白髮跛腳漢揸的士 拄雙拐杖上車遭同行嘲「一上車派驚風散」網嘆：香港長者悲歌

有人拍到一名白髮蒼蒼的的士司機，以雙拐杖撐上車開工。拍片者嘲「一上車派驚風散」，網民慨嘆「香港長者悲歌」。

(FB影片截圖）

近日，Facebook專頁「車Cam特工」上載一影片，影片中一名白髮蒼蒼的長者疑似腳部受傷，以雙拐仗支撐身體，緩緩由的士車尾走到司機位置打開車門，估計是準備開工。的士後方的司機一邊拍片一邊說「上佢車都跳返落車」，又嘲笑的士司機「香港腳發作又」，更諷刺表示「一上車派驚風散」。

(FB影片截圖）

影片曝光後，不少網民認為該司機在身體狀況不佳的情況下仍然開車是不負責任的行為，可能危及乘客和其他道路使用者的安全「我見過佢，而且係掛住尿袋開工。馬路炸彈，害死人」、「咁樣真係好危險喎，伯伯連行路都不便，試問如何有信心可以用腳穩妥地操控油門及煞車？」、「佢咁嘅狀態真係危害到乘客，同埋社會上面其他車輛行人嘅安全」、「唔係真的呀，如果坐佢車正式搵命仔博」、「其實到左咁既年紀，身體有問題就吾好再揸了，成車人條命係佢手」。

(FB影片截圖）

不過，亦有網民對司機表示同情，感嘆「香港長者悲歌」、「咁老都仲要出來楂車搵食，依個社會發生咩事」、「有頭髮唔想做癩痢，可能真係生活困苦！」、「好可憐，點解傷到咁樣仲要咁辛苦楂車搵食」、「點解要咁樣笑呢位伯伯呢？佢靠自己嘅能力去搵食，點解要笑佢呢？」、「其實去到咁，仲要出黎搵錢… 然後有人就拍片公審，個社會有病到咩地步？」

(FB影片截圖）

根據《道路交通（駕駛執照）規例》（第374B章）規定，目前年滿70歲或以上人士在申請駕駛任何種類汽車的正式駕駛執照時，必須提供一份不早於申請前4個月、由指定註冊醫生所填寫及簽署的體格檢驗證明書（TD256）。有關駕駛執照分為1年或3年年期，若成功續領3年年期的執照，該名駕駛者只需每三年進行一次體檢。

帖文來源：Facebook專頁「車Cam特工」

近日網上瘋傳一段影片，有九巴司機見中年女乘客濫用輪椅的安全帶綁行李，直言不把行李拿走就不開車，網民力撐司機做法正確。

車長要求挪開行李 女子拒絕

有網民在fb群組「香港突發事故報料」上載影片。從影片可見，有九巴乘客將自己的行李放到輪椅位上，更將安全帶扣上行李上。車長要求挪開行李，但女乘客不肯。

FB截圖

車長請車內其他乘客下車

影片開始時巴士已停至路邊，車長上前與車內一名男乘客溝通，稱有人違規需要停下處理，請其下車。

FB截圖

雙方發生口角 車長：正常態度

女子直言，「我依家行李扣帶都唔得，冇輪椅都唔得，你咩嘢態度？」。車長不甘示弱，態度強硬答：「正常態度，我話唔得就唔得」，女子再次追問「你乜態度先？」，車長仍舊答道「正常態度」，並指向車窗外圍觀的市民和下車的乘客說「全世界都望住你」。

FB截圖

女子辯解輪椅位並沒有輪椅

女子辯解，現時輪椅位並沒有輪椅。然而，車長表示「冇輪椅唔係你話事」，惟女子不願退讓，直言「我宜家企喺度」。司機亦強硬回擊「企喺度還企喺度，唔畀你扣就唔畀你扣，兩回事」，並指女子不用舉機拍攝，不把行李拿走就不開車。

之後女子將鏡頭掃過輪椅位，再次表示「宜家呢度係冇乘客嘅」，司機亦企硬「冇乘客咪冇乘客，唔係畀你咁用，明唔明？」。最後，女子表示會將影片上傳至Facebook，影片到此結束。

FB截圖

網民一面倒支持司機

片段被放上社交平台後，網民一面倒支持司機，表示車長就應該要求乘客守規矩，「車長好嘢」、「比你放係人情，唔比你放係道理」、「車長正確，呢到係擺輪椅既位，呢一刻無人用唔代表下一刻無人用」、「支持車長，車長答得好好，撐車長做法」、「好多市民乘坐交通工具時橫行無忌，對乘坐交通工具嘅知識好弱」、「正常態度，啲人真係以為拍片大晒！」。