陳凱詠感動私訊鄭秀文鼓勵 Sammi即興邀觀眾席任賢齊合唱

Sammi笑小齊將「浪花」說成「老花」，廣東話有待進步。

天后鄭秀文（Sammi）昨晚（7月16日）在紅館舉行第四場「You & Mi 鄭秀文世界巡迴演唱會2023」（Rescheduled ），好友任賢齊（小齊）、蔡卓妍（阿Sa）、導演莊文強、蔡穎恩（Evelyn）與攝影師老公譚運佳、Vian@Me&、國內歌手蘇運瑩等捧場。Sammi換上Monica Ivena黑色水晶短裙與表演嘉賓陳凱詠（JACE）合唱《煞科》，觀眾勁High。全場高潮是encore時，Sammi即興邀請觀眾席上的小齊合唱《浪花一朵朵》，她還笑指小齊廣東話《「老花」一朵朵》，全場爆笑。

任賢齊

蔡卓妍

導演莊文強

蔡穎恩與攝影師老公譚運佳

Vian@Me&

Sammi換上Monica Ivena黑色水晶短裙。

昨晚表演嘉賓JACE出場前，Sammi稱：「今晚呢位嘉賓，我自己覺得好啱口味，唱快歌又得唱慢歌又得，充滿energy嘅新晉歌手。現場觀眾未必個個都認識佢，但我覺得呢個舞台，我好希望能夠分享俾啲新歌手。舞台我就分享咗啦，至於你嘅演出能唔能夠打動到觀眾？就要靠你自己啦！」然後音樂響起《煞科》，JACE毫無怯場，跟Sammi台上又唱又跳，還加入一段rap助興，全場High爆。期間JACE興奮高呼：「好夢幻呀，我同Sammi一齊唱歌呀！」

與嘉賓JACE合唱《煞科》。

全場High爆！

唱完二人擁抱，Sammi說：「每一個歌手都係由新人開始，當初好多前輩歌手俾咗好多機會我上舞台，我先至可以慢慢一步一步行到今天，我都希望今次演唱會，可以同啲比較新晉嘅歌手分享。」JACE表示第一次踏上紅館舞台，「感覺太神奇，好正呀，咁近距離感受Sammi嘅energy。你超好地鼓勵咗我好多，因為之前一段時間唔係好容易過，但Sammi超好，私下同我講咗啲說話，令我覺得我真係要加油。」全場掌聲。

唱完，Sammi和JACE擁抱。

Sammi說：「長路漫漫，前面嘅路係你哋架啦，你要加油呀！」然後JACE送上一個湯壼，說：「我本身諗住自己煲湯，但考慮Sammi健康，所以裏面係我寫嘅一張湯券，等你演唱會完成之後，可以隨時兌換我煲嘅湯。」Sammi笑說：「唔怪之得個壼輕飄飄啦！」她落台換衫，JACE與帶來的舞蹈員表演自己的新歌《百妖夜行的修行》。

演唱會尾聲，全場大叫encore，Sammi穿著Ground Zero 白色小背心、Meryll Rogge牛仔褲配搭Swarovski高級珠寶出場演唱新歌《盲盒》後，對觀眾說：「我知你哋好需要集體回憶，鍾意比較熟悉嘅歌，大家記唔記得幾廿年前（24年前）《夏日的麼麼茶》？『麼麼茶』今日嚟咗呀，小齊！『麼麼茶』今日好風騷喎，粉紅色tee、白色框眼鏡、仲有牛仔帽。」小齊拿起咪高峰跟觀眾打招呼，全場歡呼，小齊說：「『麼麼茶』一路喺馬來西亞嘅熱浪島等Sammi返嚟，等唔到，我就嚟香港搵你！點知我一返嚟香港，個個叫我『秋哥』，因為《九龍城寨之圍城》！」Sammi興奮地說：「恭喜你，過億票房！」

Sammi換上Ground Zero 白色小背心、Meryll Rogge牛仔褲配搭Swarovski高級珠寶出場演唱新歌《盲盒》。

呼喚觀眾席的小齊。

小齊跟觀眾打招呼。

小齊表示好期待再跟Sammi合作拍電影，「你攞獎嘅時候，我仲開心過自己攞，好感動！」Sammi說：「終於攞到啦，yeah！有夢想唔好放棄，70歲都係攞獎時，你加油，演技再進步啲呀！」然後小齊即興與Sammi唱了一段電影《夏日麼麼茶》主題曲《浪花一朵朵》，不過Sammi笑指他將「浪花」說成「老花」，廣東話有待進步，全場爆笑。

小齊表示好期待再與Sammi合作拍電影。

二人即興合唱電影《夏日麼麼茶》主題曲《浪花一朵朵》。

Sammi驚喜現身支持！

由兩屆金像獎最佳攝影潘耀明執導，集結劉德華、白宇、莫文蔚、謝君豪、王菀之（Ivana）、王丹妮（Louise）、廖子妤（Fish）、何啟華（Dee）、魏浚笙（Jeffrey）及梁仲恆（阿炳）等強大卡士演出，港產破天荒災難電影《焚城》，自上映以來熱度持續上升，截止昨日（11月13號）為止，票房順利衝破2千3百萬！而昨晚華仔亦兌現承諾，接受阿Dee邀請加入謝票團隊，與導演潘耀明、林家熙（Locker）、黃愷傑（Wesely）、許恩怡（Natalie）一同現身戲院感謝觀眾支持，剛巧謝票期間正值三號風球，兼天文台宣布即將懸掛八號風球，不過團隊無懼風雨如常謝票，連走五場滿座場次。而首場謝票更迎來巨大驚喜，天后鄭秀文毫無預兆突襲戲院，專程支持《焚城》和老友華仔！

劉德華兌現承諾，與《焚城》消防小隊颱風下「加碼」謝票。

劉德華

華仔甫出場，歡呼聲此起彼落，他先發言感謝觀眾支持，亦呼籲大家繼續關注有份參演電影的年青演員，華仔非常難忘在片場見到他們為電影付出：「我最難忘係第一日拍攝消防局嘅戲，因為見到佢哋喺度操練，又有真實消防員指導，覺得佢哋好辛苦。」

鄭秀文（Sammi）突襲現身。

專程支持《焚城》和老友華仔。

眾人分享期間，主持突然宣布有個神秘嘉賓要現身，就是天后鄭秀文，華仔跟團隊事前毫不知情，跟全場觀眾一樣，見到Sammi既驚且喜不禁大聲歡呼，原來Sammi知道華仔難得謝票，特意前來捧場，兩人一見面即時擁抱，而非常欣賞電影的Sammi，早前經已在社交平台出片大讚作品，她在謝票現場更掏出戲票，證明自己真金白銀支持，Sammi亦再次不吝讚美之辭：「我覺得《焚城》非常之精彩，裡面有感動位，有緊張嘅情節，我覺得故仔好好，入面有好多訊息，好滿意，好滿意華仔你嘅演出呀！」說畢全場一同喝采，場面非常熱鬧。Sammi又再點名稱讚阿Dee表現：「你嗰段我好感動，演出得好好！」對於Sammi突然現身加持，華仔笑指竟有點緊張，至於Locker和阿Dee則驚喜到目瞪口呆，二人最初還以為神秘嘉賓是王丹妮或監製江志強。

Sammi知道華仔難得謝票，特意前來捧場！

大合照。

謝票場就有觀眾問到各位演員跟華仔合作有何感受，一向視對方為偶像的阿Dee竟然吐出「遺憾」二字：「因為我跟劉生無對手戲，我只能同佢一齊睇戲啫，但對我本人嚟講今次有份參與大製作經已覺得好難得。」現場有粉絲大叫兩位下部作品合作，阿Dee直言希望能成事。相比起阿Dee和Locker，Wesley自言非常榮幸，皆因自己剛好有一場可以跟華仔對戲，好開心見識到對方的專業。至於飾演華仔女兒的Natalie，最緊張就是自己戲中要親自駕車接載華仔：「因為嗰時我啱啱至考到車牌，劉生仲要坐我隔嚟，好緊張。」

謝票場最後環節，華仔帶領一眾演員跟觀眾合照，臨別前他就再次感謝觀眾，並呼籲各位繼續入場支持一班年青演員！

Sammi自掏腰包入場激讚電影。