演唱會孖《龍咁威》女神鄧麗欣合體 鄭中基與囡囡Emma父女檔温情合唱

鄭中基與鄧麗欣合唱《製造浪漫》，為fans帶來滿滿的回憶感；與囡囡Emma則合唱《My only one》，在温情滿滿的氣氛下結束第三場演出。

睽違3年，鄭中基（Ronald）再度在香港開騷，昨日（2月16日）於紅館舉行了《Fragments of Wonder 鄭中基世界巡迴演唱會2024-香港站》第三場，當日更係初七「人日」，現場fans向Ronald索取生日禮物「大佬抹過汗的大佬好嘢毛巾一條」，寵粉的Ronald隨即答應fans的願望，全場出現瘋搶浪潮，不斷高呼吶喊，最後Ronald隨機抛出「禮物」。

《Fragments of Wonder 鄭中基世界巡迴演唱會2024-香港站》來到第三場。

初七「人日」，鄭中基送出「大佬抹過汗的大佬好嘢毛巾一條」。

全場出現瘋搶浪潮！

隨住《有種》和《猛龍特警隊》音樂聲響起，鄧麗欣（Stephy）身穿單肩紅色連身裙化身「憫情」，被「龍威」呼喚出場，一同向fans拜年「逗利是」，二人為大家送上《製造浪漫》，簡直是回憶感滿滿！在紅館的台上，Stephy向Ronald派利是，原來是入了《飯戲攻心2》的電影換票證，直言叫Ronald一家四口入場觀看。

鄧麗欣身「憫情」被「龍威」呼喚出場。

二人齊齊向fans拜年「逗利是」。

二人齊齊向fans拜年「逗利是」。

鄧麗欣向鄭中基派「利是」。

臨近演唱會尾聲， 除了萬人大合唱《無懶》，今晚還有囡囡Emma首度壓軸登場，她先與fans拜年再祝大家「生日快樂！」，作為爸爸隨即向Emma表示：「good job!」以示鼓勵！然後父女二人一同合唱《My only one》，在温情滿滿的氣氛下第三場演出完滿結束。

囡囡Emma首度壓軸登場，與鄭中基合唱《My only one》。

Stephy約定大家紅館見！

鄧麗欣（Stephy）今日（10月15日）快樂生辰，前日Fans Club特別為她籌辦生日會，與逾百fans切蛋糕、唱生日歌、玩遊戲、分享追星點滴，非常熱鬧。Stephy更率先宣布明年三月紅館舉行首次個人演唱會作為「回禮」，她與fans齊齊感動落淚。

Stephy獲Fans Club特別為她籌辦生日會。

Stephy台上說：「我有一份禮物送俾大家，但呢份禮物今日攞唔到住，幾時攞呢？我約定你哋，明年三月⋯⋯」此時她眼泛淚光，有fans似乎猜到報以歡呼聲，她掩嘴點頭示意猜對了，全場掌聲。冷靜幾秒後，她續說：「明年三月紅館見！」台下fans立即興奮歡呼，有不少感動抹眼淚。Stephy說：「我嘅生日願望真係好簡單，希望大家以最開心、最健康嘅身體嚟睇我嘅演唱會，嗌大聲啲！」全場尖叫。

Stephy宣布將於明年三月紅館舉行首次個人演唱會。

與fans齊灑淚。

Stephy指她的生日願望好簡單，希望大家以最開心、最健康的身體去看她演唱會。

之後Stephy接受訪問笑言以為會忍得住眼淚，結果還是失守，「其實咁多年無論任何嘅歌迷聚會我都會喊，今年以為自己勁咗，點知都係忍唔住。我覺得好感動，尤其是望住咁多位好熟悉嘅面孔，支持咗我咁多年，我覺得呢一個回饋對於佢哋、對於我自己都係好重要。希望大家得到呢份禮物覺得開心，希望所有fans都買到飛入場，真係好開心，約定大家紅館見。」台下有fans跟住喊，Stephy說：「佢哋可能都諗『終於等到呢一日啦』，見到佢哋開心和感動，對我嚟講真係好重要，令我更加努力去做好呢個演唱會，唔好令佢哋失望。」

Stephy希望所有fans都買到飛入場。

Stephy 19歲出道，不少fans都支持她接近十幾年，其實她在生日會fans分享環節，聽到他們的追星故事和見到他們的珍藏品已經好感動，不時見她眼紅紅強忍眼淚。她說：「佢哋好多人都支持咗我十幾年，而我好細個入行，佔咗我人生超過一半時間，全部都同大家一齊渡過。呢啲經歷得來不易，好值得珍惜。」有fans表示因Stephy而找到自己的人生目標、事業、愛情，甚至改善與家人關係。

Stephy感謝fan接近十幾年的支持。

Stephy 表示：「相隔咗幾年冇辦生日會，再慶祝好開心，今日好多人嚟咗，有跟咗我好多年嘅歌迷，亦都有新臉孔，非常多謝大家參與。個蛋糕好靚，好有心思。咁多年來收咗好多fans嘅禮物，我送返俾佢哋嘅禮物，除咗係我嘅努力和進步，都諗唔到送乜嘢更加好，所以就趁一個咁好嘅時機同大家宣佈，我相信對佢哋嚟講係最好嘅禮物，就係我明年紅館演唱會。」

Fans為Stephy特別訂製的生日蛋糕。

上面有Stephy的照片。

Stephy都好鍾意。

Stephy收到很多fans手造的生日禮物，特別開心，「禮物不在乎價錢，最緊要係佢哋嘅心意，所以好多年之前佢哋已經開始會親手整禮物俾我。今年Fans Club忡特別整咗一部扭卡機，所有扭卡得到嘅錢都捐去慈善機構。呢份禮物對我嚟講係最好，見大家排晒長龍，多謝大家落力參與。」Stephy更放入幾十張親筆簽名隱藏版給fans驚喜。

Stephy放入幾十張親筆簽名隱藏版給fans驚喜。

大合照

大合照