疑似向債主賴皮唔還錢錄音流出 張致恒自言為湊仔冇返工遭網民鬧爆

張致恒近日被KOL Sean公開疑似他與債主的對話錄音，大爆他賴皮拒還債，並透露為湊仔而辭去情趣用品店的工作。

有「離婚界KOL」之稱的張致恒（Steven）和老婆區燕雯（雯雯）結婚四年抱四，但長期經濟困難，就算兩公婆近期不時都進行「網絡行乞」，間中亦有好心網民施以援手，但一家人生活依然拮据。雯雯近日又發文暗示要離婚兼同老公割席，而張致恒日前則被KOL Sean公開疑似他與債主的對話錄音，大爆他拒還債，並已辭去情趣用品店的工作，家中再次再去經濟來源。

張致恒一家長期經濟困難。

雯雯近日又發文暗示要離婚兼同老公割席。

發長文鬧爆老公。

錄音中，張致恒以「大哥」稱呼債主，並以哭腔向債主賴皮，「大哥我都同你講過，就算我係還畀你，我都只係還到一、二千畀你，我冇咁多錢可以還到畀你」，他又指因為無人湊仔，所以已辭去情趣用品店的工作，「再加上我依家冇喺嗰度返工啦，因為冇人幫到我湊仔，我出唔到去做嘢，我依家仲諗緊方法去搵錢，你逼我都冇用…...你咪去…...咁你......唉，我唔知啊，我嗰個老細喺英國度住，英國同呢邊係倒轉咗時差，所以呢佢哋 夜晚先會出糧，我依家都等緊佢過錢畀我，一有我就即刻轉畀啦你好冇，新嘅一年大家好嚟好去好冇啊？我好攰呀！」Sean就直斥對方講大話。

KOL Sean爆張致恒借錯唔還。

兩公婆又私下向粉絲借錢。

更爆張致恒「當網民是提款機」。

今日（1月4日），張致恒就在IG Story出PO，為情趣用品店澄清對方從未欠薪，「只係我同我嘅朋友溝通上有問題，所以誤會咗我冇糧出，因為上個月我同啲仔一齊病咗成個月，所以淨係返咗七日工，七日工有幾千蚊，但係因為本身老細預知（支）咗錢畀我，所以每個月我都要出糧扣錢，所以今個月冇糧出。」

張致恒在情趣用品店打工時不時會出PO宣傳。

張致恒為情趣用品店澄清對方從未欠薪，只是老闆一早預支薪酬，所以他才冇糧出。

另一邊廂，雯雯似乎未受老公被追債影響心情，並在YouTube上載一段為大仔天寶慶祝4歲的影片，片中雯雯和張致恒帶囝囝們去室內兒童遊樂場玩，之後又一家溫馨切蛋糕，但可見未知是否因為三餐不繼，天寶看上去明顯比同齡的小朋友瘦小，令人相當擔憂。此外，最離奇的是，天寶生日是在4月，不知為何要提早三個月慶祝。

影片截圖

影片截圖

影片截圖

影片截圖

影片截圖

影片截圖

觀看相關影片按連結：https://youtu.be/DGfpzWxOzCg?si=_NWzYEAhppRgsL1I

對此，不少網民都留言鬧爆雯雯和張致恒自相矛盾，前者早前公開鬧爆老公又懶又廢、躺平又不湊仔，後者就聲稱自己要湊仔而唔返工，兩公婆根本是一擔擔，不願望外出打工，寧願賣慘呻窮，攤大手等網民「助養」。

雯雯又出PO控訴張致恒。

有「離婚界KOL」之稱的張致恒（Steven）與太太區燕雯（雯雯）四年抱四，一家六口長期經濟困難，經常要向網民借錢解決，兩公婆的關係更是時好時壞，雯雯不時爆公開鬧爆張致恒「廢、好食懶做」，又曾撕破對方好爸爸形象，怒轟他冷漠對待生病的囝囝，但又會在網民嘲笑老公時公開護夫，但近日她又連出兩個PO控訴張致恒！

一家六口長期經濟困難。

兩公婆的關係時好時壞。

雯雯曾撕破張致恒好爸爸形象，怒轟他冷漠對待生病的囝囝。

但又會出PO護夫。

不過，近日雯雯又連出兩個PO向張致恒「開拖」！

近日一道廣闊雲雨帶正覆蓋華南沿岸，導致雨落唔停，對雯雯來說可謂雪上加霜，她在IG Story出PO：「今日最特別嘅經歷，接放學，冇錢搭車，你一句冇，電話冇電，返咗屋企，咁其實你期望我帶住兩個仔坐係街？」似乎他們一家已去到入不敷支的狀態。

雯雯自爆無錢搭車。

之後，雯雯再出PO控訴張致恒棄她們母子不顧，任由她們在雨天流落街頭，「就算你點冇法，係點樣做得出，由得我地？仲要咁大雨！」

又控訴張致恒棄她們母子不顧，任由她們在雨天流落街頭。