一班小學生搭巴士時因未有行入車廂，而遭巴士車長破口大罵，網民反讚「鬧得好！」
疑似學生們因沒有行入車廂，引起車長（紅圈者）不滿。車長氣憤表示「埋邊咁多位，你地又企喺車頭度做咩呀」。（FB影片截圖）
該網民於Facebook群組「青衣街坊吹水會」上載影片，表示事發於「10號巴士現場」，影片中，巴士靠站停車，一群身穿校服、背着書包的小學生站在車廂車門附近。疑似學生們因沒有行入車廂，阻塞走廊通道，影響其他乘客上落而引起車長不滿。車長走出駕駛位置，非常氣憤地走到學生身邊，手舞足蹈高聲斥責他們「埋邊咁多位，你地又企喺車頭度做咩呀」，又表示要投訴「邊間學校㗎？投訴你間學校啊」。
車長（紅圈者）又稱「講咗幾廿次都係咁樣！」意指學生們經常不合作行入車廂，阻礙其他乘客上落。（FB影片截圖）
學生們於是慢慢行到車尾，但有乘客卻看不過眼車長的態度，大聲問道「全部都係學生嚟咋，你想對佢地點樣呀？」車長則一邊返回司機位置，一邊反駁指「講咗幾廿次都係咁樣！」意指學生們經常不合作行入車廂，阻礙其他乘客上落。有乘客不耐煩說「講咗幾廿次啦都，唔好講喇嘛」，有人更勸說「唔好咁嘈，成車人生命都喺你度」。
有乘客看不過車長（紅圈者）躁狂行為，發聲問「全部都係學生嚟咋，你想對佢地點樣呀？」（FB影片截圖）
影片引熱議，有網民批評車長態度惡劣「小學生啫，唔使咁惡嘅，有病就睇醫生」、「個司機真係都幾燥下，睇片似小學生嚟，唔使咁勞氣嘅」、「個司機壓力好大喎，成車人條命喺佢手小心啲」。
不過大部分網民反而撐車長，認為學生的行為確實不妥「學生有位都唔行入去，學生就大哂？其他人唔洗上車？」、「一個大書包。企晒落客門。頂住晒」、「但司機話好多次都係咁，我估班細路唔係第1次係咁」、「車長出聲班人都仲可以個個行入去，證明根本車尾就大把位企，班人就企晒喺車門方便落車，你地就上晒車，人地就喺出面等多20分鐘，自私」、「我嗰頭都係，依家啲學生真係企定定都唔行入啲俾你上車返工，叫極唔聽，好自私，支持司機啊！」、「唔鬧都唔肯行入啲，呢啲學生抵比車長鬧，上水我成日見」。
雖然有部份網民批評車長態度惡劣，但仍有不少網民撐車長，認為他也是為了其他乘客著想。（FB影片截圖）
帖文來源：Facebook群組「青衣街坊吹水會」
