中佬25年後重遊長沙灣，再遇當年茶餐廳女神，對方早已結婚生子成師奶，瞬間憶起當年𥄫女往事。
25年前，樓主為見靚靚太子女，經常光顧同一茶記。（FB圖片）
該中佬於Facebook群組 「香港茶餐廳及美食關注組」發文，表示25年前，曾被調遣到長沙灣工作，在那裡度過了兩年。當時他經常在新華閣仔用餐，但同事閒談間提及金園茶餐廳的太子女「超級靚」，於是樓主立即「轉會」。
太子女在茶餐廳裏做收銀，樓主和同事們總是坐得靠近她，有一次他們甚至六人逼在四人座。不過可惜大家當年都不夠膽「連同人哋講句說話都冇膽」，最終只有一位同事勇敢追求「竟然仲要俾佢追到，我哋個個除咗只剩下咬牙切齒嘅失望，已經絕無其他」。
25年後，樓主重遊舊地，當年的女神已經變成師奶。（FB圖片）
25年過去，樓主重遊舊地，再次來到金園茶餐廳，遇到當年的太子女「畢竟已經過咗25年，佢經由一個收銀妹妹仔變成一個中年師奶，收銀嘅位置仲有佢放嘅家庭相，睇佢已經做咗媽媽，但見相中身邊嗰個男人唔係我嘅舊同事」。太子女的語氣和聲音都沒有變，但她舉手投足已不是清澀少女「變咗呢間茶餐廳嘅揸fit人」。
樓主指那裏的早餐依然美味，更特別點了以前喜歡的蛋撻，奶茶水準依然如故。很多事情都沒有改變「只不過人就年紀大咗，自己都變咗個大叔」，時光匆匆，不禁讓他感慨萬分「睇吓幾時又再嚟緬懷一下⋯」
早餐依然味美，蛋撻奶茶水準如故，樓主慨嘆「好多嘢都冇變，只不過人就年紀大咗，自己都變咗個大叔」。（FB圖片）
帖文引熱議，有網民表示「當年肯去馬，可能依家坐喺閣樓捽緊腳趾」、「師兄令茶餐廳飲奶茶都變得咁浪漫，真係邊度都有陽光，唔好比阿嫂知道呀！」、「琴日我去食就係靚靚太子女收錢，應該有50歲好優雅，相信佢後生一定更靚女」、「懷念啊我們的青春啊～確實係好珍貴嘅回憶」、「哈！以前太子女真係吸引到一大班後生仔日日去食飯架」、「太子女個老公多得你唔少」。
(示意圖）
帖文來源：Facebook群組 「香港茶餐廳及美食關注組」
