有黃大仙街坊於巴士站旁的鐵絲網上,以凋落的木棉花砌出兩個大大紅心,超靚!
![用木棉花砌出兩個大大紅心,超靚!(FB圖片)](https://image.bastillepost.com/933x/wp-content/uploads/hongkong/2024/03/20240228_CR_source-web_flower.jpeg.webp)
用木棉花砌出兩個大大紅心,超靚!(FB圖片)
每年二至三月,為本港常見的木棉樹的開花期,這段時間,市民有機會欣賞到木棉樹綻放的美麗紅花,但由於花期只有約一個月,因此地面常見到凋落的木棉花。
近日,有網民於Facebook群組「黃大仙區友」發文,表示發現鑽石山真鐸學校的巴士站旁,有街坊在鐵絲網圍欄上以凋落的木棉花砌成了兩個紅心,為這個乍暖還寒的春天增添一點溫暖。從照片可見,兩個紅心並排而成,面積不細,十分漂亮!相信街坊花了很多時間及心機砌成。樓主亦讚「真係有心!行過咗都忍唔住行返轉頭影相」。
![好有心思!(FB圖片)](https://image.bastillepost.com/933x/wp-content/uploads/hongkong/2024/03/20240228_CR_source-web_flower2.jpeg.webp)
好有心思!(FB圖片)
照片得到很多網民的讚賞「唔錯喎,又唔洗攤係地面上,又有心思去砌個心形出黎,睇得出事主心情都唔錯,生活也唔錯」、「靚過嗰個膠氣球多多聲,而且$7.8都唔使」、「超靚呀!睇到個人都開心呀!」;有街坊則指原來紅心每年都會出現「呢招好似印象中2018年開始有」、「呢個位年年都係咁,應該好快小紅書會介紹」。
![樓主重返時,雙心已被清除,非常可惜。(FB圖片)](https://image.bastillepost.com/933x/wp-content/uploads/hongkong/2024/03/20240228_CR_source-web_flower3.jpeg.webp)
樓主重返時,雙心已被清除,非常可惜。(FB圖片)
可惜的是,樓主於留言區表示日前再次經過該地時,發現這兩個大紅心已經被清拆了。
![有網民於斧山村平定道發現兩名女士,疑似正在砌花,莫非她們就是創作者?。(FB圖片)](https://image.bastillepost.com/389x/wp-content/uploads/hongkong/2024/03/20240228_CR_source-web_flower4.jpeg.webp)
有網民於斧山村平定道發現兩名女士,疑似正在砌花,莫非她們就是創作者?。(FB圖片)
帖文來源:Facebook群組「黃大仙區友」