粉嶺一名婆婆以手推車推着紙皮闖入迴旋處,司機急煞扭軚避免車禍發生。有網民揭她是慣犯,常推紙皮亂過馬路。
![巴士從左方駛入迴旋處。(FB影片截圖)](https://image.bastillepost.com/1156x/wp-content/uploads/hongkong/2024/02/20240221_CR_source-web_old.jpeg.webp)
巴士從左方駛入迴旋處。(FB影片截圖)
有網民於Facebook 群組「車cam L(香港群組)」上載車cam片段,事發地點為粉嶺一迴旋處,影片顯示當時司機沿着迴旋處行駛,一架巴士從左方駛入,司機尾隨打算等巴士離開後轉出迴旋處。
然而,司機的視線一直被巴士擋住,當巴士駛離後,司機才驚見馬路前方有一名婆婆推着裝滿紙皮的手推車闖入迴旋處亂過馬路。幸好司機臨危不亂,及時急煞及扭軚避開婆婆,這才沒有造成車禍的發生。司機回想起當時情況仍然一額汗,留言表示「真係俾你嚇X死」。
![司機尾隨巴士,巴士在前方阻擋視線。(FB影片截圖)](https://image.bastillepost.com/1160x/wp-content/uploads/hongkong/2024/02/20240221_CR_source-web_old2.jpeg.webp)
司機尾隨巴士,巴士在前方阻擋視線。(FB影片截圖)
影片曝光後,網民紛紛譴責婆婆的危險行為「呢d先係真正馬路炸彈喎!」、「唉,呀婆你唔好咁啦,真係唔驚既咩」、「其實每年都有幾個咁樣推車仔過馬路嘅老人家車禍中身亡」、「呢舖真係嚇x死」、「恃老賣老,仲亂過馬路!」、「一把年紀仲要出嚟執紙皮雖然係慘,但咁樣真係唔啱,累己累人」、「支持報警罰款,等佢下次唔敢」。
![當巴士駛離後,司機才驚見馬路前方有一名婆婆推着裝滿紙皮的手推車闖入迴旋處。(FB影片截圖)](https://image.bastillepost.com/1062x/wp-content/uploads/hongkong/2024/02/20240221_CR_source-web_old3.jpeg.webp)
當巴士駛離後,司機才驚見馬路前方有一名婆婆推着裝滿紙皮的手推車闖入迴旋處。(FB影片截圖)
亦有網民指出婆婆原來是慣犯「成日都見到佢,黑心咁講咁多次都冇事,佢真係好彩」、「我都試過同一位置,又係逆線,仲係夜晚」、「同一個迴旋處成日遇到佢,夜晚出九龍嗰個出口,佢又逆線,條路又黑」、「如果你住粉嶺附近,一定知呢個阿婆成日推紙皮車出迴旋處,一日起碼幾轉,我都遇唔少次」、「粉嶺呢個位我都比佢嚇過一次」、「我都係喺呢個迴旋處見過呢個呀婆一次,我係出警署個exit時撞正佢推車迎面過來,好彩仲有一段距離可以避得切,真係超危險」。
帖文來源:Facebook 群組「車cam L(香港群組)」