李思捷竟然唔知一蚊Joe中文名　Zayden特別留意Coffee做瑜伽？

《聲夢》畢業生唱歌答問題，勁好Feel。

由李思捷主持及監製的《百老滙電器呈獻：思家大戰》第三季，逢周日晚8時30分翡翠台播映。今晚（24日）平安夜播出一集，邀來《聲夢傳奇》第一、二屆畢業生擔任嘉賓，有何晉樂（Rock）率領的「聲夢1」隊，成員有潘靜文（Sherman）、林智樂（Felix）、文凱婷（Aeren）和林沚羿（Venus），對戰侯雋熙（Duncan）率領的「聲夢2」隊，成員有彭家賢（Zayden）、李茵彤（Desta）、劉芷君（Aster）和劉詠彤（Angel）。

「聲夢1」隊成員有Rock（左起）、Sherman、Felix、Aeren和Venus。

「聲夢2」隊成員有Duncan（右起）、Zayden、Desta、Aster和Angel。

今晚平安夜，一班聲夢畢業生甫出場大晒靚聲獻唱聖誕歌，「聲夢2」打頭陣唱出《Stars of Joy》，然後輪到「聲夢1」獻唱《We Wish You A Merry Christmas》，暖場主持一蚊JOE則化身聖誕老人助興，炒熱全場氣氛！《J Music》主持Rock透露很開心可以主持音樂節目，除了能夠認識更多音樂人外，還學會了如何做好一個主持，曾奪「最佳男主持」的思捷即場向Rock過番兩招：「做主持畀人笑唔緊要，最緊要自己性格可以展現到出嚟，畀人知道你係一個咩人，即係好似啲人望到我就知道我係一個壞人，咁咪OK啦！」惹得全場大笑。

《聲夢》畢業生合體唱聖誕歌，氣氛超正。

思捷呢身打扮好聖誕。

思捷向Rock傳授點樣做一個好主持。

今集問答環節同樣好玩，首條問題「講一首大人同細路都識唱嘅英文聖誕歌」，一班聲夢畢業生齊齊唱住歌答問題，思捷更一時興起晒歌劇式唱功，氣氛熱鬧。另一條問題「講一個觀眾知道佢英文名，但未必記得佢中文名嘅TVB演員或主持」同樣搞笑，Desta害羞地指住暖場主持一蚊Joe答「Joe」，思捷搞鬼地說：「話時話，我都唔知你中文名係咩，可唔可以大聲嗌出嚟？」一蚊Joe即大聲說出：「游莨維呀！」Zayden回答「Coffee（林芊妤）」，思捷聞言呆了一呆後說：「我諗我喺TVB 10年都未見過佢，你係咪特別留意人哋呀？留意人哋乜嘢？」Zayden笑言：「少少，做瑜伽！」

大家唱歌答問題，勁好Feel。

思捷大晒歌劇式唱腔。

Aster可愛晒雙V。

大家答問題都好認真。

思捷竟然唔知一蚊Joe中文名？

Zayden好鍾意睇Coffee？

最終兩隊鬥到難分難解，要玩「即時死亡」定勝負！今集「終極開口中」發生超罕見現象，第一位嘉賓答完問題已獲得144分，第二位嘉賓只需要拿到56分就可以獲得5萬蚊獎金&獎品，惟第二位嘉賓竟然由頭錯到落尾「食蛋」收場，思捷被他激到忍不住說：「今晚係平安夜，但我睇你今晚都唔係好平安！」想知道該嘉賓錯得有幾咁誇張？密切留意今晚播出的《思家大戰》！

Rock

Sherman

Felix

Aeren

Venus

Duncan

Zayden

Desta

Aster

Angel

又一個學霸歌手！

2年前參加《聲夢傳奇2》的趙小婷（Pamela）出身於名校協恩中學，現時是香港大學內外全科醫學士，現時簽約TVB。Pamela除了是學生和歌手外，仲努力經營社交媒體，近日仲宣佈有新發展。

Pamela 係港大醫學生

不時在網上分享學習心得的Pamela，近日與好友發展教育平台，提供課程和資源俾DSE學生，平台上有筆記出售，一本索價$699。不過有網民就質疑，Pamela 5年前已考完DSE，筆記是否仍然合時。

近日宣佈新發展

表示有新平台兼合作伙伴

一本筆記要價$699，有人覺得超值，有人嫌未必最新

Pamela在15歲因翻唱Dear Jane「愛情三部曲」而爆紅，曾經與星夢簽約，亦曾以網絡歌手身份亮相《勁歌金曲》，與JUDE（曾若華）合唱《零分》。先後翻唱過《It’s OK To Be Sad》和《勁浪漫 超溫馨》，在IG更獲本尊衛蘭和Gareth.T（湯令山）留言讚好。查實Pamela多才多藝，其實醫科學生已經夠忙，仲要玩音樂、拍拖，同埋做生意，唔知佢一日有幾多時間瞓。

參加《聲夢2》獲第5名