任賢齊廣州個唱慶功拎百萬現金大抽獎 獲封「絕世好老闆」

小齊一向視工作人員為家人。

任賢齊（小齊）去年初啟動《齊跡在路上演唱會2023》演唱會，一年來共巡演22個城市，包括星馬、澳門、內地，共舉行43場演出，場場爆滿。昨天（1日）元旦，小齊完成2場廣州演唱會後，拉大隊慶功，一向視工作人員為家人的小齊，答謝工作人員1年辛勞，拿出100萬現金與百人團隊大抽獎，讓工作人員過開心新年。

任賢齊（小齊）完成2場廣州演唱會後，拉大隊慶功。

小齊為答謝工作人員1年辛勞，拿出100萬現金與百人團隊大抽獎。

是次小齊《齊跡在路上演唱會》被譽為80、90後最感動回憶演唱會，不少歌迷演唱會上，小齊一開唱就已經淚流滿面，不約而同於演唱會點唱環節中跟小齊說，他的歌都是他們的青春及故事，讓小齊也非常感動，於廣州進行兩場倒數的演唱會，小齊除了唱出經典金曲，更選唱最廣東歌《喜歡你》及《海闊天空》。

任賢齊被封為絕世好老闆。

讓工作人員過開心新年。

他在台上表示：「謝謝大家這1年陪我闖蕩在路上，希望我每一次演唱會，都可以在大家心中留下美好記憶，大家從頭唱到尾大合唱的歌聲，都讓我非常感動，請你們回去之後，也一定不要忘了我，要記著我們相聚美好，在追求理想路上，我會更認真，那怕我會跌倒受傷，我也會咬緊牙關，那怕我熱淚盈眶，我也會頂天立地站在天地之間，我們的胸膛，一樣海闊天空！多謝Beyond帶給我們好聽又好感動的歌，Beyond forever ！」

說到陳奕迅試過病倒要取消，小齊說：「我知道呀，他跟我一起也是廣州開騷，我之前有空還去探望過他呢！大家一見面都是同一句，我們最緊要保重自己，身體健康！」

小齊去年，只放過一星期假，跟家人共度聖誕，元旦日太太及仔女也到廣州捧場，共度新一年，在小齊Ig的短片上，見到他倒數後，工作人員向他歡呼拍掌，小齊經過老婆時溫馨一擁，讓歌迷留言大讚他是世上絕種好男人。完成廣州演唱會，小齊馬不停蹄返港，為賀歲片《臨時劫案》宣傳。

任賢齊去年初啟動《齊跡在路上演唱會2023》演唱會。

一年來共巡演22個城市。

除了絕世好男人，小齊也被封為「絕世好老闆」，百萬現金給工作人員抽獎，小齊笑道：「應該嘅，因為大家都對我好好嘛！我哋係一齊工作嘅，一個不能少，大家都要開開心心過新年。」

問到他新一年計劃，小齊說：「暫時冇得放假，農曆年會去美加繼續巡迴演唱會，美加完了就緊接英國及巴黎巡迴演出，24年也是繼續在路上，繼續巡迴各地演出。（什麼時候巡到香港？）我也不知道，有時候我也有睡醒不知身在哪裏的感覺，我放下不理了，等經理人計劃，香港我也很久沒回來唱，很想念大家，看場地檔期，我也希望有機會。」

每一場演出都全場爆滿。

新一年新願望，小齊說：「這些年大家經歷那麼多，只有一個願望，就是身體健康，都祝福大家身體健康。巡演時我都試過中招，也試過病著上台，幸好我沒病到要取消擇日重賽。」

歌迷反應熱烈。

Sammi笑小齊將「浪花」說成「老花」，廣東話有待進步。

天后鄭秀文（Sammi）昨晚（7月16日）在紅館舉行第四場「You & Mi 鄭秀文世界巡迴演唱會2023」（Rescheduled ），好友任賢齊（小齊）、蔡卓妍（阿Sa）、導演莊文強、蔡穎恩（Evelyn）與攝影師老公譚運佳、Vian@Me&、國內歌手蘇運瑩等捧場。Sammi換上Monica Ivena黑色水晶短裙與表演嘉賓陳凱詠（JACE）合唱《煞科》，觀眾勁High。全場高潮是encore時，Sammi即興邀請觀眾席上的小齊合唱《浪花一朵朵》，她還笑指小齊廣東話《「老花」一朵朵》，全場爆笑。

任賢齊

蔡卓妍

導演莊文強

蔡穎恩與攝影師老公譚運佳

Vian@Me&

Sammi換上Monica Ivena黑色水晶短裙。

昨晚表演嘉賓JACE出場前，Sammi稱：「今晚呢位嘉賓，我自己覺得好啱口味，唱快歌又得唱慢歌又得，充滿energy嘅新晉歌手。現場觀眾未必個個都認識佢，但我覺得呢個舞台，我好希望能夠分享俾啲新歌手。舞台我就分享咗啦，至於你嘅演出能唔能夠打動到觀眾？就要靠你自己啦！」然後音樂響起《煞科》，JACE毫無怯場，跟Sammi台上又唱又跳，還加入一段rap助興，全場High爆。期間JACE興奮高呼：「好夢幻呀，我同Sammi一齊唱歌呀！」

與嘉賓JACE合唱《煞科》。

全場High爆！

唱完二人擁抱，Sammi說：「每一個歌手都係由新人開始，當初好多前輩歌手俾咗好多機會我上舞台，我先至可以慢慢一步一步行到今天，我都希望今次演唱會，可以同啲比較新晉嘅歌手分享。」JACE表示第一次踏上紅館舞台，「感覺太神奇，好正呀，咁近距離感受Sammi嘅energy。你超好地鼓勵咗我好多，因為之前一段時間唔係好容易過，但Sammi超好，私下同我講咗啲說話，令我覺得我真係要加油。」全場掌聲。

唱完，Sammi和JACE擁抱。

Sammi說：「長路漫漫，前面嘅路係你哋架啦，你要加油呀！」然後JACE送上一個湯壼，說：「我本身諗住自己煲湯，但考慮Sammi健康，所以裏面係我寫嘅一張湯券，等你演唱會完成之後，可以隨時兌換我煲嘅湯。」Sammi笑說：「唔怪之得個壼輕飄飄啦！」她落台換衫，JACE與帶來的舞蹈員表演自己的新歌《百妖夜行的修行》。

演唱會尾聲，全場大叫encore，Sammi穿著Ground Zero 白色小背心、Meryll Rogge牛仔褲配搭Swarovski高級珠寶出場演唱新歌《盲盒》後，對觀眾說：「我知你哋好需要集體回憶，鍾意比較熟悉嘅歌，大家記唔記得幾廿年前（24年前）《夏日的麼麼茶》？『麼麼茶』今日嚟咗呀，小齊！『麼麼茶』今日好風騷喎，粉紅色tee、白色框眼鏡、仲有牛仔帽。」小齊拿起咪高峰跟觀眾打招呼，全場歡呼，小齊說：「『麼麼茶』一路喺馬來西亞嘅熱浪島等Sammi返嚟，等唔到，我就嚟香港搵你！點知我一返嚟香港，個個叫我『秋哥』，因為《九龍城寨之圍城》！」Sammi興奮地說：「恭喜你，過億票房！」

Sammi換上Ground Zero 白色小背心、Meryll Rogge牛仔褲配搭Swarovski高級珠寶出場演唱新歌《盲盒》。

呼喚觀眾席的小齊。

小齊跟觀眾打招呼。

小齊表示好期待再跟Sammi合作拍電影，「你攞獎嘅時候，我仲開心過自己攞，好感動！」Sammi說：「終於攞到啦，yeah！有夢想唔好放棄，70歲都係攞獎時，你加油，演技再進步啲呀！」然後小齊即興與Sammi唱了一段電影《夏日麼麼茶》主題曲《浪花一朵朵》，不過Sammi笑指他將「浪花」說成「老花」，廣東話有待進步，全場爆笑。

小齊表示好期待再與Sammi合作拍電影。

二人即興合唱電影《夏日麼麼茶》主題曲《浪花一朵朵》。