張敬軒慶生一口氣吹43支生日蠟燭 好友黃偉文po合照送祝福：幫得幾多得幾多

軒仔感謝送上祝福的各位，並自曝近日忙到得兩三個鐘頭瞓

歌手張敬軒2月1日迎來43歲生日，他在社交平台分享多個生日蛋糕以及收花收禮物的相片，他站在大堆名牌禮物中間吹蠟燭，畫面相當「壯觀」！軒仔留言︰「一口氣吹43支生日蠟燭，原來都幾辛苦，因為啲蠟燭基本吹唔熄。充滿愛嘅一個生日，多謝呢幾日送上祝福嘅各位至愛親朋、家人仲有各位愛錫我嘅朋友。 雖然呢兩日忙到得兩三個鐘頭瞓，可以話係最忙嘅一個生日，不過相信所有成果都會值得！ 多謝我身邊所有一齊戰鬥嘅戰友同家人， 大家2024都一定會好好㗎！個蛋糕聽講係想做部勞斯萊斯，點解變咗部MINI Cooper，多謝 Monique，Jo姐嘅心意。」

張敬軒奪得「2023年叱咤樂壇我最喜愛的男歌手」

最近都相當忙碌

po出慶生影片

一口氣吹43根蠟燭

收蛋糕

收花

打卡相

而好友黃偉文（Wyman）亦都po出多年前與軒仔的合照，並送上祝福：「2014年，『青春常駐』面世嗰年，依家睇番，究竟係『常駐』定『告別式』？（唔係tasting menu，唔使一個係咁就全枱都係咁，所以，你哋揀嗰陣，可以一個揀『常駐』一個揀『告別式』㗎！哈哈哈！）張生，生日快樂，你私底下同我講嘅各種『夢想』，希望全部成真，若果唔介意在下只得綿力，我幫得幾多得幾多。」

黃偉文（Wyman）亦都po出多年前與軒仔的合照

著名堪輿學家李居明向《巴士的報》進行運程預測，他指2025年踏入蛇年，透過生肖分析，屬狗與屬猴人士在蛇年中運勢最旺。

李居明大師稱屬狗與屬猴人士，在蛇年當中運勢最旺。（本網記者攝）

李居明預告2025年即將踏入蛇年，而與之相沖的正是屬豬，李居明表示：「豬係咩呢？係『亥』，指我哋隻腳，所以2025年我哋每個人隻腳都會受沖，即係話如果你係經常運動呢，你要小心仆親，亦即係話好多人都會坐輪椅，或者佢本身隻腳有腳痛。」

同時，他又指：「蛇代表著四大驛馬，係代表我哋每個人都會轉工、搬屋同去旅遊。講到蛇年裡面，呢個字係可以打開一個叫『丑』嘅金庫，係代表會打開呢個庫，就係冇咁悶局，以前我哋行咗入去個墳墓，而家我哋喺個墳墓行返出嚟，呢個就係香港嘅運，所以香港明年係由個墳墓度返出嚟，咁咪幾好呢！」

（本網記者攝）

屬猴藝人：張敬軒

屬狗藝人：姚焯菲（Chantel）

李居明表示：「2025年係屬狗同屬猴排第一同排第二之外，咁多生肖裡面，其他一啲唔好嘅生肖，我哋比較低調啲講，先唔好影響咗你嘅潛意識。大家要明白喺2025年由於網絡流行，網絡世界裏面浮現好多預言，但係你永遠記住一樣嘢，就係預言始終一講咗出嚟，通常就唔係好靈驗，因為大家都記得嗰樣嘢，嗰樣嘢變成咗另外一個層次嘅一種念力，係會令到嗰樣嘢反而唔靈，所以我話俾大家聽，唔好恐懼，恐懼先至係喺2025年最大嘅瘟疫！」

他強調：「不驚不懼係2025年我哋要面對，儘管2025年可能有七星逆轉，有不幸嘅事發生，我話俾你聽殺到嚟你先食！」

要小心腳傷。

李居明最後再補充面對恐懼時，千萬不要驚慌:「唔好事前驚餐懵，如果你要逃避亦逃避唔到嘅，既然係咁，不如就喺香港呢個少少嘅地方，呢個少少嘅安樂裡應外面好好活着。你走出世界任何一個地方，戰爭、地震同海嘯，分分鐘本來你無事，你都走咗一個好危險嘅地方，咁咪仲衰，所以人呢唔好咁驚，最緊要記住一樣嘢殺到先食，千祈唔好自己呃自己，香港人而家最大嘅毛病，就係『神經衰弱症』！」

增加了轉工、搬屋同旅遊的機會。