轉做「職安真漢子」不足三個月 張致恒出PO自言開工不足要幫手

網民普遍都唔賣賬！

有「離婚界KOL」之稱的張致恒（Steven）與太太區燕雯（雯雯）四年抱四，一家六口長期經濟困難，經常要向網民借錢解決，直到早前張致恒終於扚起心肝做「職安真漢子」，一家人生活似乎已回復正常，但昨日（9月26日）張致恒出PO求救，自言開工不足需要幫手！

一家六口

張致恒生性不夠三個月又向網民求救。

張致恒於7月成功考獲平安卡，並宣布扚起心肝做「職安真漢子」，不時在社交平台分享開工照，更曾表示「可以照顧一個屋企係我嘅福份」，一家人的生活似乎終於有所改善，老婆雯雯亦沒有再公開呻家事。想不到相隔兩個多月，張致恒先疑被老婆雯撕破好爸爸形象，怒轟他冷漠對待生病的囝囝。

張致恒早前報喜考獲地盤平安卡。

不時分享開工照。

月初被老婆雯雯再次出PO怒轟！

到昨日，張致恒就在IG Story出PO，但並不是回應老婆的指責，亦非開工打卡Post，而是再一次向網民求救，「因為今個月開工不足，所以導致屋企收入唔夠，認真想問下有無人可以幫幫手。」不過，網民普遍都不相信，認為是他自己懶，「又唔見吳浩康話開工不足？擺明係懶！」、「開工不足應該係因為自己唔想開工」、「懶X到X街，當你真係無工開，連送外賣都唔撚去做，當你做足一日點都夠一家人食到一日啦！」

對於張致恒的求救，網民普遍都不相信，認為是他自己懶。

雯雯指大家可以唔認同，可以唔理解，但無需要批評。

有「離婚界KOL」之稱的張致恒（Steven）與太太區燕雯（雯雯）四年抱四，一家六口長期經濟困難，經常要向網民借錢解決，雯雯又不時在社交平台放負，上月初曾自爆一家的食飯錢被呃，直言有尋死念頭，日前又揚言「唔會再求人，唔會再問人借」，更表示：「要死一齊死」，令人憂心四個小朋及的安危。今日（11月13），雯雯繼續放負，並罕有承認自己生四個又無錢養是不負責任。

張致恒與太太雯雯四年抱四。

一家六口長期經濟困難。

雯雯不時在社交平台放負。

早前出PO自爆被呃錢。

兩日前又再放負。

雯雯今日在IG Story連出兩個PO，她先表示希望大家能諒解他們的「苦況」，更罕有承認自己生四個又無錢養是不負責任，「成日講人地邊個邊個可以一個照顧4個，你自己有冇試過？以前條街都冇咁多車，以前小朋友自己留係屋企都唔會比人告，宜家小朋友有少少野都叫疏忽照顧，要報警。我係好不負責任咁生左4個，但自問都已經盡力照顧緊，D人成日講同鬧，但又有幾多個人真正做到？」她又表示：「你可以唔認同，你可以唔理解，但無需要批評。」

今日罕有承認自己生四個又無錢養是不負責任。

之後，雯雯繼續放負，「世界好現實，你冇錢，等如你乜都唔係，你要求人借錢，你更加變得一文不值。我窮，養唔起4個，更加代表我唔洗生存。我努力過、盡力過，但既然過唔到，都無謂勉強。」

然後繼續放負。