沙田大老山公路日前發生致命交通意外。兩輛車相撞後，兩名司機下車理論期間，被後來駛至的貨車撞倒，一死一傷。事隔一日(5日)，有網民在群組分享，指又見到在黃大仙中心對出的馬路快線有兩車相撞，期間兩名司機下車疑和對方「講數」，有網民不禁感嘆「仲未吸取教訓？」
沙田大老山公路日前發生致命交通意外。FB圖片
樓主在facebook群組分享圖片，圖片所見事發是在黃大仙中心對出，往沙田方向位置，有一輛私家車與一輛輕型貨VAN在俗稱的快線相撞，而兩名司機疑似落車視查情況，正與對方講數。不過後面的私家車卻未見有着死火燈，做法非常危險，如後方有車駛至，卻未察覺情況，隨時又釀成另一宗悲劇！
樓主在facebook群組分享圖片。
此時此景似曾相識，令不少網民不禁回想日前發生的沙田奪命意外，他們留言「琴日就中線，今日就快線！黃大仙都保唔住」、「意外翌日都無危機意識」、「真係唔驚死㗎喎」、「幾大都等差佬到先落車啦」、「一撞埋去２個即刻變夾心三文治」、「佢留喺車度都有鐵皮，落車就用生命硬接」、「以為有咩事可以跑上壆？」。
示意圖。《愛回家》劇照
有網民就教路，不想事件重演就要咁做「高速要停一定係要駛埋慢線或路壆，如果近出彎位壞，仲要遠離架車，或者安全情況下入灣位前，Fing（揈）衫提醒後車司機，直至有警察嚟」。
沙田大老山公路日前發生致命交通意外。FB圖片
不過亦有網民指出圖片位置經常塞車，「可能塞車後先落車呢」、「呢個位相對會安全啲，啲車嚟到呢個位，因為多巴士站，巴士都會收慢」、「同昨日Case唔同啦，昨日仲高速行緊，宜家已經塞晒慢晒車啦，盲毛要撞就撞遠遠嘅隊尾！」。
