新城廣播製作《怪你過份美麗 紀念鄭啟泰》紀念特輯 收錄未婚妻及親朋好友心底話

未婚妻王雁芝希望大家記得鄭啟泰的好，繼續延續他的正能量，「I Love you 鄭啟泰！I Love you 老公！」

任職電台DJ超過25年的鄭啟泰於2月3日猝逝，終年56歲，死訊令家人與朋友難以接受，新城廣播為紀念鄭啟泰特別製作《怪你過份美麗 紀念鄭啟泰》紀念特輯，收錄了未婚妻王雁芝（Angie）及其他親朋好友的心底話。

鄭啟泰於2月3日猝逝，終年56歲。

新城廣播為紀念鄭啟泰特別製作《怪你過份美麗 紀念鄭啟泰》紀念特輯。

紀念特輯收錄了鄭啟泰未婚妻王雁芝（Angie）及其他親朋好友的心底話。

王雁芝表示：「認識鄭啟泰的人都知道好鍾意整蠱人，今次真係大整蠱，先求婚，之後自己走咗去唔理我，好多朋友都話點解妳可以咁堅強架，想哭就哭啦，我話其實我已經哭完啦，哭完就要笑番。記得每一次我哭，佢都會話：哎吔，全世界最醜樣係妳呀，快啲笑番啦，嚇C人咩。接受他訪問時而認識，開始時冇乜好感，唔鍾意佢啦，又唔打招呼啦，識落之後拍拖，佢好特別好識享受人生，佢會開著音樂跳舞掃地，又會帶我去銅鑼灣油站對面開張枱野餐，亦會自製Menu在我擦牙時貼在窗寫：『Chef Eric’s menu of tonight With unlimited kisses and hearts !（廚師Eric是日精選 無限個錫錫同心心！）』係咪好浪漫呢！」

影片截圖

王雁芝又指鄭啟泰曾說過不會結婚，「竟然可以令到呢隻冇腳的雀仔向我求婚，我仲記得當晚佢同我講過：『老婆，以後記得改口叫老公啦！』係咪估你唔到呢！識咗佢呢兩年，係我人生中最幸福、最浪漫的，我好慶幸識到佢，可以陪佢行到最後一秒，雖然佢已經唔喺度，我會延續佢的快樂，成為Eric 2.0繼續開心咁行落去，人生係長跑，但我呢位長距離Roller選手竟然入咗去短跑跑道，可能我地爆發力太強，我地愛得太轟然，相信不在乎天長地久，只在乎長期心裡擁有，希望大家記得鄭啟泰的好，繼續延續佢的正能量。I Love you 鄭啟泰！I Love you 老公！」

影片截圖

影片截圖

影片截圖

而薛家燕則表示：「當我接到鄭啟泰離去消息，我心裡面真係好難過，當晚轍夜難眠，點解咁呢？因為大家做同事已經超過十幾二十年，鄭啟泰俾我地感覺真係好和藹可親，好幽默，而且好多嘢我地可以向佢學習，因為佢真係一個好成功，好資深DJ，我記得去年，佢話會出一本書，叫做《如何七日成為演說高手」》，啟泰就話：『家燕姐呀，幫我寫叙呀！」咁我就話：「嘩吓！我點識寫呀！我真係好多嘢要向你學習！』佢就話：『唔係呀，家燕姐，妳有好多方面唔同做法呀嘛！妳幫我寫個叙，支持我啦！』」我真係幫佢寫咗個叙，佢仲送番本書俾我，我攞本書時，佢當然話多謝我，我反而話：『我多謝你呀！』呢本書對我嚟講係好好學習機會，我會好珍惜，慢慢睇。」

影片截圖

家燕又指鄭啟泰除了和藹可親、有幽默感外，還好樂於助人，「當我地一、兩年前，我地要做網上直播，乜都唔識，好多時要請教他點樣做，用咩儀器，佢一一不厭其長教我地，佢仲連埋儀器借埋俾我地用，所以佢係一個好難得、好難得的好DJ，同埋好同事。記得有一日，因為佢離開咗新城電台（廣播）成半年，佢突然Whatsapp我同我講：『家燕姐，我可能返嚟同妳做同事呀！』我即刻（開心）問係咪真架？我係好開心，所以在1月30日，我地一齊拍賀年節目，大家係擁抱，而佢仲話要鍚番我一啖，其他同事在講笑：『嘩吓，咁我哋咁開心呀！』我就話：『係呀，真係好開心』，見番鄭啟泰，佢返嚟我地啲氣氛都開心好多，嗰日我地仲大家一齊互相恭賀，（歎氣）唉，估唔到突然間收到去世消息，真係好難過、好難過（傷心）！唯一係感覺安慰，佢唔洗受長期病痛之苦就離去，不過，我真係要同啟泰講一聲：我地真係每一個同事都好懷念您！好難忘記您帶俾我地歡樂！啟泰，希望您一路好走！主懷安息！我地永遠懷念您！」

影片截圖

影片截圖

影片截圖

Yumi自8歲起就在家燕媽媽藝術中心上堂！

濱事務委員會及發展局主辦的「中華人民共和國成立75周年 曁 海濱發展20周年慶祝典禮」，今天(30日) 於北角東岸公園主題區隆重舉行。人氣急升、青春可人歌手鍾柔美Yumi，與一群可愛小朋友扮演成的「小小熊貓」載歌載舞，與市民大玩問答遊戲，她更與恩師、殿堂級藝人家燕姐一起跟75位小朋友合唱《皆大歡喜》，以慶祝中華人民共和國成立75周年和海濱發展20周年。

薛家燕與鍾柔美（Yumi）為「海濱發展20周年慶祝典禮」演出。

師生檔獻唱《皆大歡喜》。

活動吸引了超過300名公眾和街坊前來觀賞，並邀請了參與海濱建設的政商民伙伴出席典禮慶賀。大會特別邀請到即將邁向75歲的家燕姐，為典禮壓軸表演「國慶75‧皆大歡喜」，家燕姐即席獻唱《大中國》，並帶領由8歲起在家燕媽媽藝術中心上堂的歌手鍾柔美Yumi，與75位小朋友一同唱出家燕姐首本名曲《皆大歡喜》，將現場氣氛推至高峰。

家燕姐迎來75歲。

Yumi亦跳唱其新歌《Masterpiece》，又與現場觀眾大玩有關本港海濱發展的有獎問答遊戲，氣氛熱鬧。大會亦安排樂手，以中樂演奏耳熟能詳的廣東流行曲，如《上海灘》、《喜氣洋洋》、《獅子山下》等，帶領觀眾在樂韻下欣賞不同海濱的特色，共同慶祝中華人民共和國成立75周年和海濱發展20周年。

Yumi跳唱新歌《Masterpiece》。