行仔情人節自製浪漫食三人炸雞餐 葉念琛面授追女秘技出Pool

Jojo明言男友無需靚仔 「錢」「口才」「自信」有兩樣即可

堪輿學家麥玲玲帶領黃紫恩（Jojo）、蔡景行（行仔）主持的清談節目《玲玲友情報》，逢周三晚10點J2（82台）播映。14日一集主題為「情人節唔係咁樣過」，嘉賓是導演葉念琛。14日情人節撞正年初五，玲玲師傅接受訪問時提到，每逢大節會比閒日還要忙。情人節當日是一班人吃晚飯度過，她笑說︰「新年嗰幾日都喺澳門做嘢，情人節嗰日專登返香港，主要係同內地歌手張哲瀚一班朋友聚聚，老公都有一齊。星期五佢喺Expo會有演唱會。」玲玲師傅笑言拍拖時期，都有收過老公的花，現在已是「老夫老妻」已不興這一套，她笑說︰「情人節晚飯不嬲都係我張羅，你知老公係IT人咪搞啲程式，你一撳手機就彈啲花花心心出嚟。」講到既浪漫又搞笑一次，是多年前老公錄了一餅卡式帶到沙灘聽，玲玲師傅笑說︰「啲歌聽落好怪，我仲問佢你買翻版呀，原來係老公自己唱。」玲玲師傅自言當場交足戲給老公，表示非常欣賞。

前晚（14日）一集主題是「情人節唔係咁樣過」。

（左起）Jojo、玲玲師傅及行仔。

而前晚《玲玲友情報》嘉賓是導演葉念琛，擅長拍攝愛情陰暗面及互相背叛的電影，道盡男女間的爾虞我詐。他一再提到靚仔溝女未必有著數︰「靚仔唔一定桃花旺，反而佢哋太孤芳自賞。」節目中他受不了行仔盲頭烏蠅的追女仔方式，面授行仔追女秘技︰「你唔好成日問人食咗飯喇，係打唔開話題。你直接send『我愛你』，跟住話『send錯，不過都係真嘅』。嚇一嚇佢，睇下乜嘢反應，或者佢都等緊你呢。」行仔事後接受訪問時表示未有使用對象，他講笑話︰「或者send『我愛你』畀導演，睇下下次有冇演出機會。」他提到情人節一般都是跟家人一起過，當日各人都外出，他說︰「所以情人節為咗有啲活動，專登出門口一個人食咗個三人炸雞餐，其實都幾正㗎。」

前晚嘉實是導演葉念琛。

導演葉念琛的電影揭露愛情陰暗面。

行仔於節目中獲葉念琛面授追女仔秘技。

此外，Jojo非常認同葉念琛「靚仔唔係大晒」的理論，並列舉三項條件，只要具備當中兩項，追女仔便可以無往而不利︰「其實溝女三樣嘢錢、口才、自信，有兩樣就點都贏。最緊要你唔需要靚仔，你夠自信有口才，夠膽行埋去女仔度，夠狼死啲女仔都肯扤頭。」玲玲師傅跟葉念琛均同意女孩子欣賞幽默、搞笑的男朋友多過靚仔有錢。

Jojo會直接了當拒絕沒有興趣的男仕。

Jojo認為男仕具備錢、口才、自信當中兩樣，追女仔無往而不利。

玲玲師傅爆老公自製錄音帶示愛的往事。

新年期間玲玲師傅忙於澳門工作。（受訪者提供圖片）

玲玲師傅早前與日本女團Avantgardey 合作。

玲玲師傅好友內地歌手張哲瀚16日會在香港舉行演唱會。

開光犯禁會惹鬼攞命！

由人稱「村長」梁思浩夥拍黃紫恩（Jojo）、黃耀英（Darren）主持；以靈異為賣點的TVB Plus直播王牌節目《直播靈接觸》，上一輯播出時大獲好評，由原先19集添食至29集，欲罷不能。最後一集思浩已埋下伏線，不排除推出第二輯。事隔不到半年，新一季《直播靈接觸》已定於10月21日直播。

三位主持早前為新一季《直播靈接觸》拍的宣傳片造型。

Jojo跟一班工作人員到韓國及台灣取景。

新一季《直播靈接觸》將於下星期一（21日）晚直播，村長梁思浩接受訪問時表示第二季會為觀眾帶來更多新鮮感，他說︰「會有韓國外景，呢20幾年少攝製隊到當地拍攝，另外仲會去台灣。堅持用原班人馬，我好信邪，因為上一集咁好成績。」據知頭幾集嘉賓已份量十足，包括陳雅倫及錢小豪。

師傅為Jojo畫上「八家將」面譜。

Jojo跟「八家將」各成員合照。

「八家將」面譜開工後嚴禁說話。

薩滿女巫每次進行儀式都要付出極大體力。

黃紫恩（Jojo）被派擔任外景主持，先後到訪韓國、台灣，最深刻體會是在台灣當「八家將」；台灣民間信仰的陣頭之一，專責捉鬼驅邪。Jojo表示先由師傅畫上「八家將」面譜，Jojo回憶說︰「師傅畫完臨開光之前，千叮萬囑開光後絕對唔可以講說話。因為一講啲鬼魂就知道我哋只係假扮，唔係真神，就會搞我哋。輕則受傷仲可以有更嚴重後果。」

另一位薩滿女巫只有11歲。

Jojo目睹師傅進行「斬桃花」儀式。

Jojo走訪台灣跨性別網紅小A辣。

Jojo起先本住為工作一試無妨，想不到當面譜開光後，奇怪的事發生，真係信不信由你。首先她感覺兩邊有大力道在推自己，卻發現身邊空無一人，Jojo驚訝表示︰「嗰時真係有啲慌，隨住儀式一路進行，本來我身上孭住十幾公斤嘅『刑具』，突然都變到無重量，肩膊亦唔痛，身體變得好輕。」Jojo笑言在電視見到台灣廟會「神明」手舞足蹈，以為他們「扮嘢」，卻是真有其事，她說︰「開光之後身體開始不受控制、不斷搖晃手腳亂動，但我意識仲係好清醒，要用好大意志力先平定到。」此行她還見過乩童被附身問卜的情況。

韓國有殯儀大學可修讀殯葬課程。

韓國有殯儀大學可修讀殯葬課程。

Jojo體驗做「死人」接受殮葬儀式。

講到印象最深，Jojo話要數到赴韓國深山尋訪薩滿女巫。早前在港上映賣座韓國恐怖片《破墓》中金高銀飾演的角色，正是薩滿女巫師。韓國人相信她們擁有強大靈力，可以助人占卜及用儀式為人趨吉避凶。Jojo今趟親睹女巫絕密祈福儀式︰「聽講話係嗰家人嘅祖先變咗餓鬼，咁樣會令後人運道唔好，所以想透過儀式等祖先唔使再『捱餓』。」薩滿女巫地位崇高，但能力越大責任越大，不單付出沉重體力進行儀式，還要放棄愛情及私人生活。到底是什麼驅使他們每代承傳下去，留意節目播出會有答案。

訪問對象太似Jojo過世嫲嫲，令她泣不成聲。

訪問對象太似Jojo過世嫲嫲，令她泣不成聲。