立法會民政及文化體育事務委員會副主席陳穎欣表示，美斯缺陣比賽一事引起球迷負面情緒，對旅遊業帶來影響，認為必須檢視事件，更好地把盛事項目「落到地」。
美斯缺陣比賽。 AP資料圖片
陳穎欣在社交媒體專頁上表示，雖然她本人沒有入場睇球賽，亦沒有追星，但對事件都感到非常憤怒，因為政府透過大型體育事務委員會批出資助，如今主辦方沒有滿足合約要求，故此不批出贊助或主辦方主動撤回申領贊助都是絕對合情合理：「唔好話美斯有無落場，Tatler Asia都唔會蝕錢，根本有數得計，據報單是門票收益都過億元，所以這1600萬元根本唔應該俾！」
球迷對美斯缺陣非常不滿。 AP資料圖片
陳穎欣認為，特區政府在政策和宣傳上已經拆牆鬆綁，有足夠的支援，亦早已訂明美斯必須有指定的落場時間，而據政府解釋獲悉美斯帶傷後，已向主辦方多番進行溝通，希望美斯出席頒獎儀式等，唯最終美斯都沒有落場及出席頒獎，令人極度失望，「美斯過去都係出名球品好，運動員受傷無可厚非，但並非落場才知道，C朗拿度領軍的沙特阿拉伯球隊艾納斯，早前亦發生類似事件，但處理手法就完全不同。沙特原定對賽上海申花及浙江隊，但賽前公布C朗因傷未能上陣，當時主辦方開誠布公，把賽事延期，並承諾全額退票，而C朗則公開表達對無法比賽感到難過，對中國球迷說對不起。」
陳穎欣指美斯沒有落場及出席頒獎，令人極度失望。 陳穎欣FB
陳穎欣指出，原本舉辦這類大型體育盛事是共贏方案，現在只看到主辦方贏，更賠上了「盛事之都」的信譽。她強調，政府積極推動發展盛事之都的方向是正確的，不應因今次事件有所阻礙，但當局的把控能力必須加大力度，而補救措施應認真、嚴厲展開調查，並向大型體育活動事務委員會提交報告，甚至不排除追究主辦方，這樣才能挽回遊客和香港市民的信心。
樂基兒：「佢係我經理人，因為太耐冇喺香港工作，大家唔記得我身邊同事啲樣。」
馮允謙、雲浩影、樂基兒、陳穎欣、衛詩日前出席護膚品LA MER聖誕活動，Jay Fung、Cloud及Jill更為活動獻唱，將節日氣氛推至高峰！
樂基兒出否認有新戀情。
樂基兒配合愛兒假期返港渡假，與家人歡度聖誕！
久未香港露面嘅樂基兒表示，配合愛兒假期返港渡假，與家人歡度聖誕：「仔仔嘅禮物已經準備好，因為佢有佢嘅wish list，我就最想平安、健康，呢個係最好嘅聖誕禮物。」早前有報導指與「肌肉男」同行，更指對方為基兒「新歡」：「佢係我經理人，因為太耐冇喺香港工作，大家唔記得我身邊同事啲樣。（想有另一半？）依家小朋友仲細個，同埋做野都好忙，焦點未到呢個階段。」
樂基兒一提到愛兒笑得甜思思，仲話媽媽早前越洋探孫睇表演：「佢好耐冇嚟探我哋，所以真係好開心！（仔仔有表演天份？比佢入行？）有冇表演天份就未知，因為佢仲細個，仲未識怕醜，但入唔入行就由佢自由發揮，我只想佢做個好人就得啦。」
Jay Fung想收護膚品做聖誕禮物。
Cloud專注工作無時間諗「戀情」。
馮允謙、雲浩影呢日孖住出席活動，二人賣口乖大讚產品好用，Jay Fung仲話想收護膚品做聖誕禮物：「舊時我會借咗媽咪啲護膚品用，但依家佢知我去活動，佢會問我有冇贈品，不過如果冇都會買比佢。今日我剛剛出咗唱片，真係好開心！嚟活動之前我都去咗唱片鋪，自己買咗幾隻，嚟到見到啲Fans已經買咗，真係多謝大家支持！」提到今年頒獎禮有機會「大滿貫」，他笑言獎項「唔好諗太多」，但對自己作品滿意。
Jay Fung提到今年頒獎禮有機會「大滿貫」，他笑言獎項「唔好諗太多」，但對自己作品滿意！
而Cloud就話依家專注工作，無時間諗「戀情」：「今年冇『佳人有約』，就係約咗啲同事開Party，其實最想同工作約會！（有冇人寫深情聖誕卡比你？）我諗我啲Fans會寫比我。」
陳穎欣
同場嘅陳穎欣早前與家人去澳洲旅行，笑言「見動物多過見人」，出席活動感緊張：「可以同屋企人一齊真係好舒服，以前因為工作錯失好多時光。今次旅行食多咗，所以肥咗啲啲，但一返香港就『腸胃炎』病足幾日，即時瘦翻晒！」提到早前Kayan9896 離開「試當真」，Yanny為對方發展送祝福：「每個人發展，去到不同時刻都有唔同方向，我都很替她開心，見到佢做音樂都做得好好，希望她搵到自己喜愛嘅事發展。（到你做一姐？） 我地呢啲網台都有呢啲野咩？我地係男權至上嘅台，我時刻都為女仔爭取一啲位置。」Yanny生日在即，佢就話每年都唔「大搞」Party，仲話想食雞煲慶祝。
衛詩為活動獻唱聖誕歌曲，她表示現自組公司發展，或與家姐再合作：「同家姐都有傾過，依家物色工作人員，好快會再有新歌。我同家姐由細到大都會share所有野，包括衫、褲、鞋、襪都會！（佢啲衫你啱著？）哈哈！我係好鍾意佢啲衫㗎。」
衛詩
