日出康城有街坊心痛鄰居經常喝罵3歲女兒,於是在走廊張貼告示勸止,疑當事人看到後親筆反擊「何必偷偷摸摸!」
![有住戶心痛鄰居經常喝罵女兒,於是張貼告示勸止。(FB圖片)](https://image.bastillepost.com/525x/wp-content/uploads/hongkong/2024/01/20240119_CR_source-web_notice.jpeg.webp)
有住戶心痛鄰居經常喝罵女兒,於是張貼告示勸止。(FB圖片)
有網民於Facebook群組「日出康城 Lohas Park @ 家在康城」發文,表示路過走廊時看見一告示,告示內容指責某鄰居因經常喝罵3歲女兒,而造成噪音滋擾「請立刻停止對您家中3歲小孩大聲地喝罵!您的喝罵聲,無論是白天、晚上或深夜,都對鄰居造成嚴重的滋擾!」
該住戶又表達對女童遭遇的痛心「更甚的是小孩的哭聲令人痛心!你每天的不停喝罵只會為她種下永世不能磨滅的童年陰影!嚴重地破壞她的身心健康!」
該住戶勸籲該鄰居停止對小孩的喝罵,並以愛與耐心教導作為更好的教育方式。而且更表示「如發現虐兒行為,本人定必報警處理!」
![示意圖片](https://image.bastillepost.com/749x/wp-content/uploads/hongkong/2023/07/20230717_PL_擾民_source-licensed_-8-.jpg.webp)
示意圖片
疑涉事鄰居看到告示後,以手寫字於告示上回應,他除了將自己的單位號碼劃去,更寫上「可直接找本人理論,何必偷偷摸摸!」,甚至著事主「立即報警!」
樓主無奈表示「佢咁寫回應即係佢睇到個告示,但似乎態度上都係覺得佢自己冇錯。呢啲情況作為街坊鄰居似乎都做唔到啲乜可以幫到個家長或者小朋友」。
![示意圖](https://image.bastillepost.com/724x/wp-content/uploads/hongkong/2023/07/20230717_PL_擾民_source-licensed_-7-.jpg.webp)
示意圖
帖文引熱議,不少網民批評鄰居的管教方式「精神病就唔好生小朋友啦」、「精神傷害都係虐待兒童」、「如果晚晚聽到哭駡聲,真系好心痛」、「為咗個小朋友,真係要出聲,虐兒可能係冇心,但不能容忍,起碼要等佢知道有問題,欣賞這位鄰居肯介入」、「如果真係嘅話先錄音再報警」、「如果我聽到有小童長期喊,我都會㩒佢鐘仔,睇下咩事」、「連自己情緒都處理唔到的人,點處理小朋友的情緒。 你睇下佢寫啲嘢,就知道最大問題不是小朋友」。
![(shutterstock圖片)](https://image.bastillepost.com/618x/wp-content/uploads/hongkong/2023/07/facebook_618x323_mfile_1707920_1_16_9_M_20230707183801.jpg.webp)
(shutterstock圖片)
有人則認為鄰居可能亦有難處「做媽媽既自然會明同理解點解成日鬧仔」、「其實可能個媽媽長期對住小朋友都有壓力」、「我反而覺得大家應該關心下位媽媽,而唔係咁樣貼紙同上網講」、「你有壓力,我有壓力。家長有需要都要求助」、「都慘既,家長神經好緊張咁好大壓力」。
帖文來源:Facebook群組「日出康城 Lohas Park @ 家在康城」