有車cam拍到有私家車司機在路邊亂掉垃圾，三名途人目睹經過立即上前，原來是便衣警員，司機斷正被票控。
有車cam拍到有私家車司機在路邊亂掉垃圾。（FB影片截圖）
有網民於facebook群組「車cam L（香港群組）」上載兩條影片，事發地點為葵芳恆景商場附近，其中一條為車cam片，影片顯示一架私家車停泊在路邊，司機突然打開車門，偷雞將一袋垃圾隨意掉在馬路邊，之後若無其事返回車內。過程被三名途人目睹，他們立即上前，司機方知三人為便衣警察，司機當場斷正被票控。
過程被三名途人目睹，他們立即上前，司機方知三人為便衣警察，司機當場斷正被票控。（FB影片截圖）
另一條片則由後方司機以手機拍攝，拍片者繪聲繪色表示「呢個x樣xx，擺x袋垃圾係行人路，跟住畀呢三個x樣執法，真啞x嘈」。他又指「呢個阿叔落地，揼袋垃圾喺腳邊」，「呢三個本來喺馬路，行出去搵佢，抄X佢，攞證件」，更疑問「我又唔x明，點解要刻意掉垃圾呢？搲X晒頭」。
片段曝光後，不少網民批評司機的行為缺乏公德心，理應受罰「我極討厭呢種亂扔垃圾嘅人，佢肯定唔係第一次咁做係慣性！近年勁少便衣巡邏，咁都俾便衣特遣隊見到，佢都抵死了！」、「咁無公德嘅人，抵罰」、「佢又真係抵死嘅」、「睇見呢啲xx畀人捉 ，好開心」、「點睇都唔係第一次，上得山多終遇虎」。
經修訂的《定額罰款（公眾地方潔淨及阻礙）條例》（第570章），由2023年10月22日起生效，亂拋垃圾、隨地吐痰等7項表列罪行定額罰款調高一倍，由1,500元增至3,000元。
帖文來源：facebook群組「車cam L（香港群組）」
近日網上瘋傳一段影片，有九巴司機見中年女乘客濫用輪椅的安全帶綁行李，直言不把行李拿走就不開車，網民力撐司機做法正確。
車長要求挪開行李 女子拒絕
有網民在fb群組「香港突發事故報料」上載影片。從影片可見，有九巴乘客將自己的行李放到輪椅位上，更將安全帶扣上行李上。車長要求挪開行李，但女乘客不肯。
FB截圖
車長請車內其他乘客下車
影片開始時巴士已停至路邊，車長上前與車內一名男乘客溝通，稱有人違規需要停下處理，請其下車。
FB截圖
雙方發生口角 車長：正常態度
女子直言，「我依家行李扣帶都唔得，冇輪椅都唔得，你咩嘢態度？」。車長不甘示弱，態度強硬答：「正常態度，我話唔得就唔得」，女子再次追問「你乜態度先？」，車長仍舊答道「正常態度」，並指向車窗外圍觀的市民和下車的乘客說「全世界都望住你」。
FB截圖
女子辯解輪椅位並沒有輪椅
女子辯解，現時輪椅位並沒有輪椅。然而，車長表示「冇輪椅唔係你話事」，惟女子不願退讓，直言「我宜家企喺度」。司機亦強硬回擊「企喺度還企喺度，唔畀你扣就唔畀你扣，兩回事」，並指女子不用舉機拍攝，不把行李拿走就不開車。
之後女子將鏡頭掃過輪椅位，再次表示「宜家呢度係冇乘客嘅」，司機亦企硬「冇乘客咪冇乘客，唔係畀你咁用，明唔明？」。最後，女子表示會將影片上傳至Facebook，影片到此結束。
FB截圖
網民一面倒支持司機
片段被放上社交平台後，網民一面倒支持司機，表示車長就應該要求乘客守規矩，「車長好嘢」、「比你放係人情，唔比你放係道理」、「車長正確，呢到係擺輪椅既位，呢一刻無人用唔代表下一刻無人用」、「支持車長，車長答得好好，撐車長做法」、「好多市民乘坐交通工具時橫行無忌，對乘坐交通工具嘅知識好弱」、「正常態度，啲人真係以為拍片大晒！」。
