冇電，返咗屋企，咁其實你期望我帶住兩個仔坐係街？」似乎他們一家已去到入不敷支的狀態。

雯雯自爆無錢搭車。

之後，雯雯再出PO控訴張致恒棄她們母子不顧，任由她們在雨天流落街頭，「就算你點冇法，係點樣做得出，由得我地？仲要咁大雨！」

又控訴張致恒棄她們母子不顧，任由她們在雨天流落街頭。