老友鬼鬼！
李思捷日前(10月16日)到新城廣播接受譚玉瑛（阿譚）、何基佑及黃筠兒主持的《QK玉瑛室》訪問，思捷與阿譚老友鬼鬼，兩人不時相約品酒談心，訪問由思捷初入行做歌手時說起，「嗰時我幫一個網站主持節目《娛樂大知嘢》，每集都會揭報紙瘋刺娛樂圈新聞，反應出奇地好，老闆話不如幫你出碟，捧你做第一個網上歌手，之後攞咗郭富城啲歌重新改歌詞，隻碟賣咗二千隻，但我又唔忿氣上唔到無綫《勁歌金曲》。」
李思捷接受新城《QK玉瑛室》節目訪問。
於是思捷主動出擊，拿著親自創作的音樂錄影帶向《勁歌金曲》監製毛遂自薦，最終獲得簽約成為2000年樂壇新人，「我開心到不得了，仲有份提名新人獎，對手係古天樂、張家輝、陳冠希，三甲人選有齊，但坐喺佢哋旁邊都好開心。」思捷翌年再接再厲，主動上藝員科搵經理，成功簽約為藝員合約並加入《歡樂金宵》，「後尾有監製覺得我有趣，搵我拍《花樣中年》，同方中信有幾場對手戲，我做便利店收銀員，佢成日嚟買嘢氹佘詩曼，我就同方中信鬥氣。」
李思捷與譚玉瑛不時相約品酒談心。
左起：何基佑、李思捷、譚玉瑛、黃筠兒
之後與容祖兒合作拍劇集《美麗在望》，經常圍在祖兒身邊負責搞笑角色，鬼主意多多的思捷又再次「出手」，「我出晒名，好多人話我成日改劇本，但你唔改又好難突出自己，我試一次先，監製會睇playback，如果佢唔鬧我就繼續試，兩三次之後，監製唔鬧我咪OK！但惟一唔好就係影響咗對手，人哋背咗（劇本）成晚，我突然改對白，佢都諗唔切點回應，所以幫人諗埋又試過，但佢可能心諗『使你教我呀』。」思捷強調尊重所有編劇，指劇本寫得很好，只是自己想整段戲表達得更好。深思熟慮之後，思捷決定繼續改劇本，同時亦會顧及對手感受，「我要搵個中間位，就係照顧埋對方，畀對方完全可以接到對白。」
李思捷與譚玉瑛聚舊揭常約品酒談心 成功全靠夠主動
詳細節目內容，請重溫10月16日，3-4時，新城知訊台《QK玉瑛室》節目，網址：https://www.metroradio.com.hk/MetroInfo/
陳松伶與老公張鐸吵架期間曾鬧出笑話！
陳松伶（松松）日前到新城廣播接受譚玉瑛（阿譚）、何基佑及黃筠兒主持的《QK玉瑛室》錄音訪問，松松和阿譚於1990年在兒童節目《閃電傳真機》環節《Auntie烏卒卒》合作而成為好友，松松驚嘆兩人已相識34年，阿譚即表示：「我哋雖然唔係成日見，但姊妹情深。」
陳松伶接受新城《QK玉瑛室》節目訪問。
松松在訪問中大談當年，她透露當年拍「烏卒卒」時正在讀初中，「拍《天涯歌女》時我讀緊中四，同鄭伊健拍《笑看風雲》我20歲，讀緊大學，當年我係一個好古縮嘅年輕人，就連蕭笙叔（資深電視監製）都叫我笑多啲，我唔笑個樣好嚴肅。」
陳松伶（松松）
阿譚早年主持電視台清談節目時，曾以視像形式訪問松松，當時松松已經與內地男演員張鐸結婚，並「嫁雞隨雞」移居北京，松松表示和老公已在一起17年，她對住阿譚興奮表示，「我哋20年時請你過嚟北京，包你機票，你過嚟同我哋一齊住，請埋馬生（新城廣播首席營運總監馬浚偉）。」
何基佑問松松婚後是否放棄香港所有工作遷移北京？松松透露當時自己有心理病，在港會感到壓力，所以決定離開，「嗰時係有啲情況，其實人生總會有高高低低，我喺嗰度搵番自己，有好多朋友支持我，老公亦畀我好多空間。」
松松談起老公張鐸，即一臉甜絲絲！
何基佑問松松婚後是否放棄香港所有工作遷移北京？松松透露當時自己有心理病，在港會感到壓力，所以決定離開，「嗰時係有啲情況，其實人生總會有高高低低，我喺嗰度搵番自己，有好多朋友支持我，老公亦畀我好多空間。」
談起老公張鐸，松松即一臉甜絲絲，她指兩人是拍劇認識，初相識時因張鐸成熟穩重，以為對方年齡大過自己，卻原來年輕自己9年，因此令松松有所顧慮，「知道佢細過我，我即刻話唔得，我連自己都照顧唔到自己，但佢真係好成熟，又好識照顧人，佢話『你唔試過點知啫』！」
松松揚言結婚20周年邀請馬浚偉、譚玉瑛飛北京慶祝！
松松和張鐸拍拖3年便結婚，她透露老公曾承諾給她安全感，「佢認定40歲之前，呢個女人一定要嫁畀佢，佢覺得要畀我安全感，係一個承擔，然後建立一個家庭。」不過始終有文化差異，二人吵架期間曾鬧出笑話，「有時會聽唔明佢講咩，佢都聽唔明我講咩，我好嬲時鬧佢死八公，佢聽唔明只係笑笑口。」
現年54歲的松松，如今演戲只能做姐姐和媽咪角色，她自爆曾有人邀請她飾演竇驍的媽咪，「唔係我唔得，係人哋接受唔到，演姐弟就差唔多；因為體形關係，有套劇我飾演富婆，包小鮮肉，好開心可以做到現實中做唔到嘅事，都幾享受，畀自己突破同挑戰。」
左起：何基佑、譚玉瑛、陳松伶、黃筠兒
