《再見‧枕邊人》｜「李莫仇」張詩欣演活癱瘓女騎師 為投入角色瞓足全日床冇郁過

「李莫仇」張詩欣：「塊面痕想𢯎要人幫，個感覺真係好無助！」

由廖晉碩監製、林麗媚擔任編審的《再見‧枕邊人》，逢周一至五晚八點半翡翠台播映，主要演員包括馬德鐘、黃智雯、張曦雯、羅天宇、徐榮、鄭俊弘、尹詩沛及杜燕歌等。

張詩欣飾演癱瘓女騎師Joy。

張詩欣飾演癱瘓女騎師Joy。

原來長勝（羅天宇飾）早於晴天（黃智雯飾）失憶前已相遇！

原來長勝（羅天宇飾）早於晴天（黃智雯飾）失憶前已相遇！

長勝帶顧晴天探訪Joy。

前（5日）、昨（6日）晚劇情講到金長勝（羅天宇飾）帶顧晴天（黃智雯飾）探訪癱瘓女騎師鄧樂怡Joy（張詩欣飾），讓晴天憶起當年在印尼出意外後無助的自己，十分感觸，立志要寫好Joy的故事。重新執筆的晴天，在前往馬術學校路上偶遇楊萬森（馬德鐘飾），二人一同訪問Joy的教練（李泳豪飾），勾起不少昔日回憶。Joy病情惡化，晴天決定要趕快替她完成有聲書，並找萬森合力完成，可惜未能趕及，Joy已離開人世。有聲書試播當天，播出不少Joy於意外前的片段，包括騎馬、擦馬、做健身等，配合晴天的聲音導航，隔着屏幕也感受到這股正能量！

晴天憶起喺印尼嘅日子。

令晴天十分感觸，立志要寫好Joy嘅故事。

令晴天十分感觸，立志要寫好Joy嘅故事。

晴天與楊萬森（馬德鐘飾）合力訪問Joy的教練。

晴天與萬森多年前訪問過Joy。

劇本睇到眼濕濕：我個心好噏！
飾演癱瘓女騎師Joy的演員張詩欣，憑《愛．回家之開心速遞》裏飾演「李莫仇」而為人認識，今次撇甩醜女形象演活癱瘓女騎師，演出相當有發揮。得悉接演因意外後癱瘓的女騎師，詩欣受訪時透露在網上搜尋大量相關資料，嘗試代入癱瘓病人的角度，坦言角色有難度：「難道在於點樣拿捏一個癱瘓病人嘅狀態，Joy只係剩低個頭可以郁，基本上長期瞓床。前期嘅Joy好勇於面對，後期知道自己病情惡化會有情緒，所以唔同時期，眼神、表情、語氣都有唔同。」為了更投入角色，詩欣於拍攝當日全程躺在床上沒有動：「塊面痕想𢯎要人幫，想轉身郁吓又唔得，個感覺真係好無助！」續透露收到劇本時已看到眼濕濕，其後再看更多關於騎師的經歷和故事，才發現當騎師並不容易：「再知道自己癱咗之後，我個心好噏，有諗如果我自己係咁嘅時候會點面對……」

晴天與楊萬森一同探訪Joy，Joy以為兩人仍然喺埋一齊！

張詩欣認為Joy絕對係「Follow her heart」，即使教練反對佢去外國做騎師，仍然決定放手一博。

張詩欣靠眼神、表情、語氣演活癱瘓女騎師。

黃智雯幫助進入情緒演喊戲
每集開首均有點題slogan，而前晚一集為「Follow your heart」，張詩欣認為Joy絕對是跟隨自己的心去做任何事：「因為當佢去外國玩馬術時，教練係反對，但Joy都決定放手一博。」原本不懂馬術的張詩欣，獲公司安排上馬術課程，讓她可以寓工作於娛樂：「我好開心可以去學，騎馬係我一直以來都想學嘅嘢，今次個角色就畀咗機會我。」她又大讚黃智雯和馬德鐘是很好的前輩，前者溫柔體貼，後者風趣幽默：「有一場喊戲，Mandy（智雯）好好，幫助我進入情緒；馬神（馬德鐘）好風趣，令到拍攝氣氛好舒服。」

晴天與楊萬森合力完成有聲書。

Joy意外前係一位出色嘅女騎師。

Joy離世前拍咗段影片送畀晴天。

今晚（7日）播出的《再見‧枕邊人》，除了重操故業當記者的晴天，被朱善美（張曦雯飾）安插在心聲、獲得卓越記者獎的聞琪（林熹瞳飾）處處針對外，劇情開始講述金長勝的故事，原來早於晴天失憶前，兩人曾因一道護身符而相遇，長勝早就認識晴天，究竟靠近晴天的真正目的是甚麼？難道長勝就是晴天的加害者？！繼續留意《再見‧枕邊人》。

晴天被聞琪（林熹瞳飾）處處針對。

撇甩乖乖仔形象演奸角全靠催眠自己：永遠唔可以諗自己係奸

由廖晉碩監製、林麗媚擔任編審的《再見‧枕邊人》，逢周一至五晚八點半翡翠台播映，主要演員包括馬德鐘、黃智雯、張曦雯、羅天宇、徐榮、鄭俊弘、尹詩沛及杜燕歌等。28日劇情跌宕起伏非常精彩，高潮位一定是晴天（黃智雯飾）與長勝（羅天宇）在迷你倉檢查小敏（區明妙飾）遺物時被跟蹤者搶走重要證物，正當觀眾為二人感到肉緊時，劇情驚現反轉位揭示「晴勝」原來是故意被跟蹤，一切只是設局引「大凌生」凌頌恆（張國強飾）上當，令小敏被強迫吸毒致死的影片透過直播公諸於世。雖然影片拍不到兇手樣貌，但由於手上的藍寶石戒指為「大凌生」標誌性飾物，深知會被全城認定是兇手的大凌生知道大勢已去後，第一時間是抱著與愛兒Alex（鄭俊弘飾）合照跌坐地上痛哭，並向Alex留下告別口訊：「爹哋唔能夠再陪你，你以後好好地靠自己。」當大家以為大凌生罪有應得，劇情竟再有反轉，原來Alex才是殺死小敏的真兇，同時亦是林秀怡劇中死去妹妹的兒子Bosco的生父！大凌生為保兒子聲譽，背後可謂下了不少苦功。

Alex與大凌生呢段「暗黑父子情」歪理得好感人。

Alex與大凌生呢段「暗黑父子情」歪理得好感人。

晴天與長勝到迷你倉檢查小敏遺物，被幪面人搶走重要證物。

幪面人係大凌生助手阿添（梁皓楷飾）。

全城直播拍下小敏死亡真相的影片，以及大凌生看到影片時的反應。

大凌生溺愛兒子Alex，決定代子頂罪。

大凌生溺愛兒子Alex，決定代子頂罪。

晴天與長勝其實一早就搵到「證據影片」，扮畀阿添搶走只係為咗設局引大魚上釣！

而今晚（29日）大結局，背負著對爹哋的內疚及晴天的仇恨的Alex將終極大暴走，更會擄走晴天至荒山野嶺進行報復，善美（張曦雯飾）及萬森（馬德鐘飾）則會先後趕到現場營救晴天，其間萬森除了會與Alex上演連番激戰，同一時間當年謀害晴天的Final Big Boss真身亦會終極揭盅，答案絕對令人意想不到之餘，在四人混戰期間，竟有一人最終墮崖身亡，結局可謂反轉再反轉！

晴天今晚將被擄走，再次身陷險境

善美與萬森先後趕到現場。

萬森認為善美有份加害晴天。

混戰期間有人墮崖身亡，究竟會係邊個？

鄭俊弘大結局將終極暴走，值得期待。

Bosco生父原來是Alex！

來到結局周，除了以洋蔥式揭出的真相令人驚艷，大凌生與Alex的「暗黑父子情」亦相當吸睛，大凌生在入獄前專誠拍片送給Alex，並以極慈祥的父親口脗說出：「就算你闖幾多禍都好，我都幫你孭晒」、「就算你一事無成，你都係爹哋最錫嘅仔」。由於大凌生實在說得太感人，Alex流下自責的眼淚並爆出自己才是殺區明妙真兇：「我唔……應該戴你隻戒指！我唔應該害死小敏，係我累咗你，對唔住。」在劇飾演經常闖禍富二代Alex的鄭俊弘（Fred），對於擔演此角直呼過癮，並坦承尾段演出難度較高：「要Keep住好崩潰、好緊張、好癲喪嘅狀態，要好快由0去到100，需要好多energy，但呢個角色好好玩。」以往大多數演乖乖仔的他，坦言是次演奸角好有得著：「永遠唔可以諗自己係奸，同自己講係好嘅，你就可以好完整同埋justify到你角色所做嘅嘢。」Fred指拍攝時兒子鄭讚廷（Asher）出世不久，初為人父的他卻要達宵達旦開劇，只能夠透過視像及家用監控鏡頭與兒子「見面」：「記得有一晚開廠，我仔喺床上瞓緊覺，嗰陣佢仲要『纜』住口水肩，我見到個口水肩反起咗遮住佢塊面，即刻緊張到打電話畀老婆，但佢沖緊涼聽唔到，當時好慌好驚！始終啱啱出世幾個月，好彩口水肩好薄，令我感受到做新手爸爸唔可以喺個仔身邊嘅慌忙，依家學識輕鬆啲咁去照顧。」

善美安排Alex到美國避風頭，但Alex唔肯離開。

大凌生入獄前拍片勉勵Alex，雖然咁樣包庇兒子都係錯，但都有佢感人嘅地方。鄭俊弘呢幕都演得唔錯。

原來Bosco生父係Alex，二人亦早在醫院相遇。