羅啟豪出名鍾意食嘢！
聖誕新年接job接不停嘅「英國豪」羅啟豪，日前跟肥媽同李麗霞（黑妹）去大馬雲頂處男登台，昨日（1月10日）返抵香港。英國豪分享話：「我呢個中年先入行嘅素人，以前成日喺新聞度睇到啲前輩去外國登台，特別成日聽到話去雲頂，今次可以親身有呢個體驗，感覺好得意！」
羅啟豪日前首赴大馬雲頂登台。
同肥媽合唱。
羅啟豪今次對住超過6000位觀眾演出。
狀態大勇！
不停收花！
問到有乜嘢最難忘，一向鍾意食嘢嘅英國豪話：「雲頂嘅嘢食真係多得好緊要！譬如酒店樓下係一個好大嘅商場，每一間舖頭都係餐廳！我就主要揀去食啲地道菜色，當中我學識咗咩係馬來三寶，就係奶茶配咖央多士再配近乎生嘅雞蛋送豉油！咁樣嘅配搭原來好好味，我第一次食唔知隻蛋咁生打到成手成檯都係！好醜怪！」一講嘢食即刻雙眼發晒光嘅啟豪講完食物不忘轉認真 mode：「另外最難忘嘅當然仲有肥媽同黑妹姐有呢個演出機會，佢哋成個旅程畀咗我好多有用嘅提點我，教我帶咩衫、點講嘢。另外佢哋演出方面真係好有娛樂性同埋好識帶動氣氛，自己觀察咗好多值得學習嘅嘢，希望可以學以致用。」
羅啟豪話好珍惜今次的演出機會。
座無虛席！
香港豪殼專程飛去雲頂應援。
馬來西亞豪殼！
英國豪今次對住超過6000位觀眾演出，座無虛席，當中有馬來西亞嘅豪殼，更有唔少專程由香港飛過去支持佢嘅豪殼（粉絲暱稱），為現場炒熱氣氛，同為佢活動後舉行祝捷儀式。啟豪昨日抵香港更有大班豪殼接佢機，豪殼問佢有咁多人嚟接佢機佢有咩感受，啟豪就講笑話：「我13歲離開香港嗰年，同二家姐一齊走，二家姐有成三十個朋友嚟送機，我就只係得三個，比較上嚟都有啲啲唔開心㗎！但係宜家嘅我有你哋，今時唔同往日喇！」
羅啟豪完騷後同一班豪殼相聚。
羅啟豪好感激大家到場支持！
羅啟豪趁機品嘗當地美食。
啟豪仲透露第一首自己嘅單曲，搵嚟倫永亮作曲周耀輝填詞嘅「相信 相信」，已經完成錄音並準備拍攝MV，加上呢個月之後嘅每個禮拜公司亦都為佢安排咗工作，豪殼一定好開心又會繼續不乏見到佢哋偶像嘅機會。
羅啟豪回港更有大班豪殼接佢機。
人氣強勁！
羅啟豪邀請一班自己非常重視的嘉賓一同見證市集開幕！
羅啟豪（Ramon 英國豪）的歌迷會「豪吧」為了增添普天同慶的聖誕氣氛，更為最喜愛的歌手羅啟豪送上一份聖誕大禮，特別於今年12月在赤柱美利樓舉辦一共七日的《羅啟豪冬日約會迷你市集》 ，並於日前隆重開幕，請來鄭丹瑞（旦哥）、胡渭康、以及《中年好聲音》家族吳大強、丁文俊、魏嘉信、顏米羔、劉威煌、黃健文、安雅希、周碧嘉、梁浩賢、顏志恒太太及兒子等參與剪綵儀式。
羅啟豪同豪殼開香檳慶祝開幕。
一眾嘉賓合照。
心思滿滿，《羅啟豪冬日約會迷你市集》 特別利用十三個含「心」字的詞語——譬如細心、匠心、醉心——去作為攤檔名稱以及代表啟豪的特質，並為完成參觀市集的訪客，誠意送上免費的精緻烘焙、熱飲及禮品，加上有遊戲、手工藝、社企產品及慈善義賣，開幕首日大受市民歡迎，場面墟冚，為今年聖誕率先燃點節日氣氛！
市集嘉賓合照。
開幕儀式期間，啟豪解釋今次市集是人生重要的里程碑，所以邀請自己非常重視的嘉賓以見證市集開幕；啟豪與歌迷心意一致，強調市集並非一個歌迷會活動，而是面向所有遊客的項目，啟豪說：「歌迷會用一般市民的角度去構思市集內容，希望訪客食得、玩得、買得開心，不但前來參觀市集，盡興而歸，並介紹身邊親友前來分享歡樂；豪殼（歌迷暱稱）花盡心思籌辦市集，希望令更多人認識到我，這份心意教我感動不已。」
啟豪請嚟對自己重要嘅人見證開幕。
今天第一次走進市集，啟豪形容心情百感交集：「我知道豪殼花了很多精神心機去成就這個市集，今天完全看得出當中心意與心思，我覺得好成功，應該會吸引不少遊客，達到預期的目標！」啟豪補充，去年年尾曾舉辦了《與羅啟豪之冬日約會音樂會》，今年的聖誕市集正是延續篇，他說：「很想延續這個節日氣氛，赤柱美利樓的聖誕市集已有多年傳統，向來吸引很多人前來參觀，今年我們參與其中，在這裏有十四個攤位，全部均是充滿聖誕氣氛的食品、扭蛋機、遊戲攤位，亦有義賣各樣社企精品，內容非常豐富。」
啟豪喺為自己而設嘅影音空間欣賞影片。
啟豪玩扭蛋抽到心儀玩具。
認真參與市集勞作。
又親自向外籍人士講解有關市集。
今次市集場地最獨特之處，就是被絕佳的海景環抱，所以精心挑選藍色、白色與啡色的聖誕裝飾，以配襯窗外無邊際感的晴空大地。在市集開幕禮上，一眾嘉賓拆開歌迷用以貼滿入口的巨型花紙與絲帶，寓意嘉賓陪同主人翁羅啟豪一起拆開歌迷會送給他們的禮物。「豪吧」每次活動皆創意無限，這次開幕方式亦不例外。
和嘉賓一齊「拆禮物」。
和嘉賓一齊「拆禮物」。
鄭丹瑞專程前來市集開幕禮支持啟豪，旦哥笑言：「今天天氣本來有點寒意，但一走進這個市集，就可以感受到啟豪帶給大家的溫暖，我很高興看到這麼有意義的活動，除了熱愛唱歌以外，啟豪真的身體力行去回饋社會，我作為前輩，會全力支持他！」
旦哥百忙之中抽空嚟支持後輩啟豪真大面。
問到旦哥與啟豪的認識，原來旦哥當年都有追看《中年好聲音》，好希望支持一眾畢業生追夢，所以曾邀請啟豪出席活動。啟豪表示非常感激有這位前輩提攜，更表示非常感恩旦哥今次抽空出席支持，因爲知道旦哥剪綵後要即時趕往為電影《得寵先生》謝票，正當啟豪在現場呼籲大家一定要到戲院欣賞這齣講述人狗共融的溫情電影，此際劉威煌剛帶同兩隻愛犬到達會場，非常巧合，旦哥有感而發：「之前已試過多次謝票，今次還是首度看到觀眾帶着狗狗入戲院，這個新鮮體驗令我深受感動！」
啟豪感激旦哥提攜後輩。
劉威煌剛巧帶同兩隻愛犬到達會場引嚟轟動。
劉威煌帶同兩隻愛犬到達會場。
剪綵後，啟豪當上星級領隊帶嘉賓參觀市集，見大強哥好投入地玩齊所有攤位遊戲，丁文俊、魏嘉信、顏米羔、劉威煌分別成功搶購超筍價一折太陽眼鏡、社企出品的朱古力及湯包等，收穫豐富。啟豪到達飲食攤位時最為興奮，見到非常精緻的糕點飲品，立時表現得有選擇困難，見到枱面擺放着檸檬方磚蛋糕、小鴨沐浴曲奇、花果協奏曲（柑桔檸檬伯爵茶）、一縷陽光（香橙熱紅茶）等等，品質、賣相與味道完全達到專業水準。
胡渭康咁遠都特登嚟撐後輩場。
顏米羔搶到超筍太陽眼鏡即刻要啟豪簽名。
顏米高魏嘉信齊揀到心頭好。
丁文俊買社企湯包收穫豐富。
大強哥何博文玩齊攤位遊戲。
中二師弟梁浩賢嚟撐師兄場。
丁文俊與羅啟豪合照。
顏志恒太太及兒子專注畫為鴨子上色。
魏嘉信同太太兩個仔仔前嚟參觀市集。
啟豪見到以佢命名嘅窩心暖飲暖在心頭。
為食啟豪唔捨得食得意薑餅人。
場內更有多個打卡點，譬如一個溫馨北歐風的模擬客廳，以及一個2.5米高的聖誕花圈，更有啟豪的二手衫義賣與由他親手上色的鴨仔拍賣，籌得善款會捐到服務癌症兒童及其家人的「生命小戰士會」，令市集更添意義。
啟豪意想不到市集咁成功。
啟豪喺唯美IG位打卡。
啟豪及生命小戰士代表合照。
啟豪與一眾義工豪殼完場時珍貴合照。
市集開放日期為 12月21至26號，在最後一日，「生命小戰士會」合唱團將在現場獻唱，啟豪更會在這個一級歷史建築美利樓壓軸登場，以歌聲去為市集進行圓滿閉幕。
