《不是你不愛你》由舞台劇鬥戲鬥到上大銀幕 袁富華傳授梁仲恆好戲心法

袁富華與梁仲恆並非首次碰頭，兩人曾合作舞台劇，彼此有一定默契！

1月28日正式上畫的浪漫愛情作品《不是你不愛你》，戲內除了錯綜複雜的感情線，兩位好戲之人Ben哥袁富華、阿炳梁仲恆，這對戲中父子冤家，不時在戲內大鬥演技，尤其兩人一場酒後內心戲，盡顯細膩父子情。

袁富華與梁仲恆在《不是你不愛你》飾演一對父子冤家。

當日拍攝兩父子到果欄攞貨，由於袁富華經營的生果檔生意不景，經常要向果欄批發商賒數，惜長貧難顧，批發商逐將爛生果批俾兩父子，Ben哥還是忍氣吞聲接受，相反，性格衝動的阿炳因此同批發商炒大鑊，動口兼動武，Ben哥見狀及時上前阻止。

Ben哥與阿炳並非首次碰頭，兩人曾合作舞台劇，彼此有一定默契，Ben哥說：「我好滿意呢個仔，唔知點解會生到佢咁高，同埋我哋一前一後進入同一個劇團工作，我算係佢前輩，見到佢工作有成續，會戥佢開心。」

提到戲中兩父子性格各走兩極，爸爸內斂、囝囝火爆，Ben哥說：「同呢個仔有啲南轅北轍，呢個爸爸好軟皮蛇，好似中咗化骨綿掌咁，令呢個仔好火。」要說服觀眾投入兩父子的關係，阿炳坦言要多謝Ben教導，他說：「休息嘅時候，Ben哥會教我點處理啲戲，佢用咗好多時間去摸索，佢唔想我行冤枉路，可以行快啲。」

Ben哥憑電影《翠絲》榮獲金馬獎和金像獎「最佳男配角」，亦曾在「香港舞台劇獎」憑舞台劇《專業社團》獲得「最佳男配角（喜/鬧）」，無論是電影界、抑或舞台劇界，都是前輩級好戲骨。

袁富華經營的生果檔生意不景，經常要向果欄批發商賒數，批發商逐將爛生果批俾兩父子。

袁富華忍氣吞聲接受，性格衝動的梁仲恆因此同批發商炒大鑊，動口兼動武。

袁富華見狀及時上前阻止。

「其實只係將自己經驗分享，因為舞台劇同電影世界會有唔同，需要時間去適應，我似老賣老咁同佢講，哈哈！我哋雖然唔係成日合作，但以前排過舞台劇，個感情好唔同。」Ben哥說。

兩人曾合作舞台劇，彼此有一定默契！

袁富華還傳授梁仲恆好戲心法！

袁富華表示第一次見到主人同狗狗一齊睇戲都感動到眼濕濕！

溫暖小品電影《得寵先生》徇眾要求，上周末分別在黃竹坑和將軍澳的戲院，加開兩場「人寵場」，門票火速售罄。男主角鄭丹瑞（旦哥）、飾演燒臘店「石師傅」的袁富華（Ben哥）、飾演朗朗惡媽咪的黃美芬、飾演佳叔外籍女婿陳俊利和導演兼編劇李志偉現身謝票。旦哥宣布好消息，電影上映踏入第三周票房突破300萬港元，本周增至33間戲院，每日約60場次上映，是很大的認同和鼓舞，他們表示很開心和感謝支持。

陳俊利、導演兼編劇李志偉、鄭丹瑞、袁富華及黃美芬現身謝票。

電影完場後團隊謝票，觀眾報以掌聲，亦有狗吠聲回應，部份觀眾情緒未平伏還在哭泣。Ben哥眼濕濕好感動，「見到你哋我好感動，第一次見到主人同狗狗一齊睇戲，我自己都好鍾意狗。」他又扮狗狗說話時嗚嚕嗚嚕聲，表示多謝狗狗捧場。有觀眾讚旦哥演出脫胎換骨，「我細細個就睇你做戲，今次好唔同，完全相信你就係呢個孤獨老人。」亦有觀眾表示自己都是被寵物拯救心靈，很有共鳴。不少觀眾大讚狗演員Little演「燒腩」好精彩，被牠的眼神打動。

Ben哥第一次見到主人同狗狗一齊睇戲都感動到眼濕濕。

Ben哥說：「我從來未去過『人寵場』，今日第一次。剛才入到戲院，見到啲狗狗，我幾乎標眼淚。我之前有其他工作無嚟，其實一直都好想跟《得寵先生》謝票，咁好嘅電影應該要回饋畀觀眾。」得知票房有好成績和增加上映場次，他表示開心，「雖然我喺出面做緊其他工作，但一直掛住，有留意套戲嘅消息，事關我經理人（黃美芬）都有份拍呢部戲仲成日去謝票。我哋呢行有句話：『每部電影都有條命』，睇住（票房）一路上一路上，我個心好感動。因為有好演員、導演、故事，一定會係好命！」

Ben哥因為有其他工作，所以今次是第一次參與謝票，但他一直都有留意着《得寵先生》的消息。

旦哥非常認同，「呢個亦係我毛管戙嘅原因。當我哋好努力去拍一部戲，好努力令更多人睇，到底有幾多人睇？要靠觀眾入場和傳口碑，我哋每次謝票都收到觀眾好好嘅回嚮。」Ben哥說：「好多影評稱讚，亦有好多人網上分享一啲連我哋都唔發現到嘅觀點。」他又透露其「石師傅」角色有隱藏寓意，他說：「雖然我得一場戲，對白亦唔多，兩位導演都無話我知，但我認為『石師傅』其實係另一個『佳叔』，佢都係因為被『燒腩』改變，否則會變成一個神憎鬼厭嘅孤獨老人。」他堅持不劇透，希望由觀眾親身感受。

Ben哥又大爆「石師傅」角色有隱藏寓意。

與觀眾和狗狗們大合照。