有網民分享外出時見到有女子戴上「全臉面罩」只露雙眼,更有人要再多戴副太陽眼鏡,不禁質疑「有幾唔見得光」,不過事後有網民澄清面罩真實用途!
港鐵女乘客戴面罩僅露雙眼
有港男在threads上傳短片,只見港鐵車廂內2名相信同行的女子,分別戴上全臉口罩,只露出眼睛部份,1人更手持防曬帽。樓主表示是首次見到有關情況,便好奇詢問,「塊面究竟有幾唔見得光,先要咁樣做?」。
網民指騎呢:打劫咁款
帖文馬上引來熱議,有網民指自己曾被戴全臉口罩的人士嚇到,「試過有人咁衝埋嚟,真係嚇親」、「好騎呢,講真真係影響視覺囉,夜晚見到都會驚」、「佢唔焗嗰下好嘢,我會熱死」、「打劫咁嘅款」。
已成潮流見怪不怪
當然,也有人留言表示見慣不怪,並上傳1張於主題樂園內所拍照片,指有旅客戴上同款全面口罩。另有男生發帖,指搭乘巴士期間,於車上看見有女乘客戴上全臉口罩,而且還戴上太陽眼鏡,深感疑惑詢問,「請問這個有什麼X用」。
女網民:做完醫美要避免紫外線
有女網民解釋,這類產品是「全臉防曬口罩」,在內地流行多時,更指其真實用途與醫美有關,「做完醫美要避免紫外線」、「我自己有做開laser(激光),做完係要嚴格防曬,頭一個星期唔可以搽防曬,只可以物理防曬搵嘢遮」。
有人批偷拍不要得
有人則批評偷拍行為不要得,「咪就係防你呢啲偷拍嘅X頭囉」、「雖然好weird(奇怪),但關你咩事?」、「佢阻唔到人就OK啦」、「佢哋唔怕熱咪得,理人咁多做咩?早幾年疫情個個戴口罩咪一X樣,做乜大驚小怪?」、「對人評頭品種係好無禮貌嘅行為」。