羅啟豪出名鍾意食嘢!
聖誕新年接job接不停嘅「英國豪」羅啟豪,日前跟肥媽同李麗霞(黑妹)去大馬雲頂處男登台,昨日(1月10日)返抵香港。英國豪分享話:「我呢個中年先入行嘅素人,以前成日喺新聞度睇到啲前輩去外國登台,特別成日聽到話去雲頂,今次可以親身有呢個體驗,感覺好得意!」
羅啟豪日前首赴大馬雲頂登台。
同肥媽合唱。
羅啟豪今次對住超過6000位觀眾演出。
狀態大勇!
不停收花!
問到有乜嘢最難忘,一向鍾意食嘢嘅英國豪話:「雲頂嘅嘢食真係多得好緊要!譬如酒店樓下係一個好大嘅商場,每一間舖頭都係餐廳!我就主要揀去食啲地道菜色,當中我學識咗咩係馬來三寶,就係奶茶配咖央多士再配近乎生嘅雞蛋送豉油!咁樣嘅配搭原來好好味,我第一次食唔知隻蛋咁生打到成手成檯都係!好醜怪!」一講嘢食即刻雙眼發晒光嘅啟豪講完食物不忘轉認真 mode:「另外最難忘嘅當然仲有肥媽同黑妹姐有呢個演出機會,佢哋成個旅程畀咗我好多有用嘅提點我,教我帶咩衫、點講嘢。另外佢哋演出方面真係好有娛樂性同埋好識帶動氣氛,自己觀察咗好多值得學習嘅嘢,希望可以學以致用。」
羅啟豪話好珍惜今次的演出機會。
座無虛席!
香港豪殼專程飛去雲頂應援。
馬來西亞豪殼!
英國豪今次對住超過6000位觀眾演出,座無虛席,當中有馬來西亞嘅豪殼,更有唔少專程由香港飛過去支持佢嘅豪殼(粉絲暱稱),為現場炒熱氣氛,同為佢活動後舉行祝捷儀式。啟豪昨日抵香港更有大班豪殼接佢機,豪殼問佢有咁多人嚟接佢機佢有咩感受,啟豪就講笑話:「我13歲離開香港嗰年,同二家姐一齊走,二家姐有成三十個朋友嚟送機,我就只係得三個,比較上嚟都有啲啲唔開心㗎!但係宜家嘅我有你哋,今時唔同往日喇!」
羅啟豪完騷後同一班豪殼相聚。
羅啟豪好感激大家到場支持!
羅啟豪趁機品嘗當地美食。
啟豪仲透露第一首自己嘅單曲,搵嚟倫永亮作曲周耀輝填詞嘅「相信 相信」,已經完成錄音並準備拍攝MV,加上呢個月之後嘅每個禮拜公司亦都為佢安排咗工作,豪殼一定好開心又會繼續不乏見到佢哋偶像嘅機會。
羅啟豪回港更有大班豪殼接佢機。
人氣強勁!
《為你鍾情》日前正式公演!
由MQ Musical Theatre主辦,以張國榮為主題的音樂劇 《為你鍾情》(Café I Do - The Leslie Cheung Musical)日前於香港西九文化區戲曲中心大劇院正式公演! 康樂及文化事務署署長劉明光先生、周慧敏、黃智賢、王梓軒、黑妹姐、林志美、彭家麗、羅啟豪 、顏米羔等等現身捧場。鄭俊弘兒子及太太何雁詩亦有捧場,他原本擔心仔仔怕黑會被嚇到,但最後看見仔仔十分Enjoy,看足全場。
以張國榮為主題的音樂劇 《為你鍾情》
日前於香港西九文化區戲曲中心大劇院正式公演
由MQ Musical Theatre主辦
《為你鍾情》日前正式公演
以張國榮為主題的音樂劇 《為你鍾情》
以張國榮為主題的音樂劇 《為你鍾情》
勁歌熱舞
多位歌手一同參演
鄭俊弘兒子及太太何雁詩亦有捧場
王梓軒現身撐場
圈中好友齊撐場
圈中好友大讚
黃智賢
Manson亦有觀看演出
周慧敏到場支持
周慧敏與黃劍文合照
其中一幕鄭俊弘演到與劇中太太講分手,他投入到眼濕濕,連觀眾也被感動,原來佢綵排時每次演到這一幕都會流淚。葉巧林指當中有不少感動位令她一樣眼濕濕,但不可影響情緒而忍住,而Lilian亦指父女情很感動,她亦一樣要忍住。眾演員今次除了要唱歌,亦要跳舞,台下觀眾反應十分熱烈,最後更全場亮起電話,氣氛熱鬧。觀眾對一向跳舞麻麻地的黃劍文又唱又跳勁舞感到意外,劍文指他事前花了不少時間排舞,期間更很有挫敗感,試過想放棄。因為哥哥每首歌嘅舞蹈有不同風格與特色,有日去做按摩時,按摩師指他的雙腿勞損,但這晚看見台下觀眾反應熱烈,辛苦亦很值得、很開心。至於今次演出過後會否考慮添食巡演?他們笑言很希望可以衝出香港。