呂爵安Edan以茶道大師造型拍廣告 著和服沏茶態度一絲不苟

Edan初次接觸日本茶道！

人氣男團MIRROR成員Edan（呂爵安）踏入新一年即為日本國民美容品牌 ALBION 旗下的化妝系列Elégance La Poudre 拍攝全新廣告影片，廣告中以茶道大師造型型格登場，更首次跟日本柴犬一起拍攝，互動過程搞笑又溫馨。

Edan（呂爵安）為日本國民美容品牌 ALBION 旗下的化妝系列Elégance La Poudre 拍攝全新廣告。

廣告中Edan以茶道大師造型登場。

為配合品牌源自日本的文化背景，今次Edan 於廣告中扮演一位茶道大師。原來今次是Edan 初次接觸日本茶道，由著和服到沏茶姿勢，態度一絲不苟，動作不但講求精確，而且需要保持優雅。日本茶道以「一期一會」的精神為每位客人奉茶，整個過程極度需要專注於每個細節，以達到盡善盡美。當中需要的專注和一絲不苟的精神，正好配合日本殿堂級美容品牌ALBION以「匠人精神」製作的純手工訂制 Elégance La Poudre 極緻定妝蜜粉餅，每個色調都經過精心設計，塑造不同的妝效。然而穿上茶道專用的和服後，既要保持坐姿並要和一隻柴犬一起乖乖地坐下來面對鏡頭，過程並不容易。雖然如此，Edan仍全程專注演繹所有動作的細節，表現非常專業。

相關影片可以按以下畫面觀看：

影片連結：https://youtu.be/Q9NE49fteQ4?si=gZOPVEVhNBcubuht

首次跟日本柴犬一起拍攝。

Edan不時逗拍檔玩。

一向愛護毛孩的Edan第一眼看見今次合作拍攝的日本柴犬便感到十分歡喜。見他逗玩時展露出的開心表情，可見相處得相當愉快。可惜動物向來是廣告拍攝中最困難的對手，今次廣告中的柴犬性格比較貪吃，拍攝途中不時只顧吃地上用作獎勵的小吃，連累Edan NG多次，Edan裝作無奈，場面搞笑。

廣告中的柴犬拍攝途中不時只顧吃地上用作獎勵的小吃，連累Edan NG多次，Edan裝作無奈！

Edan著和服好靚仔！

今次Edan遇上藝術品般的純手工訂制Elégance La Poudre，細膩柔滑質感，締造自帶濾鏡一樣的柔膚效果，肌膚瞬間帶有清幽花香，為擁有多重身份的E先生時刻保持完美的一面。

對於蔡仔的深情發文，Edan表示：「貢sweet㗎咩」！

呂爵安（Edan）早前跟大學Hallmate兼香港劍擊運動員蔡俊彥（Ryan，蔡仔），日前難得同場出席品牌活動，事後「黑圖王」Edan將讀書時代儲起的Ryan黑圖公諸於世。

呂爵安（Edan）和蔡俊彥（Ryan）難得在品牌活動喜相逢。

Edan留言：「當年嘅大學roommate，又點會諗到有一日會喺個fashion event到碰面，So happy to see you bro，繼續一齊各自努力。附上極罕有蔡仔（同自己）黑圖 #以前個樣咩事 #搵相先發現原來我哋極少影相 #咁耐冇見竟然係喺event見。」Ryan也在Edan的IG留言，並識做地Tag歌：「漸漸我們...」。

Edan貼出和蔡仔大學時期的合照。

今日（10月1日)凌晨，蔡仔於Threads出長文給「E位朋友」，憶述和Edan住大學宿舍時期的點滴，他大讚Edan為人平易近人，夠義氣不忘本，又指Edan在他心中是個很棒的朋友。

蔡仔寫道：「關於E位朋友（指Edan），記得大學岩岩（啱啱）入住宿舍，不懂社交，不懂包裝，個個話我寸，話驚同我相處。我當時是很擔驚受怕的，感覺人人都唔會喜歡我，你係其中一位『不聽取別人意見』，願意主動同我傾計（偈）相處嘅人。」
蔡仔又踢爆Edan：「你遠望Mk男神，近望平易近人，日日朝早霸住樓廁所第一個廁格一個鐘...唔講太多了，anyways我哋兩個硬膠好快成為好朋友。麻雀鐵腳，四處R腳，水人唔好理deadline。」

還鬧着玩貼了蔡仔極罕黑圖。

Edan IG圖片

蔡仔指有很多人欣賞Edan的風趣幽默真性情，而他反而更欣賞Edan的義氣：「好多人欣賞你嘅風趣幽默真性情。但我更欣賞你嘅義氣。即使大家冇住hall，我生活上遇上煩惱，只要你知道的，你都會送上關懷，若我要求你幫忙，你更係義不容辭馬上幫忙。世間上（至少係我身邊）要搵到有義氣不忘本，會顧及別人感受嘅人，實在少之有少，你絕對是其中之一，從未令我失望。不論你有冇今日嘅成就，係我心目中你都是個很棒的朋友。」

蔡仔直言現在大家已長大，見面時感覺都變得不一樣，思考及顧慮都比以前多：「不是說大家過得不好，只是被歲月洗禮，缺少了一點天真無邪，心智成長了。（應該有啦唔好質問）我仍然好懷念我哋同其他hallmate，無憂無慮敢喺麻雀枱度癈up（廢噏）嘴炮咒人出銃。我期望呢個畫面係我地四五十歲時再出現！宜（𠵱）家大家一齊努力追逐自己嘅夢想啦！」而對於蔡仔的深情發文，「E位朋友」留言表示：「哇，一起身見到嚇咗嚇，貢sweet㗎咩」！

蔡仔大讚Edan夠義氣不忘本。

有網民搞笑留言叫兩人結婚。